ព័ត៌មានអន្ដរជាតិ

ត្រាំយល់ព្រមផ្សះផ្សាជាមួយ លោក walz ក្នុងរឿងបាញ់សម្លាប់ជនអន្តោប្រវេសន៍

បានផុស

៣ ខែ មុន

នៅ

ថ្ងៃអង្គារ ២៧ មករា ២០២៦

ដោយ

ប្រធានាធិបតី លោក ដូណាល់ ត្រាំ និងអភិបាលរដ្ឋ Minnesota លោក Tim Walz បានផ្សះផ្សាគ្នាឡើងវិញ បន្ទាប់ពីការហៅទូរស័ព្ទឯកជនមួយកាលពីថ្ងៃចន្ទ ជាសញ្ញាមួយដែលភាគីទាំងពីរចង់ដោះស្រាយវិបត្តិជុំវិញការបណ្តេញជនអន្តោប្រវេសន៍តាមបញ្ជារបស់ លោក ដូណាល់ ត្រាំ បន្ទាប់ពីមន្រ្តីអន្តោប្រវេសន៍ធ្វើឱ្យពលរដ្ឋអាមេរិកពីរនាក់ស្លាប់នៅក្នុងត្លុកឈាម នៅទីក្រុង Minneapolis ។

ជាមួយគ្នានោះ លោក ដូណាល់ ត្រាំ និងអភិបាលក្រុង Minneapolis លោក Jacob Frey ក៏បាននិយាយគ្នាតាមទូរស័ព្ទកាលពីថ្ងៃចន្ទផងដែរ ក្នុងការដោះស្រាយបញ្ហាចម្រូងសម្រាសជាបន្តបន្ទាប់របស់ពួកគេ ជាការផ្លាស់ប្តូរសាធារណៈអស់ច្រើនសប្តាហ៍។

ការសន្ទនានោះ បានបន្តថា មន្ត្រីជាន់ខ្ពស់របស់រដ្ឋបាលរបស់ប្រធានាធិបតី ដូណាល់ ត្រាំ លោក Gregory Bovino ជាមន្ត្រីល្បាតព្រំដែនរបស់សហរដ្ឋអាមេរិក ជាមនុស្សម្នាក់ពូកែរិះគន់អ្នកមកពីគណបក្សប្រជាធិបតេយ្យ និងសកម្មជនស៊ីវិល នឹងចាកចេញពីរដ្ឋ Minnesota រួមជាមួយភ្នាក់ងារមួយចំនួនដែលដាក់ពង្រាយជាមួយខ្លួនផងដែរ។

មន្ត្រីដែលនិយាយក្នុងលក្ខខណ្ឌមិនបញ្ចេញឈ្មោះ បានឲ្យដឹងថា មនុស្សម្នាក់ដែលតែងតាំងជាមន្រ្តីព្រំដែន ត្រូវបានចាត់តាំង ពីលោក ត្រាំ គឺលោក Tom Homan នឹងជំនួសឱ្យ លោក Bovino នៅក្នុង រដ្ឋ Midwestern ក្នុងតួនាទីដែលរដ្ឋបាលត្រាំ បានដាក់ឈ្មោះថា Operation Metro Surge ។

លោក ត្រាំ ផ្ទាល់បាននិយាយថា៖«លោក Homan កំពុងត្រូវបានបញ្ជូនទៅកាន់រដ្ឋ Minnesota, លោក Homan មិនជាប់ពាក់ព័ន្ធក្នុងការបង្រ្កាបជនអន្តោប្រវេសន៍នោះទេ ប៉ុន្តែ លោកស្គាល់ និងចូលចិត្តមនុស្សជាច្រើននៅទីនោះ»។

លោក Bovino បានក្លាយជាមនុស្សមានមុខមាត់ជាសាធារណៈឈានមុខគេ និងជាអ្នកតស៊ូមតិ ខាងជនអន្តោប្រវេសន៍ក្នុងរដ្ឋបាល លោក ដូណាល់ ត្រាំ ដែលគេតែងតែឃើញក្រុមរបស់លោកឈានមុខគេនៃភ្នាក់ងារសហព័ន្ធប្រដាប់អាវុធខ្លាំងៗ ធ្វើដំណើរតាមដងផ្លូវក្នុងទីក្រុង។

មិនតែប៉ុណ្ណោះ ព័ត៌មាននៃការដកតំណែងរបស់មន្រ្តីរូបនេះធ្វើឡើងពីរថ្ងៃ បន្ទាប់ពីការហៅទូរស័ព្ទរបស់លោក ដូណាល់ ត្រាំ ជាមួយ Walz និង Frey ពីហេតុការណ៍របស់គិលានុបដ្ឋាយិកា ICU អាយុ៣៧ឆ្នាំ លោក Alex Pretti ត្រូវបានបាញ់សម្លាប់ដោយភ្នាក់ងារសហព័ន្ធនៅទីក្រុង Minneapolis អំឡុងពេលភាពតានតឹងកណ្តាលក្រុង កាលពីចុងសប្តាហ៍រវាងមន្ត្រីអន្តោប្រវេសន៍ និងក្រុមអ្នកតវ៉ា៕

ប្រែសម្រួល៖ ណឺ មិនា