ព័ត៌មានអន្ដរជាតិ
មិនធម្មតា! ចិន ចាប់ផ្ដើមដំណើរការស្ថានីយវារីអគ្គិសនីផលិតថាមពលបាន ៣៨.៩ ពាន់លានគីឡូវ៉ាត់ម៉ោងក្នុងមួយថ្ងៃ
ស្ថានីយវារីអគ្គិសនី Wudongde របស់ប្រទេសចិន ដែលជាស្ថានីយ៍ធំជាងគេទី ៧ របស់ពិភពលោក បានចាប់ផ្តើមដំណើរការកាលពីថ្ងៃពុធ ។
ជាមួយនឹងថាមពលដែលបានដំឡើងសរុប ១០.២ លានគីឡូវ៉ាត់ ស្ថានីយវារីអគ្គិសនី Wudongde គឺជាគម្រោងសំខាន់មួយ នៅក្នុងកម្មវិធីបញ្ជូនថាមពលអគ្គីសនី នៅភាគខាងកើតឆៀងខាងលិចរបស់ប្រទេសចិន ហើយវាស្ថិតនៅលើដងទន្លេ Jinsha ក្បែរព្រំដែនខេត្ត Yunnan និងខេត្ត Sichuan ។
ទន្ទឹមនោះ លោក Wang Jintao ប្រធានរោងចក្រអគ្គិសនី Wudongde ស្ថិតក្រោមក្រុមហ៊ុនសាជីវកម្មចិន Three Gorges បាននិយាយថា គិតត្រឹមថ្ងៃអង្គារ ស្ថានីយនេះបានផលិតអគ្គិសនី ២៤.៥ ពាន់លានគីឡូវ៉ាត់ម៉ោង ដែលស្មើនឹងថាមពលធ្យូងថ្មស្តង់ដារប្រមាណ ៧.៦៨ លានតោន ។
ចំណែកលោក Yang Zongli ប្រធានមន្ទីរសំណង់ជាមួយសាជីវកម្មចិន Three Gorges បាននិយាយថា គម្រោងនេះនឹងរួមចំណែកដល់គោលដៅរបស់ប្រទេសចិន ក្នុងការបំភាយឧស្ម័នកាបូនឌីអុកស៊ីតខ្ពស់បំផុតនៅឆ្នាំ ២០៣០ និងសម្រេចបាននូវអព្យាក្រឹតភាពកាបូននៅឆ្នាំ ២០៦០ ។
លោក Yang បានកត់សម្គាល់ថា ស្ថានីយវារីអគ្គិសនីនេះ នឹងជំរុញការអភិវឌ្ឍដែលមានគុណភាពខ្ពស់ នៃខ្សែក្រវាត់សេដ្ឋកិច្ចទន្លេ Yangtze និងសម្របសម្រួលក្នុងការអភិវឌ្ឍន៍តំបន់ ។
គួរបញ្ជាក់ថា ស្ថានីយនេះបានចាប់ផ្តើមសាងសង់នៅចុងឆ្នាំ ២០១៥ ហើយវាបានចាប់ផ្តើមផលិតអគ្គិសនីនៅចុងខែមិថុនា ឆ្នាំមុន ខណៈវាអាចផលិតថាមពលបានប្រហែល ៣៨.៩ ពាន់លានគីឡូវ៉ាត់ម៉ោងក្នុងមួយថ្ងៃ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»