ព័ត៌មានអន្ដរជាតិ
ឡើងកាន់តំណែងមិនទាន់បានប៉ុន្មានផង អ៊ីស្រាអែល ថ្កោលទោសប្រធានាធិបតីជាប់ឆ្នោតថ្មីរបស់ អ៊ីរ៉ង់
រដ្ឋមន្ត្រីការបរទេសអ៊ីស្រាអែលលោក Yair Lapid បានថ្កោលទោសប្រធានាធិបតីជាប់ឆ្នោតថ្មីរបស់អ៊ីរ៉ង់លោក Ebrahim Raisi ដោយនិយាយថា លោកប្តេជ្ញាចំពោះមហិច្ឆតានុយក្លេអ៊ែររបស់របបនេះ និងយុទ្ធនាការភេរវកម្មពិភពលោក ។
ទន្ទឹមនោះ លោកនាយករដ្ឋមន្រ្តី Naftali Bennett ដែលបានចូលកាន់តំណែងនៅខែនេះ បាននិយាយនៅក្នុងសុន្ទរកថាមួយថា អ៊ីស្រាអែលនឹងមិនអនុញ្ញាតឲ្យអ៊ីរ៉ង់ ទទួលបានអាវុធនុយក្លេអ៊ែរនោះទេ ហើយប្រទេសរបស់លោកមានសេរីភាពក្នុងការធ្វើសកម្មភាពពេញលេញ ។
បន្ថែមពីនេះ លោក Lapid បាននិយាយនៅលើបណ្តាញសង្គម Twitter កាលពីថ្ងៃសៅរ៍ថា លោក Raisi គឺជាអ្នកជ្រុលនិយមដែលទទួលខុសត្រូវ ចំពោះការស្លាប់របស់ប្រជាជនអ៊ីរ៉ង់រាប់ពាន់នាក់ ។ តាមពិតគាត់សំដៅទៅលើការអះអាងរបស់អ៊ីស្រាអែលដែលថា លោក Raisi បានចូលរួមក្នុងការបង្ក្រាបក្រុមប្រឆាំង ។
គួររំឭកថា លោក Ebrahim Raisi គឺជាអ្នកប្រាជ្ញច្បាប់ និងជាប្រធានតុលាការឥស្លាមអភិរក្ស បានទទួលជ័យជម្នះនៅក្នុងការបោះឆ្នោតប្រធានាធិបតីអ៊ីរ៉ង់កាលពីថ្ងៃសុក្រ ដោយមានសំឡេងឆ្នោតប្រហែល ៦២ ភាគរយ ។
ស្របពេលជាមួយគ្នានេះ លោក Lapid បានបន្ថែមថា ការបោះឆ្នោតរបស់លោក Raisi គួរតែជំរុញការប្តេជ្ញាចិត្តជាថ្មី ដើម្បីបញ្ឈប់កម្មវិធីនុយក្លេអ៊ែរអ៊ីរ៉ង់ជាបន្ទាន់ និងបញ្ចប់នូវមហិច្ឆិតាក្នុងតំបន់ដែលកំពុងបង្កការអន្តរាយ ខណៈអ៊ីស្រាអែលមើលឃើញថា កិច្ចព្រមព្រៀងនុយក្លេអ៊ែរមិនគ្រប់គ្រាន់ដើម្បីបញ្ឈប់កម្មវិធីនុយក្លេអ៊ែរអ៊ីរ៉ង់នោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ក្រោយអស់តំណែង លោក Netanyahu ប្តេជ្ញាផ្តួលរំលំរដ្ឋាភិបាលចម្រុះថ្មី ហើយត្រៀមវិលមករកអំណាចវិញ
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