Connect with us

កីឡា

កីឡាករ​ អ៊ឹម​ លាំងឈុង​ ចំណាយ​ពេល ​៥ឆ្នាំ​ទើប​អាច​ជាប់​ជម្រើស​ជាតិ​កីឡា​វ៉ូវីណាម​

បានផុស

នៅ

អ៊ឹម​ លាំងឈុង​ ដែល​ជា​កីឡាករ​វ៉ូវីណាម​ រំលឹក​ពី​អតីតកាល​ចូល​ហ្វឹកហាត់​កីឡា​មួយ​នេះ​​រយៈពេល​ ៥​ឆ្នាំ​ទើប​មាន​ឱកាស​ និង​សមត្ថភាព​គ្រប់គ្រាន់​បាន​ជាប់​ជម្រើស​ជាតិ​រហូត​មក​ដល់​ពេល​នេះ​ និង​មាន​ឱកាស​ចេញ​ប្រកួត​អន្តរជាតិ​ឈ្នះ​មេដាយ​ជា​បន្តបន្ទាប់។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ឹម​ លាំងឈុង​ និង​មិត្តរួមក្រុម

កីឡាករ​ អ៊ឹម​ លាំងឈុង​ បាន​ឲ្យ​ដឹង​ថា​ រូប​គេ​ចូល​ហ្វឹកហាត់​កីឡា​វ៉ូវីណាម​នេះ​ដំបូង​គឺ​គ្រាន់​តែ​ចង់​បាន​សុខភាព​ល្អ​ និង​អាច​ការពារ​ប៉ុណ្ណោះ​ទេ។​ រូប​គេ​ចាប់​ហ្វឹកហាត់​កីឡា​មួយ​នេះ​តាំង​ពី​ឆ្នាំ​២០១៤​ រហូត​ដល់​ឆ្នាំ​២០១៩​ ទើប​បាន​ជាប់​ជម្រើស​ជាតិ។​

កីឡាករ​ អ៊ឹម​ លាំងឈុង​

ម្ចាស់​មេដាយ​អន្តរជាតិ​ជា​ច្រើន​គ្រឿង​រូប​នេះ​បន្ថែម​ទៀត​ថា​ ការ​តស៊ូ​ព្យាយាម​រយៈពេល​ ៥​ឆ្នាំ​បាន​ធ្វើ​ឲ្យ​រូប​គេ​បាន​ជាប់​ជា​កីឡាករ​ជម្រើស​ជាតិ​ និង​មាន​ឱកាស​ចេញ​ប្រកួត​តំណាង​កម្ពុជា​ដូច​ជា​នៅ​ប្រទេស​ឥណ្ឌូណេស៊ី​ ចំនួន​២ដង​ ប្រទេស​មីយ៉ាន់ម៉ា​ ប្រទេស​វៀតណាម​ ជា​ដើម។​ បន្ទាប់​ពី​បាន​ហ្វឹកហាត់​ និង​ចាប់​យក​អាជីព​​កីឡា​មួយ​នេះ​មក​បាន​ផ្ដល់​សារប្រយោជន៍​ច្រើន​ដល់​ខ្លួន​ពិសេស​ធ្វើ​ឲ្យ​ជីវភាពក្រុម​គ្រួសារ​​ល្អ​ប្រសើរ​​ផង​ដែរ។​

អ៊ឹម​ លាំងឈុង​ និង​មិត្តរួមក្រុម

បញ្ជាក់​ដែរ​ថា​ អ៊ឹម​ លាំងឈុង​ ចូល​ហ្វឹកហាត់​ដំបូង​នៅ​ឆ្នាំ​២០១៤​ ដោយ​តំណាង​ឲ្យ​វិទ្យាល័យ​វត្តកោះ។​ បច្ចប្បន្ន​នេះ​រូប​គេ​ជា​កីឡាករ​ជា​ជម្រើស​ជាតិ​ផង​ និង​ជា​កីឡាករ​ប្រកួត​តំណាង​ឲ្យ​ក្រសួង​មហាផ្ទៃ​ផង។​ កីឡាករ​រូប​នេះ​ច្រើន​លេង​លើ​វិញ្ញាសា​មេគុន​ឯកត្តជន​ និង​វិញ្ញាសា​សម្ដែង​មាន​អាវុធ​ជា​ក្រុម។​ មេដាយ​អន្តរជាតិ​ដែល​រូប​គេ​ធ្លាប់​ឈ្នះ​មាន​ ១២គ្រឿង​ មាស៥​ ប្រាក់​៤​ សំរឹទ្ធ៣៕​

កីឡាករ​ អ៊ឹម​ លាំងឈុង​

អត្ថបទដោយ៖ នួន ស៊ីណា​

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម