មេអាវុធហត្ថ ៖ ការឧបត្ថម្ភតិចក្តីច្រើនក្តីរបស់សប្បុរសជន គឺជាទឹកចិត្តដ៏ប្រពៃដែលបានចូលរួមគ្នាប្រយុទ្ធប្រឆាំងនឹងកូវីដ

ថ្នាក់ដឹកនាំកងកម្លាំងរាជអាវុធហត្ថរាជធានីភ្នំពេញបានថ្លែងថា ទោះបីការឧបត្ថម្ភតិចក្តីច្រើនក្តីគឺជាទឹកចិត្តដ៏ប្រពៃដែលបានចូលរួមគ្នាប្រយុទ្ធប្រឆាំងនឹងកូវីដ១៩ ដ៏កាចសាហាវដែលបានឆក់យកអាយុជីវិតពលរដ្ឋកម្ពុជាជាង៦០០នាក់ និងឆ្លងជាង៥មុឺននាក់ ហើយគិតមកដល់ត្រឹមថ្ងៃទី០២កក្កដា ឆ្នាំ២០២១។

នេះជាការលើកឡើងរបស់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញដែលបានថ្លែងមុននេះនូវការអរគុណយ៉ាងពន់ពេកចំពោះសន្តានចិត្តសប្បុរសជនតែងតែរួមគ្នាជួយឧបត្ថម្ភស្បៀងនិងសម្ភារៈការពារ សម្លាប់មេរោគកូវីដ១៩ជាហូរហែរមក។

ជាក់ស្ដែងនាល្ងាចម្សិលមុិញនេះកម្លាំងអាវុធហត្ថរាជធានីភ្នំពេញ ឈរជើងនៅមណ្ឌលសម្រាកព្យាបាលជំងឺកូវីដ១៩ គោលដៅ មន្ទីរពេទ្យ ហ្លួងម៉ែ បានទទួលការឧបត្ថម្ភ តែក្រូចឆ្មា ៤០ដប និង នំសាំងវិច ៦០នំ ពីអ្នកស្រី រស់ ដានី ម្ចាស់ហាង រាជ កាហ្វេ សម្រាប់បន្ថែមលើអាហាររូបត្ថម្ភរបស់កម្លាំងដែលបានមមាញឹក ក្នុងយុទ្ធនាការប្រយុទ្ធប្រឆាំងការរីករាលដាលជំងឺកូវីដ-១៩។

ឆ្លើយតបទៅនឹងសណ្តានចិត្តរបស់សប្បុរសជនខាងលើ កម្លាំងអាវុធហត្ថរាជធានីភ្នំពេញដែលកំពុងបំពេញបេសកកម្ម តាមគោលគោលដៅ មានចិត្តរំភើបកក់ក្តៅបំផុត និងសូមជូនពរថល់ម្ចាស់តែក្រូចឆ្មា ៤០ដប និង នំសាំងវិច ៦០នំ ពីអ្នកស្រី រស់ ដានី ម្ចាស់ហាង រាជ កាហ្វេ ជួបតែពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕ អត្ថបទ ៖ វិមាន