Connect with us

កូវីដ-១៩

ស្អែក​នេះ​បើ​ក​ផ្សារ​ឡើង​វិញ បង​ប្អូនចេញ​ចូល​ផ្សារ​ កុំ​ប្រហែស​ប្រយ័ត្នអស់ ២០ ម៉ឺន​រៀល

បានផុស

នៅ

នៅ​ថ្ងៃ​ទី ២៤ ឧសភា ស្អែក​នេះ ​ផ្សារ​រដ្ឋ​ក្នុង​រាជធានី​ភ្នំពេញ នឹង​ចាប់ផ្តើម​បើក​ដំណើរការ​ឡើងវិញ។ តាម​សេចក្តី​ប្រកាស​របស់​រដ្ឋបាល​រាជធានី​ភ្នំពេញ ការ​អនុញ្ញាតិ​ឲ្យ​បើក​ដំណើរការ​ផ្សារ​ឡើង​វិញសម្រាប់​តែ​​ផ្នែក​​គ្រឿង​ឧបភោគ បរិភោគ​ដែល​ជា​តម្រូវការ​ប្រចាំថ្ងៃ​តែ​ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​អំឡុង​​ពេល​នៃ​ការ​ចាប់ផ្តើម​បើក​ដំណើរការ​ផ្សារ​រដ្ឋ​ទាំងអស់ ក៏​មាន​ការ​អនុវត្ត​​វិធានការ​រដ្ឋបាល និង​វិធានការ​សុខាភិបាល​ ដើម្បី​បញ្ចៀស​ហានិភ័យ​នៃ​ការ​ចម្លង​វិរុស​កូវីដ ១៩។

បើ​តាម​សេចក្តី​សម្រេច​របស់​អាជ្ញាធរ​រាជធានី​ភ្នំពេញ មិន​ថា អាជីវករ សន្តិសុខ បុគ្គលិក-កម្មករ អតិថិជន និង​ជនទាំង​ឡាយ​ណា​ដែល​មាន​វត្តមាន​ក្នុង​បរិវេណ​ផ្សារត្រូវ​មាន​កាតព្វកិច្ច​ពាក់​ម៉ាស និង​កាតព្វកិច្ច​រក្សា​គម្លាត​សុវត្ថិភាព​ជា​ចាំបាច់។ ក្នុង​ករណី​មិន​ពាក់​ម៉ាស ឬ​ពាក់​ម៉ាស​មិន​ត្រឹម​ត្រូវ ឬ​មិន​រក្សា​គម្លាត​សុវត្ថិភាព​ទេ​នោះ នឹង​ទទួល​ការ​ផាក​ពិន័យ​ពី ២០០ ០០០ រៀល ដល់ ១ ០០០ ០០០ រៀល

ជាមួយ​គ្នា​នេះ បើ​មាន​ការ​​ជួបជុំ ប្រមូល​ផ្តុំ​មនុស្ស​ក្នុង​បរិវេណ​ផ្សារ ទោះ​បី​ក្រោម​រូបភាព​ណា​ក៏​ដោយ អាច​មាន​ការ​ផាក​ជា​បន្ទាន់​ចំពោះ​បុគ្គល​ល្មើស ក្នុង​កម្រិត​ទឹកប្រាក់​ពិន័យ​ចំនួន ២ ០០០ ០០០ រៀល

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម