ព័ត៌មានជាតិ
មេគយទូទាំងប្រទេស៖ ទំនិញថៃសំខាន់ៗនាំចូលធ្លាក់ចុះយ៉ាងគំហុក ខណៈទំនិញខ្លះធ្លាក់ចុះជិតក្បែរសូន្យ
លោក គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តីទទួលបន្ទុកជាអគ្គនាយកគយនិងរដ្ឋាករកម្ពុជាបានបង្ហាញពីរបាយការណ៍នៃការធ្លាក់ចុះយ៉ាងគំហុកទំនិញនាំចូលពីប្រទេសថៃ។
របាយការណ៍ ៥ ខែនេះ ទំនិញថៃសំខាន់ៗមានការធ្លាក់ចុះយ៉ាងខ្លាំង ស្របយុទ្ធនាការពហិការទំនិញថៃឈានដល់ការកាត់បន្ថយការនាំចូល និងការឈប់ប្រើប្រាស់ពីពលរដ្ឋខ្មែរ។
ក្នុងវេទិកាគយ និងសម្ព័ន្ធសមាគមសហគ្រាសធុនតូចនិងមធ្យម (FASMEC) រៀបចំឡើងកាលពីពេលថ្មីៗនេះ លោក គុណ ញឹម បានថ្លែងថា ចលនាពហិការរបស់ប្រជាពលរដ្ឋបានធ្វើឱ្យទំហំពាណិជ្ជកម្ម និងការនាំចូលទំនិញថៃធ្លាក់ចុះយ៉ាងខ្លាំង ដោយផ្អែកលើទិន្នន័យប្រៀបធៀបរយៈពេល ៥ ខែ ក្នុងឆ្នាំ២០២៦ ទៅនឹងរយៈពេលដូចគ្នាក្នុងឆ្នាំ ២០២៥។
ផ្អែករបាយការណ៍របស់អគ្គនាយកដ្ឋានគយនិងរដ្ឋាករ លោក គុណ ញឹម បានលើកពីទំនិញថៃដែលជាប់បម្រាមហាមឃាត់រួមមាន ប្រេងឥន្ធនៈ, បន្លែ និងផ្លែឈើស្រស់ធ្លាក់ចុះ ១០០% (ស្មើនឹងសូន្យ)។
ភេសជ្ជៈគ្រប់ប្រភេទ ដោយក្នុងនោះភេសជ្ជៈល្បីៗដូចជា គោជល់ និង អូអ៊ីឈិ ជាដើម ធ្លាក់ចុះ ៩៨% គឺស្ទើរតែធ្លាក់ដល់ចំណុចសូន្យ។ ផលិតផលកាហ្វេ, តែ, ធញ្ញជាតិ, និងអាហារកែច្នៃពីទឹកដោះគោ ធ្លាក់ចុះ ៨៦%។ ផលិតផលសម្រេច និងវត្ថុធាតុដើមធ្វើពីប្លាស្ទិក និងកៅស៊ូ ធ្លាក់ចុះពី ៦៨% ទៅ ៦៩% និងគ្រឿងចក្រកសិកម្ម ធ្លាក់ចុះ ៥៧%។
ទន្ទឹមនឹងការធ្លាក់ចុះនៃទំនិញថៃ លោក គុណ ញឹម បានបញ្ជាក់ថា នេះគឺជាឱកាសមាសសម្រាប់សហគ្រាសក្នុងស្រុក ក្នុងការដណ្តើមយកទីផ្សារជំនួសការនាំចូល។
ជាលទ្ធផលជាក់ស្តែង មានសហគ្រាសក្នុងស្រុកមួយចំនួនទទួលបានកំណើនការលក់កើនឡើងចន្លោះពី ៤០% ទៅ ៤៦% រួចទៅហើយ។
ដើម្បីជំរុញឱ្យការនាំចូលទំនិញថៃធ្លាក់ចុះរហូតដល់សូន្យ បើតាមមេគយទូទាំងប្រទេសរូបនេះ បានលើកឡើងពីកត្តាសំខាន់គឺពឹងផ្អែកលើតួអង្គចំនួនពីរ គឺអ្នកនាំចូល និងអ្នកប្រើប្រាស់ ប៉ុន្តែអ្នកប្រើប្រាស់មានឥទ្ធិពលធំជាងអ្នកនាំចូលទៅទៀត។
លោកថ្លែងដូច្នេះថា «វាគឺជាច្បាប់នៃការផ្គត់ផ្គង់និងតម្រូវការ។ ប្រសិនបើប្រជាពលរដ្ឋជាអ្នកទិញ រួបរួមគ្នាឈប់គាំទ្រ និងមិនទិញទំនិញទាំងនោះ អ្នកនាំចូលក៏មិនអាចបន្តនាំចូលបានទៀតដែរ ហើយពួកគេនឹងត្រូវបង្ខំចិត្តប្តូរមុខរបរ ឬប្តូរការនាំចូលដោយស្វ័យប្រវត្តិ»។
បន្ថែមពីនេះ លោកថា រាជរដ្ឋាភិបាលក៏មានវិធានការបន្ថែម ប៉ុន្តែការចូលរួមធ្វើពហិការពីសំណាក់ប្រជាពលរដ្ឋទាំងអស់គ្នា គឺជាកម្លាំងដ៏មុតស្រួចបំផុត៕
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS