ព័ត៌មានជាតិ

ស្វែងយល់ពីស្តង់ដារផលិតផលកម្ពុជា និងដំណើរការចុះបញ្ជីផលិតកម្ម

បានផុស

២៨ នាទី មុន

នៅ

ថ្ងៃពុធ ២៤ មិថុនា ២០២៦

ដោយ

នៅក្នុងវេទិកាគយ និងសម្ព័ន្ធសមាគមសហគ្រាសធុនតូច និងមធ្យម (FASMEC) លោក ខៀវ វិចិត្រ ប្រធាននាយកដ្ឋានបញ្ញត្តិកម្មនៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្ត បានឡើងធ្វើបទបង្ហាញពីចំណុចសំខាន់ៗនៃការចុះបញ្ជីផលិតកម្ម និងចែករំលែកពីដំណើរការចុះបញ្ជីផលិតផលស្តង់ដារកម្ពុជា សម្រាប់សហគ្រាសក្នុងស្រុកសិក្សាស្វែងយល់បន្ថែម។

១. ការបែងចែកចំណាត់ថ្នាក់សហគ្រាស (SME)

យោងទៅតាមចរាចរណែនាំលេខ ០៣៦ ការបែងចែកចំណាត់ថ្នាក់សហគ្រាសធុនតូច និងមធ្យម ផ្អែកលើទំហំទឹកប្រាក់ដូចខាងក្រោម៖

-មីក្រូ (Micro): ក្រោម ៥០,០០០ ដុល្លារ
-តូច (Small): ពី ៥០,០០០ ដុល្លារ ដល់ ៥០0 ,០០០ ដុល្លារ (៥០ម៉ឺនដុល្លារ)
-មធ្យម (Medium): ពី ៥០ ម៉ឺនដុល្លារ ដល់ ១ លានដុល្លារ

២. ផលប្រយោជន៍នៃការចុះបញ្ជីផលិតផល

ការចុះបញ្ជីផលិតផល ផ្តល់នូវអត្ថប្រយោជន៍ជាច្រើនដូចជា៖

-ទទួលបានការគាំពារតាមផ្លូវច្បាប់
-បង្កើតការជឿទុកចិត្តដល់អ្នកប្រើប្រាស់
-មានឱកាសទទួលបានហិរញ្ញប្បទាន ដែលមានការប្រាក់ទាប
-ទទួលបានការបណ្តុះបណ្តាលផ្សេងៗ និងអាចទៅទស្សនកិច្ចនៅក្រៅប្រទេស
-មានឱកាសនាំចេញផលិតផលទៅក្រៅប្រទេស (ប្រសិនបើមិនបានចុះបញ្ជីទេ គឺមិនមានឱកាសនាំចេញឡើយ)
-ងាយស្រួលដល់ដៃគូពីក្រៅប្រទេសក្នុងការសហការ
-បង្កើតការងារដល់ប្រជាពលរដ្ឋក្នុងស្រុក និងកាត់បន្ថយការចំណាកស្រុក

៣. ដំណើរការ និងទីកន្លែងស្នើសុំចុះបញ្ជីសហគ្រាស SME

>ការស្នើសុំចុះបញ្ជី SME ត្រូវបែងចែកជា ២ ដំណាក់កាល៖

-ស្នើសុំអាជ្ញាប័ណ្ណបង្កើតសហគ្រាស សិប្បកម្ម
-ស្នើសុំវិញ្ញាបនបត្រដំណើរការ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

>ទីកន្លែងដែលអាចស្នើសុំបាន៖

-ច្រកចេញចូលតែមួយរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI)
-ប្រព័ន្ធអនឡាញតាមថ្នាល CamDX
-ច្រកចេញចូលតែមួយរបស់មន្ទីររាជធានី-ខេត្តទាំង ២៥
-សម្រាប់ SME តូចៗដែលគ្មានហានិភ័យ អាចស្នើសុំនៅច្រកចេញចូលតែមួយនៃក្រុង ស្រុក ខណ្ឌ រាជធានីខេត្ត

៤. ដំណើរការចុះបញ្ជីផលិតផល

ផ្អែកតាមអង្គការ WIPO បែងចែកផលិតផលជា ៤២ ក្រុមទំនិញ។

>ការចុះបញ្ជីផលិតផលផលិតក្នុងស្រុក ឯកសារតម្រូវចាំបាច់មាន៖

-ត្រូវមានប័ណ្ណប៉ាតង់មានសុពលភាព (វិញ្ញាបនបត្រដំណើរការ)
-គំរូស្លាកផលិតផល ដែលអនុលោមតាមស្តង់ដារ CS 001:2000
-វិញ្ញាបនបត្រភាគវិភាគគុណភាពផលិតផល (លទ្ធផលតេស្តត្រូវតែវិជ្ជមាន ឬជាប់តាមស្តង់ដារ)

>សម្រាប់ផលិតផលនាំចូល ឯកសារតម្រូវរួមមាន៖

-ឯកសារក្រុមហ៊ុន
-គំរូស្លាកផលិតផល (តម្រូវឱ្យមានការបកប្រែជាភាសាខ្មែរ ប្រសិនបើជាភាសាបរទេស)
-វិញ្ញាបនបត្រវិភាគគុណភាព
-សិទ្ធិនាំចូលចែកចាយផ្តាច់មុខ ឬលិខិតដែលមានតម្លៃស្មើ (ករណីអត់មានសិទ្ធិផ្តាច់មុខ អាចឲ្យក្រុមហ៊ុនដែលផលិតក្រៅប្រទេសចុះបញ្ជី)

៥. តម្លៃសេវា សុពលភាព និងការបញ្ចុះតម្លៃ

-តម្លៃសេវា៖ ២០ម៉ឺនរៀល ក្នុងមួយផលិតផល
-សុពលភាព៖ ៣ ឆ្នាំ (ត្រូវយកផលិតផលទៅធ្វើតេស្តរៀងរាល់ ៦ ខែម្តង)
>ការបញ្ចុះតម្លៃតាមយុទ្ធនាការ៖
-ពី ១ ទៅ ៤ មុខ៖ មិនមានការបញ្ចុះតម្លៃទេ
-ពី ៥ ទៅ ១៩ មុខ៖ បញ្ចុះតម្លៃ ១០%
-ពី ២០ ទៅ ៤៩ មុខ៖ បញ្ចុះតម្លៃ ១៥%
-ចាប់ពី ៥០ មុខឡើងទៅ៖ បញ្ចុះតម្លៃ ២០%

៦. អំពីស្តង់ដារ (Standard)

ការអនុលោមស្តង់ដារ មានគោលបំណងធានាគុណភាពផលិតផលឱ្យមានភាពស្មើគ្នា, ការពារសុវត្ថិភាពអ្នកប្រើប្រាស់, បង្កើនទំនុកចិត្តអតិថិជន, សម្រួលពាណិជ្ជកម្ម និងបំពេញតម្រូវការច្បាប់។

>រលេខកូដចុះបញ្ជីផលិតផលស្តង់ដាកម្ពុជា

-លេខកូដស្តង់ដាកម្ពុជាមានទម្រង់៖ XX – YYY – ZZ
-XX: លេខតំណាងឱ្យក្រុមទំនិញ (បែងចែកជា ៤២ ក្រុមទំនិញតាមលេខកូដ)
-YYY: លេខរៀងរបស់ផលិតផល (ឧទាហរណ៍៖ ០០១, ០០២)
-ZZ: ឆ្នាំដែលបានចុះបញ្ជី (ឧទាហរណ៍៖ ២១ មានន័យថាចុះបញ្ជីឆ្នាំ ២០២១)

>ចំណាំលើស្លាកសញ្ញា (ស្តង់ដារ CS 001:2000) ត្រូវមាន ៩ ចំណុចសំខាន់ៗ (ឈ្មោះផលិតផល, ម៉ាក, បញ្ជីគ្រឿងផ្សំ, បរិមាណសុទ្ធនិងទម្ងន់នៃផលិតផល, ឈ្មោះនិងអាសយដ្ឋានអ្នកផលិត, ប្រភពផលិតផល/បារកូដ, លេខឡូតិ៍, កាលបរិច្ឆេទកំណត់, វិធីប្រើប្រាស់ផលិតផល)

៧. កម្រិតនៃស្តង់ដារ៖

-ស្តង់ដាអន្តរជាតិ: Codex (ទាក់ទងម្ហូបអាហារ/សារធាតុបន្ថែម), ISO (ប្រព័ន្ធ/ផលិតផល), IEC (អគ្គិសនី/អេឡិចត្រូនិក), ITU (ទូរគមនាគមន៍)
-ស្តង់ដាតំបន់: អាស៊ាន (ASEAN), សហភាពអឺរ៉ុប (EU)
-ស្តង់ដាជាតិ: ប្រើសញ្ញាសម្គាល់ CS (Cambodian Standard)

៨. ប្រភេទស្តង់ដារ៖

-ស្តង់ដារស្ម័គ្រចិត្ត៖ បច្ចុប្បន្នជាការស្ម័គ្រចិត្តតែផ្អែកលើ ISO
-ស្តង់ដារបញ្ជា (ត្រូវតែអនុវត្តតាម)៖ មានប្រហែល ១៥០ ស្តង់ដារ ដូចជា ស្តង់ដារមីកញ្ចប់, ទឹកភេសជ្ជៈ ទឹកសុទ្ធជាដើម ដែលទាមទារឱ្យមានវិញ្ញាបនបត្របញ្ជាក់ការអនុលោម ទើបអាចធ្វើអាជីវកម្មបាន
-ស្តង់ដារប្រព័ន្ធគ្រប់គ្រង៖ ISO 9001 (គ្រប់គ្រងគុណភាព), ISO 14001 (គ្រប់គ្រងបរិស្ថានសម្រាប់ការនាំចេញទៅអឺរ៉ុប), GMP, HACCP, និង ISO 22000 (សុវត្ថិភាពចំណីអាហារ)

៩. វិទ្យាស្ថានស្តង់ដាកម្ពុជា

>វិទ្យាស្ថានស្តង់ដារដែលធ្វើការពាក់ព័ន្ធចុះបញ្ជីស្តង់ដាផលិតផលកម្ពុជា មាន ៤ នាយកដ្ឋាន៖

-នាយកដ្ឋានព័ត៌មាន៖ ទទួលខុសត្រូវការងារទំនាក់ទំនងអន្តរជាតិ
-នាយកដ្ឋានអភិវឌ្ឍន៍ស្តង់ដារ៖ ទទួលខុសត្រូវលើកាងាររអភិវឌ្ឍស្តង់ដារផលិតផល និងស្តង់ដាប្រព័ន្ធ ដើម្បីយកមកធ្វើជាស្តង់ដារជាតិ ឬបង្កើតស្តង់ដារថ្មី
-នាយកដ្ឋានវិញ្ញាបនបត្រកម្ម៖ ទទួលខុសត្រូវលើការចេញវិញ្ញាបនបត្រ ISO, GMP, HACCP ដែលពាក់ព័ន្ធនឹងអនាម័យ
-នាយកដ្ឋានបញ្ញត្តិកម្ម៖ ទទួលខុសត្រូវលើរឿងការចុះបញ្ជីផលិតផល

ព័ត៌មានជាតិ៧ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

ព័ត៌មានអន្ដរជាតិ៥ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានជាតិ១ សប្តាហ៍ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា