មន្ទីរពេទ្យខេត្តកោះកុង ប្រកាស​ឱ្យពលរដ្ឋធ្លាប់ទៅទិញឱសថនៅឱសថស្ថាន​«ព្រះវិហារ»​ប្រញាប់ទៅធ្វើតេស្តជាបន្ទាន់

មន្ទីរពេទ្យខេត្តកោះកុង បានប្រកាសឱ្យប្រជាពលរដ្ឋដែលធ្លាប់បានទៅទិញឱសថ នៅឱសថស្ថាន «ព្រះវិហារ»មានទីតាំង​ជិតរង្វង់មូលរូបចម្លាក់យាយរែកផ្លែឈើ ស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ទីរួមខេត្តកោះកុង
សូមប្រញាប់ទៅធ្វើតេស្តជាបន្ទាន់ និងធ្វើចត្តាឡីស័កដោយខ្លួនឯង តាមការណែនាំរបស់ក្រសួងសុខាភិបាល ព្រោះម្ចាស់ឱសថស្ថាននេះ ត្រូវបានរកឃើញផ្ទុកមេរោគកូវីដ-១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្ទីរសុខាភិបាលខេត្តកោះកុងបានបញ្ជាក់ថា «សូមជម្រាបបងប្អូនប្រជាពលរដ្ឋទាំងអស់ដែលរស់នៅក្នុងខេត្តកោះកុងដែលពាក់ព័ន្ធទិញឱសថនៅឱសថស្ថាន«ព្រះវិហារ» មានទីតាំងជិតរង្វង់មូលរូបចម្លាក់យាយរែកផ្លែឈើ ស្ថិតនៅភូមិ៣​ សង្កាត់ស្មាច់មានជ័យ ក្រុងខេមរភូមិន្ទ ទីរួមខេត្តកោះកុង ក្នុងរយ:ពេល១៤ថ្ងៃនេះ សូមមេត្តាមានការប្រុងយ័ត្ន ឬត្រូវធ្វើចត្តាឡីស័កដោយខ្លួនឯង ព្រោះបងស្រីជាម្ចាស់ឱសថស្ថាននេះ ត្រូវបានរកឃើញផ្ទុកមេរោគកូវីត​-១៩​ នៅក្នុងមន្ទីរពេទ្យខេត្តកោះកុង នៅពេលយប់ថ្ងៃទី២០​ ខែមិថុនា ឆ្នាំ២០២១​ ក្នុងនោះមានអ្នកពាក់ព័ន្ធជាច្រើនទៀត តាមការសាកសួរព័ត៌មានបន្ថែម »។

ក្នុងរយៈពេលប៉ុន្មានថ្ងៃចុងក្រោយនេះ ខេត្តកោះកុងកំពុងប្រឈមនឹងការរាតត្បាតជំងឺកូវីដ១៩ គួរឱ្យព្រួយបារម្ភ ពិសេសនៅក្រុងខេមរៈភូមិន្ទនិងស្រុកមណ្ឌលសីមា។

គួរបញ្ជាក់ថា ក្នុងរយៈពេល៣ថ្ងៃនេះ ចាប់ពីថ្ងៃទី១៨ .១៩ និង២០ ខេត្តកោះកុងមានអ្នកឆ្លងជំងឺកូវីដ១៩ចំនួន១៩៧នាក់និងជាសះស្បើយ៥នាក់៕

អត្ថបទ ៖ សំអឿន