KPT+
៣ មេរៀនជីវិតសំខាន់ៗពីភាពយន្តគំនូរជីវចលរបស់ Disney
ភាពយន្តណាក៏ដូចភាពយន្តណា រមែងមានតម្លៃអប់រំបង្កប់មកជាមួយសម្រាប់ឲ្យទស្សនិកជនមើលហើយ យកទៅគិតពិចារណា ទុកជាការរៀនសូត្រ។
ដូចគ្នាដែរ ភាពយន្តគំនូរជីវចល ៣ រឿងរបស់ Disney បាននាំមកនូវមេរៀនជីវិតសំខាន់ៗសម្រាប់ត្រិះរិះ និងអាចយកទៅអនុវត្តលើការរស់នៅបាន។
តើជាមេរៀនអ្វីខ្លះ? ចង់ដឹង? តោះ! អាន!
“សម្រស់ស្អាតពិត បានមកពីចិត្តនិងបេះដូងបរិសុទ្ធ” -រឿង Beauty and the Beast

តួអង្គ Belle បង្រៀនយើងកុំឲ្យវិនិច្ឆ័យពីចរិតរបស់នរណាម្នាក់ដោយផ្អែកលើតែរូបរាងខាងក្រៅរបស់គេ។ ប្រសិនបើយើងចង់វិនិច្ឆ័យនរណាម្នាក់ យើងគួរតែចំណាយពេលមើលគេឲ្យយូរបន្តិចដែរ។
នាង Belle មិនរើសអើងសត្វចម្លែកនោះទេ ប៉ុន្តែនាងព្យាយាមយល់ពីគេ ទោះបីជាគេមានរូបរាងមិនស្អាតសង្ហារក៏ដោយ។ ទីបំផុត ពួកគេបានរស់នៅជាមួយគ្នាពោរពេញដោយសុភមង្គល ព្រមទាំងអាចដកពាក្យបណ្តាសាចេញបាន នេះក៏ព្រោះតែ Belle មិនមែនស្រឡាញ់សត្វចម្លែកដោយសារសម្រស់របស់គេនោះឯង។
“បន្ដក្ដីសុបិន្តជាមួយភាពជឿជាក់ បើទោះជាឆ្លងកាត់រឿងលំបាកយ៉ាងណាក៏ដោយ” -រឿង Cinderella

មិនថា ជួបទុក្ខវេទនាប៉ុណ្ណា ប្រសិនបើនៅតែបន្តជឿលើក្តីសុបិនដែលខ្លួនប្រាថ្នា នោះវានឹងក្លាយជាការពិត។ នេះជាសម្ដីរបស់តួអង្គ Cinderella។
ក្នុងចំណោមព្រះនាង Disney ទាំងអស់ គ្មានតួអង្គណាម្នាក់មានក្តីសង្ឃឹម និងការប្តេជ្ញាចិត្តខ្ពស់ដើម្បីសម្រេចបំណងប្រាថ្នា រហូតទទួលធ្វើឲ្យក្តីសុបិនក្លាយជាការពិតដូច Cinderella ទេ។ នាងមិនដែលឈប់សុបិនឬជឿលើខ្លួនឯងសោះឡើយ ហើយតែងតែព្យាយាមជម្នះឧបសគ្គដើម្បីបានលស្បែកជើងកែវ ក៏ដូចជារកគ្រប់វិធីដើម្បីចូលវាំង។ ចុងក្រោយ Cinderella អាចជួបព្រះអម្ចាស់ដូចប្រាថ្នា និងរស់នៅដោយសុខសាន្ត។
“កុំភ្លេចថាខ្លួនជានរណា ហើយមកពីណា” – រឿង The Lion King

កាលពីស្ដេចតោ Mufasa នៅរស់ គាត់តែងតែប្រាប់កូនប្រុស Simba ថា “កូនប្រុសអស្ចារ្យជាងអ្វីដែលកូនអាចធ្វើបានទៅទៀត” ។
ខណៈឪពុកមារបញ្ឆោត Simba ថាគេជាអ្នកសម្លាប់ឪពុករបស់ខ្លួន ពេលនោះធ្វើឲ្យគេខ្លាចរអាក្នុងការប្រឈមជាមួយគ្រប់គ្នា រួចក៏រត់ទៅស្រុកឆ្ងាយ និងមិនហ៊ានត្រឡប់ចូលទឹកដីខ្លួនវិញ។
ក្រោយមក គេរឭកនឹកដល់ពាក្យអ្នកមានគុណតែងតែទូន្មានកាលពីគាត់នៅរស់ថា គេជាបុគ្គលអស្ចារ្យ ទើបពេលនោះ Simba ត្រឡប់ទៅទឹកដីកំណើត ប្រឹងតស៊ូជាមួយក្រុមចចករហូតឈ្នះទាំងដែលបក្សពួករបស់គេមានគ្នាតិចជាងសត្រូវ។
ចុងក្រោយ Simba ក្លាយជាអ្នកស្នងរាជ្យបន្ទាប់ឪពុក ព្រោះតែគេចងចាំជានិច្ចថា ខ្លួនមិនមែនជាកូនតោធម្មតា តែជាស្ដេចតោដែលត្រូវមើលថែពលរដ្ឋនិងទឹកដីរបស់ខ្លួន៕
ប្រែសម្រួល៖ សន្យា
ប្រភព៖ ITM
ចុចអាន៖ មេរៀនជីវិតសំខាន់ៗ ៤ ដែលគ្រប់គ្នាអាចរៀនពីភាពយន្ត Kung Fu Panda
-
ព័ត៌មានជាតិ៥ ថ្ងៃ មុន
បណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ៦ ថ្ងៃ មុន
និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ៣ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ១ សប្តាហ៍ មុន
អាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៥ ថ្ងៃ មុន
ច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ព័ត៌មានជាតិ៤ ថ្ងៃ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង
-
ព័ត៌មានជាតិ៣ ថ្ងៃ មុន
កីឡាករ ដាវ លឺដុឌ៖ ការប្រកួតជាមួយ ព្រំ សំណាង គឺជាព្រឹត្តិការណ៍ដ៏ធំប្រវត្តិសាស្ត្រនៅតំបន់អាស៊ីអាគ្នេយ៍
-
ជីវិតកម្សាន្ដ៥ ថ្ងៃ មុន
នាយ ក្រឹម ចេញមុខមកបញ្ជាក់ ក្រោយផ្ទុះការរិះគន់រឿងភេទទី៣