កូវីដ-១៩
កុំអាងចាក់វ៉ាក់សាំងគ្រប់ដូស ហើយដើរហើរតាមចិត្តពេក
វ៉ាក់សាំងការពារកូវីដ-១៩ កំពុងចរាចរចាក់ជូនមនុស្សរាប់លាននៅលើពីភពលោក ក៏ដូចជាពលរដ្ឋកម្ពុជាផងដែរ។ គ្រប់គ្នាបានដឹងហើយថា វ៉ាក់សាំងជាអាវុធប្រឆាំងការរាតត្បាតនៃវីរុសកូវីដ-១៩ កុំវារាលដាលកាន់តែធំ និងបញ្ចប់ការរាំងខ្ទប់គ្រប់ទីកន្លែង។ ដូច្នេះ បើសិនអ្នកបានចាក់វ៉ាក់សាំងគ្រប់ដូស តើអាចធ្វើដំណើរដោយសេរីហើយមែនទេ?
ពាក់ព័ន្ធនឹងចម្ងល់នេះ លោកស្រី Leana Wen វេជ្ជបណ្ឌិតផ្នែកសង្គ្រោះបន្ទាន់ និងជាសាស្រ្តាចារ្យនៅសាកវិទ្យាល័យ George Washington សហរដ្ឋអាមេរិក ឆ្លើយថា ទោះជាបានចាក់វ៉ាក់សាំងហើយក៏ដោយ ក៏នៅតែត្រូវអនុវត្តគម្លាតរវាងគ្នាដូចទៅនឹងមុនពេលបានទទួលវ៉ាក់សាំងអ៊ីចឹងដែរ ត្បិតអីករណីវិជ្ជមានបន្តរកឃើញរាល់ថ្ងៃ។
លោកស្រីពន្យល់ថា តាមការសិក្សាវ៉ាក់សាំងបង្កាកូវីដ-១៩ ដែលកំពុងប្រើមានប្រសិទ្ធភាពការពារមិនឲ្យមនុស្សធ្លាក់ខ្លួនឈឺ និងវិវត្តរោគសញ្ញាធ្ងន់ធ្ងរ។ លោកស្រីមានប្រសាសន៍ថា “វ៉ាក់សាំងអាចការពារយើងកុំឲ្យធ្លាក់ខ្លួនឈឺ ដែលវិវត្តទៅជាមានរោគសញ្ញាផ្សេងៗ ហើយអ្វីដែលសំខាន់គឺការពារមិនឲ្យអ្នកជំងឺឈឺធ្ងន់ ត្រូវទៅសម្រាកព្យាបាលនៅមន្ទីរពេទ្យ”។
តាមការសិក្សាលើវ៉ាក់សាំងមិនបានបញ្ជាក់ទេថា តើវ៉ាក់សាំងអាចការពារមិនឲ្យវីរុសកូវីដ-១៩ តោងជាប់នៅប្រព័ន្ធផ្លូវដង្ហើមរបស់អ្នកដែលបានទទួលវ៉ាក់សាំង ហើយអាចចម្លងទៅអ្នកផ្សេងឬយ៉ាងណាឡើយ។ ដូច្នេះវានៅតែមានលទ្ធភាពអាចឆ្លងចំពោះអ្នកបានចាក់វ៉ាក់សាំងរួចរាល់។ វ៉ាក់សាំងមិនមែនជាវិធានការតែមួយដែលអាចទប់ស្កាត់ការចម្លងនៃវីរុសកូវីដ-១៩ឡើយ។ ដូចនេះ ប្រសិនបើគម្លាតមិនត្រូវបានអនុវត្តនោះទេ រាល់ពេលដែលអ្នកផ្ទុកជំងឺនិយាយ ដកដង្ហើម ឬកណ្ដាស់ នឹងនៅតែអាចមានឱកាសចម្លងវីរុសទៅអ្នកផ្សេងបាន។
លោកស្រីវេជ្ជបណ្ឌិតរូបនេះបញ្ជាក់ថា វាជាការសំខាន់ណាស់ដែលគ្រប់គ្នាដែលបានចាក់វ៉ាក់សាំងរួចត្រូវការពារខ្លួនកុំឲ្យវីរុសចូលដល់ក្នុងខ្លួនបាន។ ដោយសារហេតុផលទាំងនេះ ទោះបានទទួលវ៉ាក់សាំងពេញលេញក៏ដោយ ក៏គ្រប់គ្នាគួរបន្តពាក់ម៉ាស និងរក្សាគម្លាតសង្គមឱ្យបានខ្ជាប់ខ្ជួន៕
ប្រែសម្រួល៖ សន្យា
ប្រភព៖ CNN
ចុចអាន៖ ពិតឬអត់! ពាក់ម៉ាសពីរជាន់អាចការពារការចម្លងវីរុសកូវីដបានល្អជាងពាក់តែមួយ?
-
កីឡា៣ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ១ សប្តាហ៍ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៩ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ១ ថ្ងៃ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា៩ ម៉ោង agoកីឡាការិនីកម្ពុជា ២ ក្រុម ឈានដល់វគ្គពាក់កណ្តាលផ្តាច់ព្រ័ត្រពានអន្តរជាតិ
-
ព័ត៌មានអន្ដរជាតិ៣ ម៉ោង agoអស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026