​បង​ប្អូន​រស់នៅ​​ខណ្ឌ​បឹងកេងកង ខណ្ឌ​សែនសុខ សូម​ត្រៀម​ខ្លួន​ចាក់​វ៉ាក់សាំង​ពី​​ថ្ងៃ ១៨ ឧសភា តទៅ​

រដ្ឋបាល​រាជធានី​ភ្នំពេញ បានចេញ​សេចក្តីជូនដំណឹង​ពី​កម្មវិធីចាក់វ៉ាក់សាំងជូនពលរដ្ឋរស់នៅខណ្ឌបឹងកេងកង និងខណ្ឌ​សែនសុខ សម្រាប់​អ្នក​ដែល​មាន​អាយុ​ចាប់ពី ១៨ ឆ្នាំ​ឡើង​ទៅ។

យុទ្ធនាការ ដែលនឹង​ប្រើប្រាស់​កម្លាំង​សរុប មធ្យោយបា​យ​សរុប​ ដើម្បី​ជំរុញ​ការ​ចាក់​វ៉ាក់សាំង​ឲ្យ​បាន​លឿន និង​ឆាប់​រហ័ស ដើម្បី​បង្កើត​ភាពស៊ាំ​ក្នុង​សហគមន៍ ទប់ទល់​ការឆ្លង​រាលដាល​កូវីដ ១៩។

ដំណើរការ​ចាក់​​វ៉ាក់សាំង​នៅ​ខណ្ឌ​បឹងកេងកង និង​ខណ្ឌ​សែនសុខ សម្រាប់​ដូស​ទី​មួយ​ នឹង​ចាប់ធ្វើ​ពីថ្ងៃទី១៨ ខែ​ឧសភា ដល់​ថ្ងៃ ៣១ ឧសភា ឆ្នាំ ២០២១ និង​ដូស​ទីពីរ​ចាប់ពី​ថ្ងៃទី ១ មិថុនា ដល់ ១៥ ខែ​មិថុនា ឆ្នាំ​២០២១ តាម​ការ​អញ្ជើញ​របស់​អាជ្ញាធរ​មូលដ្ឋាន​ តាម​ទីតាំង​ដែល​បានកំណត់៕