ព័ត៌មានអន្ដរជាតិ

លោក ត្រាំ ទំនងបន្ថយសម្ពាធលើគុយបា ព្រោះតែគុយបាឱ្យសញ្ញាថា ចង់ជជែកជាមួយអាមេរិក

បានផុស

១៧ វិនាទី មុន

នៅ

ថ្ងៃសៅរ៍ ២០ មិថុនា ២០២៦

ដោយ

ប្រធានាធិបតីអាមេរិកសហរដ្ឋអាមេរិក លោក ដូណាល់ ត្រាំ បានលើកឡើងថា រដ្ឋបាលរបស់លោករក្សាភាពបត់បែនលើសកម្មភាពដែលអាចកើតមានប្រឆាំងនឹងប្រទេសគុយបា ដែលលោកបានដាក់ទណ្ឌកម្មថាមពលអស់ជាច្រើនខែមកហើយនោះ ដោយបន្ថែមថា ទីក្រុងហាវ៉ាណា ចង់ចាប់ផ្តើមការសន្ទនាជាមួយអាមេរិក។

លោក ត្រាំ ប្រាប់សារព័ត៌មាន Axios ក្នុងបទសម្ភាសន៍មួយចេញផ្សាយកាលពីថ្ងៃសុក្រថា៖ « ប្រទេសគុយបាចង់និយាយ[ជាមួយអាមេរិក] យ៉ាងខ្លាំង។ រដ្ឋមន្ត្រីការបរទេស លោក Marco Rubio បានចូលរួមយ៉ាងសកម្មរួចហើយក្នុងដំណើរការនេះ»។

ប្រធានាធិបតីអាមេរិក លោក ត្រាំ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា រដ្ឋបាលទីក្រុងហាវ៉ាណា មិនទាន់បានចេញសេចក្តីថ្លែងការណ៍ណាមួយ លើការអះអាងទាំងនេះជាមួយសហរដ្ឋអាមេរិកទេ បន្ទាប់ពីមានការបង្ហើបជាច្រើនខែពី លោក ត្រាំ ថា សហរដ្ឋអាមេរិកអាចនឹងព្យាយាមដណ្តើមយកកោះការ៉ាប៊ីននេះ។

ប្រធានាធិបតីអាមេរិក បានប្រៀបធៀបការប្រើប្រាស់ផ្នែកភស្តុភារនៃប្រតិបត្តិការយោធាដែលអាចកើតមានជាមួយនឹងសង្គ្រាមថ្មីៗ ក្នុងប្រទេសអ៊ីរ៉ង់។

លោក ត្រាំ ពិពណ៌នាថា៖ « ជាដំណើរដ៏វែងឆ្ងាយពាក់ព័ន្ធនឹងជើងហោះហើររយៈពេល ១៨ម៉ោង»។

ប្រធានាធិបតីអាមេរិករូបនេះបានកំណត់ប្រទេសគុយបាថា៖ « ជាមនុស្សល្ងង់ ដោយសារតែកោះនេះនៅជិតសហរដ្ឋអាមេរិក ចម្ងាយប្រហែល ១៤៥គីឡូម៉ែត្រ ពីឆ្នេរសមុទ្ររដ្ឋ Florida»។

លោក ត្រាំ ក៏បានគូសបញ្ជាក់ពីប្រតិបត្តិការយោធារបស់សហរដ្ឋអាមេរិក នៅក្នុងប្រទេសវ៉េណេស៊ុយអេឡាកាលពីខែមករា ពេលកងកម្លាំងអាមេរិកចាប់អតីតប្រធានាធិបតី លោក Nicolas Maduro ។

លោក ត្រាំ បានចង្អុលបង្ហាញពីប្រតិបត្តិការនេះថាជាគំរូដ៏ជោគជ័យមួយ ដោយអះអាងថា៖ « ប្រតិបត្តិការទាំងមូលបានបញ្ចប់ក្នុងរយៈពេលត្រឹមតែ ៤៨នាទីប៉ុណ្ណោះ ហើយចាប់តាំងពីពេលនោះមកបានប្រែក្លាយទៅជាភាពជាដៃគូរកប្រាក់ចំណេញ»។

ប្រធានាធិបតីអាមេរិកបន្ថែមថា៖ « យើងបានចំណាយសម្រាប់សង្គ្រាមនោះជាមួយប្រទេសវ៉េណេស៊ុយអេឡាច្រើនដងមកហើយ។ ទីក្រុងវ៉ាស៊ីនតោនកំពុងទាញយកប្រេងរាប់លានបារ៉ែលពីប្រទេសវ៉េណេស៊ុយអេឡា ដែលរកប្រាក់ចំណូលបានច្រើនជាងពេលណាៗទាំងអស់សម្រាប់ប្រទេសទាំងពីរ ខណៈក្រុមហ៊ុនប្រេងធំៗចូលមកក្នុងប្រទេសនេះ។ ឥឡូវនេះយើងមានទំនាក់ទំនងដ៏អស្ចារ្យ»៕

សម្រួល៖ ណឺ មិនា