ព័ត៌មានអន្ដរជាតិ

មន្ត្រីសេតវិមាន ថា បទឈប់បាញ់បង្កើតឱកាសសម្រាប់ដំណោះស្រាយការទូតនិងសន្តិភាព

បានផុស

៣ ខែ មុន

នៅ

ថ្ងៃពុធ ៨ មេសា ២០២៦

ដោយ

មន្ត្រីសេតវិមាន បានប្រកាសពីជ័យជម្នះដ៏ធំមួយសម្រាប់ទីក្រុងវ៉ាស៊ីនតោន ដែលសម្រេចនូវបទឈប់បាញ់រយៈពេលពីរសប្តាហ៍ជាមួយភាគីអ៊ីរ៉ង់ ដែលសហរដ្ឋអាមេរិកគំរាមបំផ្លាញចោលទាំងស្រុងនូវអារ្យធម៌ស៊ីវិល័យ និងឲ្យដូចឋាននរកនោះ។

អ្នកនាំពាក្យប្រចាំសេតវិមាន លោកស្រី Karoline Leavitt និយាយក្នុងសេចក្តីថ្លែងការណ៍មួយថា៖ « នេះ[បទឈប់បាញ់] គឺជាជ័យជម្នះមួយសម្រាប់សហរដ្ឋអាមេរិក ដែលមានប្រធានាធិបតី ត្រាំ និងយោធាដ៏អស្ចារ្យរបស់យើងធ្វើវាឱ្យកើតឡើង»។ នេះបើយោងតាមសារព័ត៌មានអាមេរិក NewsMax ផ្សាយថ្ងៃទី៨ ខែមេសា ឆ្នាំ២០២៦ ។

អនុប្រធានាធិបតីអាមេរិក លោក JD Vance និង លោកស្រី Karoline Leavitt ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីលើកឡើងថា៖ « តាំងពីដំបូងនៃប្រតិបត្តិការ Epic Fury ប្រធានាធិបតី ត្រាំ ប៉ាន់ប្រមាណថា ប្រតិបត្តិការនឹងមានរយៈពេល ៤-៦ សប្តាហ៍ប៉ុណ្ណោះ។ អរគុណចំពោះសមត្ថភាពដ៏អស្ចារ្យរបស់អ្នកចម្បាំងរបស់យើង! យើងសម្រេចបាននិងលើសពីគោលបំណងយោធាស្នូលរបស់យើងក្នុងរយៈពេល ៣៨ថ្ងៃ»។

លោកស្រី Leavitt បន្តថា៖ « ភាពជោគជ័យនៃយោធារបស់យើងបានបង្កើតឥទ្ធិពលអតិបរមា អនុញ្ញាតឱ្យប្រធានាធិបតី ត្រាំ និងក្រុម[រដ្ឋបាលត្រាំ] ចូលរួមក្នុងការចរចាដ៏លំបាក តែឥឡូវនេះបានបង្កើតឱកាសសម្រាប់ដំណោះស្រាយការទូតនិងសន្តិភាពរយៈពេលវែងហើយ»។

លោកស្រី បន្ថែមថា៖ « លើសពីនេះ ប្រធានាធិបតី ត្រាំ បានបើកច្រកសមុទ្រ Hormuz ឡើងវិញទៀតផង»។

យ៉ាងណា ច្រកសមុទ្រនេះត្រូវបានបើកមុនពេលសង្គ្រាមចាប់ផ្តើម បច្ចុប្បន្នអ៊ីរ៉ង់និយាយថាគ្រប់ការឆ្លងកាត់ដោយសុវត្ថិភាពក្នុងច្រកផ្លូវទឹកយុទ្ធសាស្រ្ត Hormuz ត្រូវតែសម្របសម្រួលជាមួយកងកម្លាំងរបស់ខ្លួន។

លោកស្រី Leavitt លើកឡើងទៀតថា៖ « កុំមើលស្រាលសមត្ថភាពរបស់ប្រធានាធិបតី ត្រាំ ក្នុងការជំរុញផលប្រយោជន៍របស់អាមេរិកដោយជោគជ័យនិងសម្របសម្រួលដោយសន្តិភាព»៕

ប្រែសម្រួល៖ ណឺ មិនា