កីឡា

ទើបបង្ហាញមុខក្នុងវិស័យប្រដាល់ ពេជ្រ ម៉ាយហាត សម្រេចឈប់ពីវិស័យកីឡាមួយនេះវិញហើយ

បានផុស

៣ ខែ មុន

នៅ

ថ្ងៃព្រហស្បតិ៍ ១២ មីនា ២០២៦

ដោយ

កីឡាករថ្នាលរបស់លោក ពេជ្រ សុផាន់ គឺ ពេជ្រ ម៉ាយហាត ដែលទើបតែបង្ហាញមុខក្នុងវិស័យប្រដាល់ និងចាប់ផ្ដើមមានការគាំទ្រទៅហើយ ប៉ុន្តែរូបគេបានសម្រេចចិត្តឈប់ពីកីឡាមួយនេះវិញបាត់ទៅហើយក្រោមហេតុផលនឹកផ្ទះមិនស៊ូបន្តទៀតបានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេក ពេជ្រ សម្បត្តិ

អំឡុងពេល ២ថ្ងៃនេះគឺមានឃើញមានវីដេអូច្រើនបង្ហាញពីការចាកចេញរបស់កីឡាករថ្នាល ពេជ្រ ម៉ាយហាត ឈប់រស់នៅ និងហ្វឹកហាត់ជាមួយលោក ពេជ្រ សុផាន់ និងវិលត្រឡប់ទៅផ្ទះឯខេត្តស្ទឹងត្រែងវិញហើយនៅពេលនេះ។

កូនសិស្សលោក ពេជ្រ សុផាន់ រូបនេះគេឃើញថាមានសមត្ថភាពលេចធ្លោល្អ និងមានកម្លាំងខ្លាំងថែមទៀតផងរហូតលើកដុំដែកទម្ងន់ ២០គីឡូក្រាមឈ្នះសិស្សក្នុងក្លឹបស្ទើរទាំងអស់។ បើទោះជាកីឡាករថ្មី និងទើបតែឡើងប្រកួតបានប៉ុន្មានប្រកួតយ៉ាងណាក្ដីតាមរយៈវីដេអូប្រម៉ូតរបស់ក្លឹបកន្លងទៅបានធ្វើឲ្យរូបគេមានអ្នកស្គាល់ និងតាមដានច្រើនថែមទាំងបានការឧបត្ថម្ភថវិកា ទូរសព្ទ កន្លងមកទៀតផង។

រូបភាពលើផេក ពេជ្រ សម្បត្តិ

យ៉ាងណានៅពេលនេះ ពេជ្រ ម៉ាយហាត បានសម្រេចចិត្តឈប់ពីវិស័យប្រដាល់វិស័យប្រដាល់ និងបានចាកចេញពីក្លឹបហើយដោយសារតែនឹកផ្ទះមិនអាចស៊ូនៅបន្ត។ រូបគេបានធ្វើដំណើរទៅស្រុកកំណើតនៅឯខេត្តស្ទឹងត្រែងវិញហើយដើម្បីមើលក្របីនេះបើតាមការលើកឡើងក្នុងវីដេអូនាពេលថ្មីៗនេះ។ អ្នកស្រឡាញ់គាំទ្រមានការភ្ញាក់ផ្អើល និងបង្ហាញការស្ដាយសមត្ថភាពរបស់យុវជនថ្នាលម្នាក់នេះណាស់ ព្រោះមើលឃើញពីទេពកោសល្យល្អ និងអាចមានភាពល្បីល្បាញនៅថ្ងៃខាងមុខ។

រូបភាពលើផេក ពេជ្រ សម្បត្តិ

បញ្ជាក់ដែរថា កីឡាករ ពេជ្រ ម៉ាយហាត ជាកូនសិស្សថ្នាលរបស់លោក ពេជ្រ សុផាន់។ រូបគេទើបតែចូលហ្វឹកហាត់ និងឡើងប្រកួតបានប៉ុន្មានប្រកួតនោះទេតាមបណ្ដាកម្មវិធីផ្សេងៗនាពេលកន្លងមក។ រូបគេជាកីឡាករមិនសូវចេះនិយាយស្ដីច្រើន និងមានការអៀនខ្មាសផងដែរ ប៉ុន្តែមានអ្នកចូលចិត្តហើយគាំទ្រច្រើន៕

រូបភាពលើផេក ពេជ្រ សម្បត្តិ

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា