Connect with us

KPT+

ចរិតតួឯកប្រុសក្នុងភាពយន្តភាគកូរ៉ ៤ រឿងឆ្លុះបញ្ចាំងតម្លៃនៃបុរសពិត

បានផុស

នៅ

រឿងភាគកូរ៉េរ៉ូមែនទិក ឬ K-Dramas ត្រូវបានគេស្គាល់ថា ជារឿងបង្កប់ចរិតតួឯកប្រុសស្ទើរតែល្អឥតខ្ចោះដែលនារីៗសុទ្ធតែចង់បានជាគូ ប៉ុន្តែ ការពិតមិនដឹងថាមានឬអត់ទេ។

យ៉ាងណា បុគ្គលិកលក្ខណៈរបស់របស់តួទាំងនោះ ក៏បង្ហាញពីតម្លៃភាពជាបុរស ដែលមនុស្សប្រុសទូទៅអាចរៀនសូត្របាន។

១. រឿង “Crash Landing on You”

មេរៀនជីវិតល្អៗពីភាពយន្តភាគ “Crash Landing On You” សម្រាប់យុវវ័យ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពយន្តភាគ “Crash Landing on You” ស្ថិតនៅក្នុងចំណោមខ្សែភាពយន្តកូរ៉េដែលទទួលបានការពេញនិយមបំផុតនៅប្រទេសកូរ៉េខាងត្បូងកាលពីចុងឆ្នាំ ២០១៩ ។

រឿងរ៉ាវនិយាយពី តួស្រី  Yoon Se-ri  (សម្ដែងដោយ Son Ye-jin) ជាប្រជាជនរបស់កូរ៉េខាងត្បូងដែលធ្លាក់ចូលតំបន់កងទ័ពរបស់កូរ៉េខាងជើង និងត្រូវបាននាយទាហាន Ri Jung Hyuk (សម្ដែងដោយ Hyun Bin) បាន​ជួយសង្គ្រោះនាង។ រឿងនេះបង្ហាញចរិតលក្ខណៈតួប្រុសដែលជាមនុស្សស្ងប់ស្ងាត់ មិនសូវមាត់ក ប៉ុន្តែស្មោះត្រង់បំផុត ក៏ជាមនុស្សប្រុសម្នាក់ដែលសុខចិត្តនឹងប្រឆាំងឪពុក ខណៈអ្នកមានគុណឲ្យខ្លួនសម្លាប់ មនុស្សស្រីដែលគេស្រឡាញ់។ តួអង្គទាំងពីរជាមនុស្សមកពីប្រទេសដែលជាសត្រូវនឹងគ្នា ប៉ុន្តែភាពស្មោះត្រង់បានរុញច្រានស្នេហាពួកគេឲ្យបញ្ចប់ដោយភាពរីករាយ។

២. រឿង “What’s Wrong with Secretary Kim?”

Park Seo Joon And Park Min Young Deny They Are Dating | Soompi

តួប្រុស Lee Young-joon (សម្ដែងដោយ Park Seo-joon) ជាថៅកែដែលមិនខ្វល់ពីបុគ្គលិកណាឡើយ។ Lee Young-joon  មានលេខាធិការស្រីនាង Kim Mi-so (សម្ដែងដោយ Park Min-young)  ដែលខិតខំធ្វើការដើម្បីបំពេញនូវរាល់តម្រូវការរបស់ចៅហ្វាយនាយ។

រឿងរ៉ាវគួរឲ្យចាប់អារម្មណ៍ ក្នុងភាពយន្តនេះគឺតួប្រុសជានាយកក្រុមហ៊ុនមានទ្រព្យសម្បត្តិស្ដុកស្ដម្ភម្នាក់ បែរជាធ្លាក់ក្នុងអន្លង់ស្នេហ៍ជាមួយនារីក្រីក្រដែលលេខារបស់ខ្លួន ក្រោយនាងលាឈប់ពីការងារ។ ថ្វីបើ តួប្រុសមានទ្រព្យច្រើនក្ដី តែចរិតរបស់គេឆ្លុះបញ្ចាំងពីការលុបបំបាត់ការប្រកាន់វណ្ណៈរវាងអ្នកមានអ្នកក្រ និងចង់ប្រាប់ថា ស្នេហាពិតពុំមានបែងចែកអ្នកគ្មានទ្រព្យឬអត់នោះទេ។

