ព័ត៌មានអន្ដរជាតិ

ប្រធានាធិបតីអ៊ីរ៉ង់ ស្នើឲ្យប្រទេសមូស្លីមរួបរួមគ្នា ទប់ស្កាត់សម្ពាធពីខាងក្រៅ

បានផុស

៣ នាទី មុន

នៅ

ថ្ងៃពុធ ២៤ មិថុនា ២០២៦

ដោយ

ក្រោយការសម្របសម្រួលក្នុងការចរចារវាងអាមេរិកនិងអ៊ីរ៉ង់នៅប្រទេសស្វីសរបស់ នាយករដ្ឋមន្ត្រិប៉ាគីស្ថាន លោក សែបាហ្ស សារីហ្វ (Shehbaz Sharif) ប្រធានាធិបតីអ៊ីរ៉ង់ លោក ម៉ាស៊ូដ ប៉េហ្សេសគីយ៉ាន (Masoud Pezeshkian) បានធ្វើដំណើរទៅជួបពិភាក្សាទ្វេភាគីនៅក្នុងទីក្រុងអ៊ីស្លាម៉ាបាដ ប្រទេសប៉ាគីស្ថាន ដោយ លើកឡើងពីទំនាក់ទំនងទ្វេភាគី និង «ការរួបរួមគ្នារបស់ប្រទេសមូស្លីម» ដើមុ្បីទប់ស្កាត់ឥទ្ធិពលពីក្រៅតំបន់។

ប្រធានាធិបតីអ៊ីរ៉ង់ (ឆ្វេង) និង នាយករដ្ឋមន្ត្រីប៉ាគីស្ថាន។ FB/**Mian Shehbaz Sharif**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសារបង្ហោះតាមបណ្តាញសង្គម លោក លោក ម៉ាស៊ូដ ប៉េហ្សេសគីយ៉ាន បានលើកឡើងពីការពិភាក្សាដែលប្រមុខដឹកនាំទាំងពីរ បានផ្តោត គឺ ការពិនិត្យមើលនូវស្ថានវិវត្តន៍នៃតំបន់និងអន្តរជាតិ ដោយនៅក្នុងនោះ ប្រធានាធិបតិអ៊ីរ៉ង់ បានបញ្ជាក់ជំហរថា ខ្លួនប្រឆាំងចំពោះឥទ្ធិពលពីខាងក្រៅ។

ប្រធានាធិបតីអ៊ីរ៉ង់ សរសេរថា៖«ខ្ញុំបានសម្តែងយ៉ាងមុតមាំថា ប្រជាជាតិអ៊ីរ៉ង់បានឈរដោយសិទ្ធិអំណាចដាច់ខាតប្រឆាំងនឹងសម្ពាធ និងការគំរាមកំហែងពីខាងក្រៅ ហើយបានសង្កត់ធ្ងន់ថា ឯកភាពនៃប្រជាជាតិអ៊ីស្លាមនៅតែជាខែលដ៏មានប្រសិទ្ធភាពបំផុតប្រឆាំងនឹងការឃុបឃិតគ្នាដែលបែកបាក់»។

យោងតាម Al Jazeera នេះជាទស្សនកិច្ចលើកទីពីររបស់ប្រធានាធិបតីអ៊ីរ៉ង់ ទៅកាន់ប្រទេសប៉ាគីស្ថានក្នុងនាមជាប្រធានាធិបតី។ លើកដំបូងរបស់លោកនៅក្នុងខែសីហា ឆ្នាំ២០២៥ បានកើតឡើងប៉ុន្មានថ្ងៃបន្ទាប់ពីសង្គ្រាមអ៊ីរ៉ង់-អ៊ីស្រាអែលរយៈពេល ១២ថ្ងៃ ហើយក៏ជាដំណើរទស្សនកិច្ចទៅក្រៅប្រទេសលើកដំបូងរបស់លោកបន្ទាប់ពីជម្លោះនោះ។

តាមខ្លឹមសារដែលបានបង្ហោះលើទំព័រផ្លូវការរបស់ប្រធានាធិបតីអ៊ីរ៉ង់ លោកនាយករដ្ឋមន្ត្រី សារីហ្វ បានកត់សម្គាល់ថា ដំណើរទស្សនកិច្ចនេះផ្ញើសារសកលដ៏មានឥទ្ធិពលនៃការជឿទុកចិត្តគ្នាទៅវិញទៅមករវាងទីក្រុងតេអេរ៉ង់ និងអ៊ីស្លាម៉ាបាដ។

នៅក្នុងដំណើរទស្សនកិច្ចរបស់ប្រមុខដឹកនាំអ៊ីរ៉ង់ ក្នុងពេលដែលមន្ត្រីអ៊ីរ៉ង់ កំពុងចរចាជាមួយសហរដ្ឋអាមេរិក ដើម្បីស្វែងរកដំណោះស្រាយបញ្ចប់សង្គ្រាម ភាគីអ៊ីរ៉ង់និងប៉ាគីស្ថាន បានប្តេជ្ញារួមគ្នាក្នុងការលើកកម្ពស់បរិមាណពាណិជ្ជកម្មសេដ្ឋកិច្ចដល់គោលដៅប្រវត្តិសាស្ត្រចំនួន ៣០ ពាន់លានដុល្លារ។

ប្រទេសអ៊ីរ៉ង់បានធ្លាក់ចូលទៅក្នុងសង្គ្រាមដ៏ខ្លាំងក្លាជាមួយមហាអំណាចសហរដ្ឋអាមេរិក ចាប់តាំងពីចុងខែកុម្ភៈ ២០២៦នេះ ដោយសហរដ្ឋអាមេរិកបានចោទប្រកាន់ អ៊ីរ៉ង់ចំពោះការផលិតអាវុធនុយក្លេអ៊ែរ ដែលអាចបង្កអសន្តិសុខដល់តំបន់និងពិភពលោក ប៉ុន្តែអ៊ីរ៉ង់តែងតែបដិសេធការចោទប្រកាន់នោះ ថាគ្មានមូលដ្ឋាន។

ទស្សនកិច្ចនេះត្រូវបានគេមើលឃើញយ៉ាងទូលំទូលាយថាជាការបង្ហាញពីការដឹងគុណចំពោះតួនាទីរបស់ប្រទេសប៉ាគីស្ថានក្នុងការសម្របសម្រួលអនុស្សរណៈយោគយល់គ្នាអ៊ីស្លាម៉ាបាដ ដែលបានចុះហត្ថលេខានៅថ្ងៃទី១៨ ខែមិថុនា ដោយប្រធានាធិបតីអាមេរិក ដូណាល់ ត្រាំ និងលោក Pezeshkian ដោយមានលោកនាយករដ្ឋមន្ត្រី សារីហ្វ ចុះហត្ថលេខាលើឯកសារនេះជាអ្នកសម្របសម្រួល៕

រ៉ាន់ រើយ

ព័ត៌មានជាតិ៧ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

ព័ត៌មានអន្ដរជាតិ៥ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានជាតិ១ សប្តាហ៍ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា