KPT+
៣ ចំណុចធំៗដែលហាងនំ ទៀ តេកប៊ួយ ឈរជើងបានជាង ៤ ទសវត្សរ៍នៅកម្ពុជា
ក្នុងទីផ្សារសេរី អាជីវកម្មនានាមានការប្រកួតប្រជែងគ្នាខ្លាំងមែនទែន នរណាមានចំណុចខ្លាំងឬលេចធ្លោជាង អ្នកនោះទាក់ទាញបានអតិថិជនច្រើនជាង។ មួយវិញទៀត អាជីវកម្មទាំងអស់ត្រូវតែមានលក្ខណៈពិសេសដោយឡែកពីគេ ទើបអាចឆក់បានការជាវពីភ្ញៀវមកចូលហាងរបស់ខ្លួនមិនលោះ។
ទន្ទឹមនឹងនោះ អាជីវកម្មខ្នាតតូច ឬអាជីវកម្មគ្រួសារ ជាជំនួញដែលមានប្រកួតប្រជែងខ្លាំងផងដែរ ដោយសារតែជំនួញប្រភេទនេះ មានច្រើនសន្ធឹកក្នុងស្រុកយើង។ វាងាយស្រួលបើក ព្រោះចំណាយដើមមិនធំប៉ុន្មាន ម្យ៉ាងមិនត្រូវការបុគ្គលិករាប់រយនាក់ទៀតផង។ ប៉ុន្តែអាជីវកម្មប្រភេទនេះក៏ងាយនឹងដួលទៅវិញដែរ បើគ្មានតិចនិកលក់ទេនោះ។
យ៉ាងណាមិញ លោក ជួន ណារ័ត្ន ដែលជាម្ចាស់ហាងនំ ទៀ តេកប៊ួយ នៅរាជធានីភ្នំពេញ បានបង្ហើបគន្លឹះមួយចំនួនទាក់ទិននឹងជំនួញគ្រួសាររបស់លោក ដែលអាចបើកដំណើរការជាងបួនទសវត្សរ៍យ៉ាងជោគជ័យ។
១. រូបមន្ត និងរសជាតិប្រចាំគ្រួសារ
គ្រប់ផលិតផលលក់ លុះណាតែមានចំណុចពិសេសខុសពីគេ ទើបទទួលបានការចង់ជាវពីអ្នកទិញ។ យ៉ាងណាមិញ លោក ជួន ណារ័ត្ន បានឲ្យដឹងថា ត្បិតតែហាងនំរបស់ខ្លួនមិនអាចដណ្ដើមភ្ញៀវឲ្យចូលមកហាងទាំងអស់ក៏ពិតមែន ប៉ុន្តែហាងនំនេះ មានរូបមន្តពិសេសប្រចាំគ្រួសារដែលធ្វើឲ្យនំមានរសជាតិឆ្ងាញ់ប្លែកពីហាងនំផ្សេង ព្រោះវាជារូបមន្តបន្សល់ទុកដោយជីតារបស់លោកតាំងពីឆ្នាំ ១៩៧៩ មកម្លេះ។ រូបមន្តនេះត្រូវបានអតិថិជនទទួលស្គាល់តាំងពីយូរយារមកហើយ។
២. គុណភាពមិនប្រែប្រួល
បើទោះបីជា ហាងនំ ទៀ តេកប៊ួយ បើកលក់ជាង ៤០ ឆ្នាំមកហើយក្ដី ឬមិនថាខ្លួនលក់ដាច់ប៉ុណ្ណាទេ ក៏ហាងនេះនៅតែព្យាយាមរក្សាគុណភាពល្អដោយផ្អែកលើរសជាតិឆ្ងាញ់ អនាម័យ និងការវេចខ្ចប់ត្រឹមត្រូវ។ ដោយសារហាងនៅរក្សាគុណភាពមិនផ្លាស់ប្ដូរ បច្ចុប្បន្ន នំ ទៀ តេកប៊ួយ មានការគាំទ្រទៅដល់បណ្ដាខេត្តធំៗមួយចំនួន និងតាមបណ្ដាផ្សារទំនើបនានាក្នុងរាជធានីភ្នំពេញផងដែរ។ ម្ចាស់ហាងបញ្ជាក់បន្ថែមថា កាលណាមានគូប្រជែងកាន់តែច្រើន ខ្លួនក៏រឹតតែពង្រឹងគុណភាពខ្លាំងប៉ុណ្ណោះដូចគ្នា ព្រោះគុណភាពល្អ អាចធ្វើឲ្យភ្ញៀវមានការជឿជាក់ និងមិនព្រមទៅទិញនំនៅហាងផ្សេង។
៣. តម្លៃសមរម្យ
ម្ចាស់ហាង ជួន ណារ័ត្ន អះអាងថា ហាងរបស់លោកពុំមានការតំឡើងថ្លៃនំនោះទេ ទោះបីជាមានពិធីបុណ្យទានធំៗក៏ដោយ។ លោកបន្តថា ហាងនំមួយអាចឈរជើងបានយូរអង្វែង ជាហាងដែលអាចបំពេញតម្រូវការអតិថិជនទាំងរសជាតិ គុណភាព និងតម្លៃសមរម្យផងដែរ។
៣ ចំណុចនេះហើយដែលធ្វើឲ្យជំនួញបែបគ្រួសារ ហាងនំ ទៀ តេកប៊ួយ អាចទាញបានការគាំទ្រពីអតិថិជនពីគ្រប់ទិសទីរយៈពេល ៣ ជំនាន់មកនេះ៕
អត្ថបទ ៖ សន្យា
ចុចអាន៖៥ ជំហាន ធ្វើឲ្យក្ដីប្រាថ្នាផ្ទាល់ខ្លួនឆាប់ទទួលបានជោគជ័យ
លោក ថាក់ស៊ីន ជួបជុំបក្សនយោបាយក្នុងរដ្ឋាភិបាលចម្រុះល្ងាចនេះ ស្របពេលនយោបាយថៃកាន់តែតានតឹងខ្លាំង
ឆមាសទី១ ឆ្នាំនេះ ខេត្តបាត់ដំបង ទទួលបានភ្ញៀវទេសចរសរុបជាង ៣៤ ម៉ឺននាក់
រដ្ឋមន្ត្រីព័ត៌មានប្រាប់អន្តរជាតិថា សម្ដេចតេជោ បានលើកកម្ពស់សេរីភាពសារព័ត៌មាន ជំរុញពហុភាគីនិយម ការកសាងសមត្ថភាពវិជ្ជាជីវៈ
អ្នកជំនាញថៃព្រមានពីការគំរាមកំហែងសេដ្ឋកិច្ចធំៗ បើការចរចាពន្ធ ត្រាំ បរាជ័យ
សម្តេចពិជ័យសេនា ទៀ បាញ់ អញ្ជើញពិនិត្យវឌ្ឍនភាព នៃការសាងសង់ “សួនតេជោសន្តិភាព” ខេត្តបាត់ដំបង
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៧ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ១៨ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន