កីឡា

លោក កែវ រ៉េមី ក្រុមជម្រើសជាតិតេក្វាន់ដូ ITF ប្ដេជ្ញាលើកទង់ជាតិខ្មែរជាថ្មីនៅម៉ុងហ្គោលី

បានផុស

៤ ម៉ោង មុន

នៅ

ថ្ងៃអាទិត្យ ១៩ កក្កដា ២០២៦

ដោយ

លោក កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា ប្រកាសពីការចូលរួមការប្រកួតជ្រើសរើសជើងឯកអាស៊ី លើកទី១១ និងបានបង្ហាញការប្ដេជ្ញាប្រឹងប្រែងដណ្ដើមយកជ័យជម្នះលើកទង់ជាតិខ្មែរជាថ្មីនៅឯប្រទេសម៉ុងហ្គោលី។

ប្រធានសហព័ន្ធតេក្វាន់ដូ ITF លោក កែវ រ៉េម បានលើកឡើងថា ក្នុងការប្រកួតជ្រើសរើសជើងឯកអាស៊ី លើកទី១១ នៅខែសីហា ឆ្នាំ២០២៦ ក្រុមជម្រើសជាតិកម្ពុជាទាំងឈុតធំ និងថ្នាលសរុប ៣១រូបនឹងទៅចូលរួមប្រកួតប្រជែងមេដាយនៅប្រទេសម៉ុងហ្គោលី។

ថ្នាក់ដឹកនាំឆ្នើមខាងលើបន្ថែមទៀតថា កន្លងទៅតេក្វាន់ដូ ITF កម្ពុជាធ្លាប់ដណ្ដើមបានមេដាយគ្រប់កម្រិតរួចមកហើយរហូតបណ្ដាប្រទេសចូលរួមតែងតែបារម្ភ និងមិនអាចមើលស្រាលបាននោះឡើយពេសត្រូវប្រកួតប៉ះគ្នាម្ដងៗ។

យ៉ាងណាលើកនេះក្នុងនាមសហព័ន្ធ និងក្រុមជម្រើសជាតិទាំងអស់ប្ដេជ្ញាខំប្រឹងប្រែងដណ្ដើមយកជ័យជម្នះដើម្បីបង្ហាញទង់ជាតិខ្មែរជាថ្មីទៀតឲ្យបណ្ដាប្រទេសចូលរួម ឬអន្តរជាតិបានឃើញពីភាពខ្លាំង និងអស្ចារ្យរបស់ខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមតេក្វាន់ដូ ITF

បញ្ជាក់ដែរថា កាលពីល្ងាចថ្ងៃទី១៧ ខែកក្កដា ឆ្នាំ២០២៦ នេះសហព័ន្ធកីឡាតេក្វាន់ដូ ITF ដែលមានលោក កែវ រ៉េមី ប្រធានបានអញ្ជើញចូលរួមជាអធិបតីភាពក្នុងពិធីសន្និសីទសារព័ត៌មានប្រកាសពីការចូលរួមប្រកួតជ្រើសរើសជើងឯកអាស៊ី លើកទី១១ អំឡុងខែសីហា ឆ្នាំ២០២៦ នៅប្រទេសម៉ុងហ្គោលី។ ការប្រកួតនេះនឹងធ្វើឡើងចាប់ពីថ្ងៃទី៣ ដល់ ៩ ខែសីហា ឆ្នាំ២០២៦។ សម្រាប់ការចេញទៅប្រកួតលើកនេះផងដែរសហព័ន្ធតេក្វាន់ដូ ITF កម្ពុជា ក៏ទទួលបានការឧបត្ថម្ភគាំទ្រពី ស.ស.យ.ក រាជធានី និងក្រុមហ៊ុនវឌ្ឍនៈផងដែរ៕