KPT+
មើលវីដេអូនេះបានដឹងថា ការផ្ដេកផ្ដួលតាមសង្គមអាចបង្កគ្រោះថ្នាក់ដល់យើងកម្រិតណា!
នៅពេលក្លាយជាមនុស្សធំ ហើយចូលក្នុងពិភពពិត យើងនឹងមានទំនោរភ្លេចអ្វីៗគ្រប់យ៉ាងដែលធ្វើឲ្យយើងធ្លាប់តែមានក្ដីសុខកាលយើងនៅក្មេង។ អស់រយៈពេលជាច្រើនទសវត្សរ៍មកហើយ ដែលមនុស្សបានអនុញ្ញាតឱ្យសង្គមកំណត់នូវរបៀបដែលខ្លួនរស់នៅ។ តើយើងគួរធ្វើជាគេឬខ្លួនឯង?
សង្គមបច្ចុប្បន្នបង្រៀនយើងឱ្យលុបបំបាត់ភាពច្នៃប្រឌិតដែលជារបស់យើង ដោយក្រសោបអ្វីដែលយើងមិនពេញចិត្ត។
ខ្សែភាពយន្តបែបគំនូរជីវចលខ្លីមួយមានចំណងជើងថា Alike បានបញ្ជាក់ពីររបៀបដែលសង្គមបច្ចុប្បន្នបានរារាំងគំនិតច្នៃប្រតិដ្ឋរបស់ខ្លួន។ បើទោះបីជាខ្សែភាពយន្តនេះមានរយៈពេលត្រឹមតែ ៧ នាទីមិននិយាយអ្វីក៏ដោយ តែសំឡេងនិងរូបភាពពិតជាទាក់ទាញខ្លាំងមែនទែន។
គំនូរជីវចល Alike បានបង្ហាញពីអ្វីដែលកើតឡើងនៅពេលដែលកុមារត្រូវបានបង្រៀនឱ្យគ្មានគំនិតច្នៃប្រតិដ្ឋ ហើយជំនួសឱ្យការរៀននូវអ្វីដែលមនុស្សធំតម្រង់ឲ្យ។ ខ្សែភាពយន្តខ្លីមួយនេះបានប្រើពណ៌ផ្សេងគ្នាដើម្បីបង្ហាញពីអារម្មណ៍របស់មនុស្ស និងបង្ហាញពីរបៀបដែលសង្គមទំនើបជះឥទ្ធិពលដល់ជីវិតរស់នៅប្រចាំថ្ងៃផងដែរ។ ពណ៌របស់តួអង្គតុក្កតានោះបានផ្លាស់ប្ដូរជីវិតរបស់ពួកគេឱ្យកាន់តែប្រសើរឡើងដោយចំណាយពេលវេលាទៅលើរឿងតូចតាចមួយដែលនាំមកនូវសុភមង្គលនិងភាពសប្បាយរីករាយ ជាជាងយើងទៅខំប្រឹងផ្គាប់ចិត្តស្តង់ដារនៃសង្គមទំនើបនាសម័យបច្ចុប្បន្ន។
នៅក្នុងខ្សែភាពយន្តខ្លីនេះដែរ យើងឃើញក្មេងប្រុសតូចនោះបានព្យាយាមសាងភាពច្នៃប្រតិដ្ឋរបស់គេ រីឯឪពុកក្មេងប្រុសបានបង្រៀនគេនូវភាពពិតនៃជីវិត។ ដំណើររឿងរបស់ Alike ចង្អុលបង្ហាញថា ការធ្វើតាមច្បាប់និងមាគ៌ាដែលបានដាក់ដោយសង្គមគឺមិនមាននូវសុភមង្គលទេពិតនោះទេ។ ទោះបីជាច្បាប់ត្រូវតែអនុវត្តតាមក៏ដោយ តែយើងក៏មិនត្រូវភ្លេចរកកន្លែងផ្សេងទៀតដែលនាំមកនូវសេចក្ដីសុខដល់ជីវិតរបស់យើងដែរ។
ជំនួសឱ្យការបង្រៀនកុមារឱ្យលុបបំបាត់គំនិតច្នៃប្រតិដ្ឋរបស់ពួកគេ យើងគួរតែលើកទឹកចិត្តពួកគេឱ្យសម្រេចក្ដីសុបិន ហើយអនុញ្ញាតឱ្យពួកគេបង្កើត នូវអ្វីដែលជារបស់ផ្ទាល់ខ្លួននៅក្នុងជីវិត។ នៅពេលធ្វើអ្វីដែលយើងចូលចិត្តជាមួយមនុស្សដែលយើងស្រលាញ់ យើងនឹងរកឃើញសន្តិភាពនិងពណ៌ពិតរបស់ខ្លួនយើង ។
អ្វីដែលយើងភាគច្រើនមិនបានដឹងនោះគឺថា ធ្វើអ្វីៗចម្លែកខុសគេមែន តែវាបានធ្វើឱ្យយើងក្លាយជាមនុស្សសំខាន់និងមានក្ដីសុខពិតក្នុងជីវិត។ ដូច្នេះធ្វើតាមចំណង់ចំណូលចិត្តរបស់យើង ហើយកុំបោះបង់ចោលក្តីសុបិនដែលយើងស្រឡាញ់។
តើប្រិយមិត្តយល់យ៉ាងណាដែរចំពោះមេរៀនដែលខ្សែភាពយន្តគំនូរជីវចលខ្លីមួយនេះបានបង្រៀនយើង? តើយើងយល់ស្របទេថា សង្គមកំពុងតែសម្លាប់គំនិតច្នៃប្រតិដ្ឋរបស់យើងបន្តិចម្តងៗ ព្រោះតែយើងចូលចិត្តធ្វើតាមគេដែលមិនមែនជាខ្លួនឯង?
ប្រែសម្រួល៖ សាង ស្រីល័ក្ខ
ចុចអាន៖ មេរៀនជីវិតល្អៗពីភាពយន្តភាគ “Crash Landing On You” សម្រាប់យុវវ័យ
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%