ព័ត៌មានជាតិ

សាធារណរដ្ឋឆែកជ្រើសរើសកម្ពុជា ជាប្រទេសអាទិភាពសម្រាប់ធ្វើជាដៃគូអភិវឌ្ឍ

បានផុស

៤ years មុន

នៅ

ថ្ងៃអង្គារ ១៨ ឧសភា ២០២១

ដោយ

កម្ពុជាត្រូវបានសាធារណរដ្ឋឆែកជ្រើសរើសក្នុងចំណោមប្រទេសចំនួន៦ ជាប្រទេសអាទិភាពដៃគូអភិវឌ្ឍ។ នេះបើយោងតាម លោក កុយ គួង រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីជំនួបរវាងលោកឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិកម្ពុជា ជាមួយលោក Martin Vávra ឯកអគ្គរដ្ឋទូតតែងតាំងថ្មី នៃសាធារណរដ្ឋឆែកប្រចាំព្រះរាជាណាចក្រកម្ពុជា នាថ្ងៃទី១៨ ខែឧសភា ឆ្នាំ២០២១នេះ

លោកឯកអគ្គរដ្ឋទូតបានសំដែងនូវការចាប់អារម្មណ៍យ៉ាងខ្លាំងចំពោះប្រទេសកម្ពុជា ដោយលោកអះអាងថា ជាប្រទេសមួយដ៏ស្រស់ស្អាត ហើយលោកនឹងខិតខំពិនិត្យមើលដើម្បីឲ្យកិច្ចសហប្រតិបត្តិការរវាងប្រទេសទាំងពីរនេះកាន់តែប្រសើរឡើងថែមទៀត។

ចំណែកលោកឧបនាយករដ្ឋមន្រ្តី ប្រាក់ សុខុន បានអបអរសាទរចំពោះលោក Martin Vávra ដែលត្រូវបានតែងតាំងជាឯកអគ្គរដ្ឋទូតតែងតាំងថ្មីប្រចាំកម្ពុជា។ លោកមានប្រសាសន៍ថា លោកបានត្រៀមលក្ខណៈរួចហើយ ដើម្បីធ្វើកិច្ចសហប្រតិបត្តិការជាមួយលោកកឯកអគ្គរដ្ឋទូត ដើម្បីឲ្យបេសកម្មនេះទទួលបានជោគជ័យ។

សូមបញ្ជាក់ថា សាធារណរដ្ឋឆែក និងកម្ពុជាបានភ្ជាប់ទំនាក់ទំនងការទូតកាលពីឆ្នាំ១៩៩៦ ហើយនៅឆ្នាំ២០១៣ សាធារណរដ្ឋឆែកបានបង្កើតស្ថានទូតនៅកម្ពុជា។ ក្រោយរបបខ្មែរក្រហមបានដួលរលំ សាធារណរដ្ឋឆែកបានផ្ដល់អាហារូបករណ៍ប្រមាណ៣២២នាក់ ក្នុងរយៈពេល១០ឆ្នាំ ហើយបានបន្តផ្តល់អាហារូបករណ៍ ជាបន្តបន្ទាប់ទៀតដល់កម្ពុជា៕

អត្ថបទ៖ កោះកែវ