កូវីដ-១៩

អធិការនគរបាលក្រុងសិរីសោភ័ណ បានចុះបាញ់ថ្នាំសម្លាប់មេរោគកូវីដ១៩ នៅទីតាំងភូមិសាស្ត្រសំខាន់ៗ កាលពីយប់ថ្ងៃទី៨ឧសភា

បានផុស

៤ years មុន

នៅ

ថ្ងៃអាទិត្យ ៩ ឧសភា ២០២១

ដោយ

អធិការនគរបាលក្រុងសិរីសោភ័ណ និងសមត្ថកិច្ចជាច្រើននាក់ទៀត បានបើកយុទ្ធនាការ ចុះបាញ់ថ្នាំសម្លាប់មេរោគ តាមដងផ្លូវជាតិ ផ្សារ ទីតាំងភូមិសាស្ត្រសំខាន់ៗមួយចំនួន នៅក្រុងសិរីសោភ័ណ ដើម្បីប្រយុទ្ធប្រឆាំងជំងឺកូវីដ-១៩ នៅក្នុងសហគមន៍លក្ខណៈទ្រង់ទ្រាយធំ កាលពីយប់ថ្ងៃទី៨ ខែឧសភា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យ៉ាន់ សុវណ្ណ បានឲ្យដឹងថា ការបើកយុទ្ធនាការ ចុះបាញ់ថ្នាំសម្លាប់មេរោគតាមដងផ្លូវនេះ ដើម្បីបង្កើនអនាម័យបរិស្ថាន និងឲ្យបរិយាកាសល្អនិងដើម្បីចូលរួមចំណែកទប់ស្កាត់ជាមួយរាជរដ្ឋាភិបាល ពេលដែលមេរោគកូវីដ-១៩ កំពុងរីករាលដាលខេត្តបន្ទាយមានជ័យ ហើយការបាញ់ថ្នាំនេះ អនុវត្តគោលការណ៍ណែនាំរបស់រាជរដ្ឋាភិបាល និងវិធានសុវត្ថិភាពដើម្បីទប់ស្កាត់ការីករាលដាលនៃជំងឺកូវីដ១៩ ចូលក្នុងសហគមន៍ពិសេសបាញ់សម្លាប់ ជំងឺកូវីដ១៩ឲ្យវាវិនាសហិនហោចចេញពីខេត្តបន្ទាយមានជ័យនេះទៅ។

លោក យ៉ាន់ សុវណ្ណ បានបញ្ជាក់ឲ្យដឹងបន្តទៀតថា ក្នុងកាលៈទេសៈដ៏លំបាកនេះ សូមបងប្អូនប្រជាពលរដ្ឋទាំងអស់គ្នាបន្តការពារខ្លួនឲ្យបានហ្មត់ចត់ដោយអនុវត្តវិធានការ ៣ ការពារ និង ៣ កុំ ព្រមជាមួយនឹងវិធានការសុខាភិបាលចាំបាច់ផ្សេងទៀតឲ្យបានខ្ជាប់ខ្លួនផងដែរ។លោកបានបញ្ជាក់ឲ្យដឹងបន្តទៀតថា ក្រោយពីរដ្ឋបាលក្រុងក្រុងសិរីសោភ័ណបាញ់ថ្នាំសម្លាប់មេរោគ តាមគោលដៅទីតាំងពាក់ព័ន្ធវិជ្ជមានកូវីដ១៩ និងក្នុងសិរីសោភ័ណរួចមកសង្ឃឹមថា ជំងឺកូវីដ១៩នេះនិងរលាយចេញពីក្រុងសិរីសោភ័ណនេះ ជាមិនខានឡើយ៕