កីឡា

គ្រូបង្វឹកបញ្ជាការដ្ឋានអង្គរក្ស ឈ្នះ ២ប្រកួតបើកឆាកមែន ប៉ុន្តែក្រុមនៅតែមានចំណុចកែប្រែបន្ថែម

បានផុស

២ ខែ មុន

នៅ

ថ្ងៃចន្ទ ១៨ ឧសភា ២០២៦

ដោយ

គ្រូបង្វឹកក្រុមបាល់ទះបញ្ជាការដ្ឋានអង្គរក្ស ថាបើទោះជាកូនក្រុមរបស់លោកលេងឈ្នះ ២ប្រកួតនៅសប្ដាហ៍បើកឆាកនេះមែន ប៉ុន្តែលោកនៅតែមើលឃើញមាចចំណុចខ្វះខាត និងត្រូវកែតម្រូវឲ្យកាន់តែប្រសើរឡើងនៅប្រកួតក្រោយៗទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Indra

លោក Indra គ្រូបង្វឹករបស់បញ្ជការរដ្ឋានអង្គរក្ស បានឲ្យដឹងថា ឆ្លងកាត់ ២ប្រកួតនេះកូនក្រុមរបស់លោកលេងល្អ និងមានភាពរីកចម្រើន។ យ៉ាងណាចំពោះលោកផ្ទាល់នៅមើលឃើញពីចំណុចខ្វះខាតមួយចំនួនដែរដែលក្រុមត្រូវកែតម្រូវដើម្បីឲ្យមានសមត្ថភាពលេងបានកាន់តែប្រសើរជាងនេះ។

គ្រូបង្វឹកជនជាតិឥណ្ឌូណេស៊ីខាងលើនេះបន្ថែមទៀតថា នៅជុំទី១ នេះបញ្ជាការដ្ឋានអង្គរក្សមិនមាននាំចូលកីឡាករបរទេសណាទៀតទេ។ នៅជុំទី ២បន្ទាប់ទៀតនោះក៏មិនទាន់ដឹងថាក្រុមត្រូវយកកីឡាកររូបណាបន្ថែមទៀតដែរ និងរង់ចាំមើលក្រុមលោកសិនថាមានចំណុចខ្វះខាតត្រង់ណាដែរត្រូវបំពេញបន្ថែម។

ទិដ្ឋភាពការប្រកួតម្សិលមិញ

ចំពោះក្រុមទាំង៧ នៃការប្រកួតតេជោលីគ ២០២៦ នេះលោកមើលឃើញថាសុទ្ធតែជាក្រុមល្អៗពិសេសនៅពេលត្រូវប៉ះបញ្ជាការដ្ឋានអង្គរក្ស គឺពួកគេត្រៀម និងរៀបចំក្រុមបានល្អ។ ចំណែកបញ្ជាករដ្ឋានអង្គរក្សវិញក៏ដូចគ្នាគឺត្រៀមខ្លួនបានល្អដើម្បីការប្រកួត និងភាពរីកចម្រើនចំពោះក្រុមពីមួយប្រកួតទៅមួយប្រកួត។

ទិដ្ឋភាពការប្រកួតម្សិលមិញ

បញ្ជាក់ដែរថា បញ្ជាករដ្ឋានអង្គរក្ស ជាក្រុមខ្លាំង និងជាម្ចាស់ពានរង្វាន់តេជោលីគ ២រដូវកាលមកហើយ។ បើកឆាកសប្ដាហ៍ទី១ នេះ ២ប្រកួតរបស់បញ្ជាការដ្ឋានអង្គរក្ស ឈ្នះទាំង ២ប្រកួតគឺប្រកួតទី១ យកឈ្នះ វិសាខា ៣-២ ប្រកួតទី២ យប់មិញនេះយកឈ្នះ ស្នងការន.ប រាជធានីភ្នំពេញ ៣-១ និងកំពុងមាន ៥ពិន្ទុក្នុងដៃ៕