Ronaldo ស្ថិតនៅចំណាត់ថ្នាក់​លេខ ១០ ជាកំពូល​កីឡាកររកគ្រាប់បាល់ដោយជើងឆ្វេងច្រើនបំផុត

ខ្សែប្រយុទ្ធ Cristiano Ronaldo បានសាងភាពភ្ញាក់ផ្អើលជាថ្មី ដោយត្រូវបានគេកត់ត្រា ជាកីឡាករម្នាក់ស្ថិតនៅចំណាត់ថ្នាក់លំដាប់​កីឡាករ​កំពូលទាំង ១០ ដែលស៊ុតបញ្ចូលទីដោយប្រើជើងឆ្វេងឱ្យក្លិបច្រើនបំផុតក្នុងសតវត្សទី ២១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត កំណត់ត្រានេះ ពិតជាធ្វើឱ្យអ្នកគាំទ្រចាប់អារម្មណ៍ជាខ្លាំង ដោយសារ​ខ្សែប្រយុទ្ធសញ្ជាតិ ព័រទុយហ្គាល់ វ័យ ៤១ ឆ្នាំរូបនេះ ជាកីឡាករជំនាញជើងស្តាំ ប៉ុន្តែបែរ​ជាអាចជាប់ចំណាត់ថ្នាក់កំពូលទាំង ១០ ជាកីឡាកររកគ្រាប់បាល់បាន ដោយប្រើជើងឆ្វេងច្រើនបំផុត។

គិតត្រឹមពេលនេះ Ronaldo រកបានគ្រាប់បាល់ដោយស៊ុតជើងឆ្វេងឱ្យក្លិបបានចំនួន ១៤៧ គ្រាប់ ដែលធ្វើឱ្យគាត់ឈរនៅចំណាត់ថ្នាក់លេខ ៩។ ចំណែកកីឡាករលំដាប់កំពូលទាំង ១០ ផ្សេងទៀត សុទ្ធតែជាកីឡាករ ដែលមានជំនាញជើងឆ្វេងស្រាប់ ដូចជា Lionel Messi ឈរលេខ ១ រកបាន ៦៤៧ គ្រាប់, Hulk ឈរលេខ ២ រកបាន ២៦៣ គ្រាប់, Mohamed Salah ឈរលេខ ៣ រកបាន ២៣២ គ្រាប់, Antoin Griezmann ឈរលេខ ៤ រកបាន ១៩៨ គ្រាប់។

បន្ទាប់មកទៀត Erling Haaland ឈរនៅលេខ ៥ រកបាន ១៩៣ គ្រាប់, អតីតកីឡាករ Lukas Podolski ឈរនៅលេខ ៦ រកបាន ១៦៨ គ្រាប់, Angel Di Maria ឈរនៅលេខ ៧ រកបាន ១៥៦ គ្រាប់, Romelu Lukaku ឈរនៅលេខ ៨ រកបាន ១៥១ គ្រាប់ និងចុងក្រោយ Arjen Roben ឈរនៅលេខ ១០ រកបាន ១៤៦ គ្រាប់៕

ប្រែសម្រួល៖ សេម កុសល
ប្រភព៖ LiveScore