កីឡា

ថ្ងៃដំបូង កម្ពុជាឈ្នះមេដាយវ៉ូវីណាមពិភពលោកមាស២ ប្រាក់២ សំរិទ្ធ២

បានផុស

៧ ខែ មុន

នៅ

ថ្ងៃសៅរ៍ ២៥ វិច្ឆិកា ២០២៣

ដោយ

នៅថ្ងៃដំបូងគឺទីថ្ងៃ២៥ ខែវិច្ឆិកា ឆ្នាំ២០២៣ កីឡាករ កីឡាការិនីវ៉ូវីណាមជម្រើសជាតិកម្ពុជាទទួលបានមេដាយចំនួន៦គ្រឿងពីការប្រកួតវ៉ូវីណាមជើងឯកពិភពលោក នៅទីក្រុងហូជីមិញ ប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សៀន ចាន់ហួត បានឈ្នះមេដាយមាស លើវិញ្ញាសាសម្តែងមេគុណដំបងដែលវិញ្ញាសានេះមានបេក្ខជនមកពី៩ប្រទេសចូលរួមប្រកួត ហើយមេដាយមាស១ទៀតបានទៅលើវិញ្ញាសាសម្តែងបុរស៣-នារី៣។

កីឡាករ លី បូរ៉ាមី បានឈ្នះមេដាយប្រាក់សម្រាប់វិញ្ញាសាសម្តែងមេគុណបុរសដែលវិញ្ញាសានេះមានកីឡាករមកពី១៥ប្រទេសបានចូលរួមប្រកួត ហើយមេដាយប្រាក់១ទៀតបានលើវិញ្ញាសាប្រយុទ្ធទម្ងន់៥៧គីឡូក្រាម។

ចំពោះមេដាយសំរិទ្ធបានទៅកីឡាការិនី ឯម ច័ន្ទកនិកា លើវិញ្ញាសាសម្តែងមេគុណបុរសដែលមានបេក្ខនារី១៣ប្រទេសចូលរួមប្រកួត និងមេដាយសំរិទ្ធ១ទៀតបានលើវិញ្ញាសាសម្តែងប្រយុទ្ធនាទី។

សូមបញ្ជាក់ថា សហព័ន្ធកីឡាវ៉ូវីណាមកម្ពុជាបានបញ្ជូនកីឡាករ កីឡាការិនីកម្ពុជាចំនួន២៧រូបទៅចូលរួមប្រកួតកីឡាវ៉ូវីណាមពិភពលោក ឆ្នាំ២០២៣ ដែលចាប់ពីថ្ងៃទី២៥ដល់ទី៣០ ខែវិច្ឆិកា នៅប្រទេសវៀតណាមដែលមាន៣៤ប្រទេសមកពីជុំវិញពិភពលោកចូលរួមប្រកួត៕