ចាក់វ៉ាក់សាំងលើកទី២រួច ពេជ្រ សោភា អំពាវនាវទៅប្រជាពលរដ្ឋ

ភ្នំពេញ៖ តារាចម្រៀងអ្នកនាង ពេជ្រ សោភា បន្ទាប់ពីទទួលបានការចាក់វ៉ាក់សាំងជំងឺកូវីដ-១៩ លើកទី២រួចរាល់ហើយនោះ នាងបានបន្តអំពាវនាវដល់បងប្អូនប្រជាពលរដ្ឋខ្មែរត្រូវមានការប្រុងប្រយ័ ត្នខ្ពស់ និងអនុវត្តតាមវិធានការពាររបស់ក្រសួងសុខាភិបាល និងរាជរដ្ឋាភិបាល។

អ្នកនាង ពេជ្រ សោភា បានបញ្ជាក់ថា នាងបានចាក់វ៉ាក់សាំងលើកទីមួយ និងលើកទីពីររួចរាល់ហើយ សូមបងប្អូនចូលរួមគោរពតាមកាណែនាំរបស់ក្រសួងសុខាភិបាល។ នាងបន្តថា ទោះបីចាក់រួចហើយក៏នៅ តែបន្តការពារខ្លួនថែមទៀត ហើយសូមកុំមើលស្រាលកូវិត-១៩ ឱ្យសោះ។

ដោយឡែកកាលពីថ្មីៗកន្លងទៅនេះ ពេជ្រ សោភា ក៏បានថ្លែងសារអំពាវនាវដែរថា Covid-19​អាចនឹងស្ងប់ស្ងាត់ផ្តើមចេញពីការការពាររបស់ពួកយើង និងការរួមសហការពីគ្រួសាររបស់ពួកយើង។ ហើយក្នុងប្រទេសកម្ពុជាក៏ត្រូវការការសហការពីប្រជាពលរដ្ឋទូទាំងប្រទេសដូចគ្នា។

តារាចម្រៀង ពេជ្រ សោភា បាននិយាយបន្តទៀតថា ផ្តាច់ការជួបជុំគ្នាពេលខ្លី ប្រសើរជាងខានជួបគ្នាមួយជីវិត។ សូមបងប្អូនចូលរួមការពារ និងអនុវត្តទាំងអស់គ្នា ៣កុំ ៣កាពារ។

គួរបញ្ជាក់ថា អ្នកនាង ពេជ្រ សោភា បានអះអាងថា អាសយដ្ឋាននាងកំពុងរស់នៅគឺស្ថិតនៅតំបន់ពណ៌លឿង៕

អត្ថបទ៖ ចាន់រ៉ា