អ្នកស្លាប់ក្នុងហេតុការណ៍បាក់អគារនៅ Florida កើនដល់ ៥៤នាក់

អភិបាលតំបន់ Miami-Dade លោកស្រី Daniella Levine Cava បានប្រាប់សន្និសីទសារព័ត៌មានមួយកាលពីថ្ងៃពុធថា ចំនួនអ្នកស្លាប់នៅក្នុងការបាក់រលំផ្នែកខ្លះនៃអគារ Champlain Towers South កម្ពស់ ១២ ជាន់នៅទីក្រុង Surfside នៃរដ្ឋ Florida បានកើនឡើងដល់ ៥៤ នាក់ហើយ។

លោកស្រីនិយាយថា មនុស្សចំនួន ៨៦ នាក់ទៀតនៅតែកំពុងបាត់ខ្លួន ហើយកិច្ចខិតខំប្រឹងប្រែងរយៈពេល ១៤ ថ្ងៃ នឹងប្តូរពីការជួយសង្គ្រោះទៅជាការស្វែងរកវិញ នៅពាក់កណ្តាលអធ្រាត្រ។

ស្របពេលជាមួយគ្នានោះ លោក Raide Jadallah ជំនួយការប្រធានក្រុមពន្លត់អគ្គិភ័យតំបន់ ​Miami-Dade បានប្រាប់ក្រុមគ្រួសារនៅឯសន្និសីទខ្លីមួយ កាលពីថ្ងៃពុធថា ក្រុមរុករកនិងជួយសង្គ្រោះបានសន្និដ្ឋានថា គ្មានឱកាសរកឃើញអ្នកនៅរស់រានមានជីវិត ក្នុងគំនរបាក់បែកនោះទេ។

លោក Jadallah បន្ថែមថា ក្រុមសង្គ្រោះបន្ទាន់នឹងដកសត្វសុនខជួយសង្គ្រោះ និងឧបករណ៍ចាប់សំឡេងចេញ ប៉ុន្តែនឹងបន្តស្វែងរកតាមរយៈគំនរបាក់បែកសម្រាប់សាកសពជនរងគ្រោះ៕

ប្រែសម្រួល៖ Vann Vann

ប្រភព៖ Xinhua

ចុចអាន៖ ផ្នែកនៃអគារដែលបាក់នៅ Florida ត្រូវបានដាក់គ្រឿងផ្ទុះ កម្ទេចចោល (មានវីដេអូ)