៣. រឿង “It’s Okay to not be Okay”

It's Okay to Not Be Okay: My Theories | by Chaira Machmudya Salsabila |  Medium

ភាពយន្តភាគថ្មីរបស់កូរ៉េរឿង “It’s Okay to not be Okay” សម្ដែងដោយ Kim Soo-hyun ដើរតួជា Moon Koo-tae ដែលជាអ្នកមើលថែអ្នកជំងឺនៅមន្ទីរពេទ្យវិកលចរិក។ វាសនានាំគ្រូពេទ្យរូបនេះឲ្យទៅជួបអ្នកនិពន្ធសៀវភៅកុមារនាង Ko Moon-young (សម្ដែងដោយ Seo Ye-ji)។

តួអង្គទាំងពីរចាប់អារម្មណ៍គ្នាភ្លាមៗ ប៉ុន្តែរឿងរ៉ាវអតីតកាលរបស់តួអង្គស្រី​នាំឲ្យទំនាក់ទំនងពួកគេប្រឈមនឹងបញ្ហា។

យ៉ាងណាមិញ ដោយសារ Moon Koo-tae ជាអ្នកថែទាំអ្នកជំងឺ តួប្រុសរូបនេះ បង្ហាញការចិត្តទុកដាក់និងមើលថែចំពោះ Ko Moon-young អស់ពីចិត្ត។ តួអង្គប្រុស តំណាងឲ្យបុរសទាំងឡាយដែលគួរយកចិត្តទុកដាក់ចំពោះមនុស្សស្រីដែលធ្លាប់រងគ្រោះដោយអំពើហិង្សាកាលពីក្មេង។

“It’s Okay to not be Okay”  ជារឿងមួយក្នុងចំណោមខ្សែភាពយន្តកូរ៉េខាងត្បូងដ៏កម្រ ដែលនិយាយពីសុខភាពផ្លូវចិត្ត និងការបំពានផ្លូវភេទក្នុងសង្គម។

៤. រឿង “Something in the Rain”

Good Ol' Review: Jung Hae In and Son Ye Jin Navigate Romantic Turbulence in  Something in the Rain - DryedMangoez.com

សម្តែងដោយតារាប្រុស Jung Hae-in និងតារាស្រី Son Ye-jin។ រឿងនេះកើតឡើងរវាងស្នេហាខុសវ័យរបស់តួឯកស្រី Yoon Jin-a អាយុ ៣៥ ឆ្នាំនិងតួឯកប្រុស Seo Jun-hui អាយុ ២០ ឆ្នាំ។

តួប្រុស Jun-hui ជាប្អូនប្រុសរបស់មិត្តតួស្រី Jin-a។ តួអង្គទាំងពីរបានលង់ស្រឡាញ់គ្នាក្រោយធ្វើការក្នុងអគារជាមួយគ្នា ប៉ុន្តែគ្រួសារមិនពេញចិត្តចំពោះគម្លាតអាយុរវាងពួកគេឡើយ។ ត្បិតតែតួប្រុស Jun-hui អាយុតិច តែគេមានលក្ខណៈចាស់ទុំ កក់ក្ដៅ និងចរិតគួរឱ្យស្រឡាញ់ ហើយគេបង្ហាញថា អាយុមិនមែនជាបញ្ហានៃសុភមង្គលគ្រួសារទេ ទោះបីមនុស្សប្រុសអាយុប្អូនក៏ដោយ ក៏អាចមើលថែមនុស្សស្រីបានដែរ។

រឿងនេះមិនត្រឹមតែជារឿងមនោសញ្ចេតនាប៉ុណ្ណោះទេ ប៉ុន្តែវាលើកយកបញ្ហាការយាយីផ្លូវភេទ និងវិសមភាពយេនឌ័រនៅកន្លែងធ្វើការផងដែរ៕

ប្រែសម្រួល៖ សន្យា

ប្រភព៖ asiaone

ចុចអាន៖ មេរៀនជីវិតល្អៗពីភាពយន្តភាគ “Crash Landing On You” សម្រាប់យុវវ័យ

ចុចអាន៖ រឿង​រ៉ាវ​ ៥ យ៉ាង​ដែល​អ្នក​គាំទ្រ​មិន​ធ្លាប់​បាន​ដឹង​ពី​តួ​ប្រុស It’s Okay to Not Be Okay

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១៣ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១៣ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១៤ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១៥ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១៥ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម