កីឡា

កម្ពុជា ធ្វើម្ចាស់ផ្ទះជម្រុះក្នុងពូលពាន AFC U-20 Asian Cup 2027

បានផុស

១ ខែ មុន

នៅ

ថ្ងៃព្រហស្បតិ៍ ៣០ មេសា ២០២៦

ដោយ

សហព័ន្ធកីឡាបាល់ទាត់អាស៊ី (AFC) បានបញ្ជាក់ជាផ្លូវការអំពីប្រទេសចំនួន ៨ ទទួលបានសិទ្ធិធ្វើជាម្ចាស់ផ្ទះរៀបចំការប្រកួតជម្រុះក្នុងពូលពានរង្វាន់យុវជនអាស៊ីអាយុ ២០ ឆ្នាំ AFC U-20 Asian Cup 2027។

ក្នុងចំណោមប្រទេសទាំង ៨ ក៏មានកម្ពុជាមួយដែរដែលត្រូវទទួលរៀបចំធ្វើជាម្ចាស់ផ្ទះ។ ប្រទេស ៧ ផ្សេងទៀតមាន បារ៉ែន គៀហ្ស៊ីស្ថាន ឡាវ កាតា ថៃ អ៊ូបេគីស្ថាន និងវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាលើកទី ២ ដែលកម្ពុជាទទួលរៀបចំធ្វើជាម្ចាស់ផ្ទះ បន្ទាប់ពីលើកទី១ កាលពីឆ្នាំ ២០១៨។ ពេលនោះ យុវជនកម្ពុជាបានបញ្ចប់ដោយស្ថិតនៅលេខ ២ ក្នុងពូល G បន្ទាប់ពីឈ្នះ១ ចាញ់ ១ និងស្មើ ១ ហើយ ចិន ជាអ្នកឡើងទៅជុំចុងក្រោយ។

ក្រុមយុវជនកម្ពុជាក៏ធ្លាប់បានចូលរួមប្រកួតឆ្នាំផ្សេងៗទៀតដែរដូចជាឆ្នាំ ២០២៥ ក្រុម U20 កម្ពុជា បានលេខ ២ ក្នុងពូល មិនបានឡើងទៅវគ្គបន្តទេ បន្ទាប់ពីឈ្នះ ២ ប្រកួត ស្មើ ១ ប្រកួត និងចាញ់ ១ ស្ថិតក្រោមក្រុមលេខ១ អ៊ូបេគីស្ថាន ដែលបានឡើងទៅជុំចុងក្រោយ បានឈ្នះជើងឯក។ យ៉ាងណា កម្ពុជា ស្ថិតនៅលើ បារ៉ែន នេប៉ាល់ និង ឆាយនីសតៃប៉ិ ដែលជាម្ចាស់ផ្ទះ។ នៅឆ្នាំ ២០២៣ កម្ពុជា ស្ថិតនៅបាតតារាងក្នុងពូល I បន្ទាប់ចាញ់ទាំង ៣ ប្រកួត នៅប្រទេសតាហ្ស៊ីគីស្ថាន។

សូមបញ្ជាក់ថា កាលវិភាគនៃការប្រកួតជម្រុះក្នុងពូល AFC U-20 Asian Cup 2027 គ្រោងធ្វើនៅខែសីហា ឆ្នាំ ២០២៦ ហើយការចាប់ឆ្នោតជ្រើសរើសពូល នៅថ្ងៃទី២៨ ខែឧសភា ឆ្នាំ ២០២៦ ខណៈការប្រកួតជុំចុងក្រោយ នៅខែមីនា ឆ្នាំ ២០២៧ ប្រទេសចិន៕