ព័ត៌មានជាតិ

តូចចិត្តមានជំងឺរ៉ាំរ៉ៃ ស្ត្រីម្នាក់សម្រេចចិត្តចង ក សម្លាប់ខ្លួន

បានផុស

៥ years មុន

នៅ

ថ្ងៃពុធ ២៣ មិថុនា ២០២១

ដោយ

ស្ត្រីម្នាក់ដោយសារមានជំងឺរ៉ាំរ៉ៃមើលមិនជាក៏បានសម្រេចចិត្តចង ក សម្លាប់ខ្លួនកាលពីរសៀលថ្ងៃទី២៣ ខែមិថុនា ឆ្នាំ២០២១ នៅចំណុចក្នុងផ្ទះលេខ៥អឺ១ ផ្លូវ៦៧ ក្រុម៥៨ ភូមិ០៩ សង្កាត់ផ្សារថ្មីទី២ ខណ្ឌដូនពេញ(ផ្ទះរបស់ សព)។

សមត្ថកិច្ចបានឲ្យដឹងថា សពជនរងគ្រោះឈ្មោះ សុខ ផល្លា ភេទស្រី អាយុ៤៦ មុខរបរនៅផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបំភ្លឺពីឈ្មោះ សេង សុខា ភេទប្រុស និងឈ្មោះ សេង សុភាព ភេទស្រី ជាកូនបង្កើត សពបានប្រាប់សមត្ថកិច្ចថា ម្តាយរបស់គាត់ពិបាកចិត្តព្រោះមានជំងឺប្រចាំកាយមើលមិនជា។

ក្រោយពីសភាពការណ៍កើតឡើងកម្លាំងប៉ុស្តិ៍បានចុះដល់ និងគ្រប់គ្រងកន្លែងកើតហេតុ ហើយរាយការណ៍ជូនព្រះរាជអាជ្ញា និងបានសហការជាមួយការិយាល័យបច្ចេកទេសវិទ្យាសាស្ត្រ ការិយាល័យព្រហ្មទណ្ឌកម្រិតធ្ងន់ និងពេទ្យអមសាលាដំបូងរាជធានីភ្នំពេញ ដើម្បីបង្កើតគណៈកម្មការធ្វើកោសល្យវិច័យ ពិនិត្យសពនិងកន្លែងកើតហេតុ៕

អត្ថបទ ៖ រស្មី