ព័ត៌មានជាតិ

អំណោយរដ្ឋបាលខេត្តកំពង់ចាម បានផ្តល់ជូនពលរដ្ឋ២១០គ្រួសារ ដែលរស់នៅស្រុកចំការលើ

បានផុស

៥ years មុន

នៅ

ថ្ងៃអង្គារ ១៣ កក្កដា ២០២១

ដោយ

ពិធីសំណេះសំណាល និងចែកអំណោយរបស់រដ្ឋបាលខេត្តកំពង់ចាម ផ្តល់ជូនដល់ប្រជាពលរដ្ឋចំនួន២១០គ្រួសារ ដែលមានជីវភាពខ្វះខាតលំបាក អំឡុងពេលកូវីដ ដោយរស់នៅតាមបណ្តាភូមិក្នុង ស្រុកចំការលើ ក្រោមអធិបតីភាព លោក ខ្លូត ចិន្តា អភិបាលរង នៃគណៈអភិបាលខេត្តកំពង់ចាម តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រឹកថ្ងៃអង្គារទី១៣ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការចុះសំណេះសំណាលនេះ ក៏មានការអញ្ជើញចូលរួមពីលោក សំ ពិសិដ្ឋ អភិបាលនៃគណៈអភិបាលស្រុកចំការលើលោក លោកស្រី អភិបាលរងស្រុក លោក នាយក នាយករង កងកម្លាំងទាំងបី មន្ត្រីរាជការនៃរដ្ឋបាលស្រុកចំការលើ។ លោកអភិបាល រងខេត្តកំពង់ចាម បានក្រើនរំលឹកដល់បងប្អូនពលរដ្ឋក្នុងស្រុកចំការលើឲ្យបង្កើនការថែទាំសុខភាព ការពារសុវត្ថិភាពផ្ទាល់ខ្លួនឲ្យបានគ្រប់ៗគ្នា ក្នុងការរស់នៅប្រចាំថ្ងៃជាមួយក្រុមគ្រួសារ និងបន្តចូលរួមទប់ស្កាត់ ការឆ្លងរីករាលដាលនៃជំងឺកូវីដ-១៩។

ជាងនេះទៅទៀត លោកអភិបាលរងខេត្ត បានអំពាវនាវបន្ថែមទៀត ឲ្យពលរដ្ឋកុំភ្លេចបន្តអនុវត្តឱ្យបានម៉ឺងម៉ាត់នូវវិធានការ “៣ការពារ និង ៣កុំ” ឲ្យបានខ្ជាប់ខ្ជួន រួមនឹងការអនុវត្តកាតព្វកិច្ចពាក់ម៉ាស ការលាងសំអាតដៃជាមួយសាប៊ូ អាល់កុល ឬជែលឲ្យបានញឹកញាប់ និងកាតព្វកិច្ចរក្សាគម្លាតសុវត្ថិភាពបុគ្គល ស្របតាមសេចក្តីជូនដំណឹងរបស់ក្រសួងសុខាភិបាល ក្នុងអំឡុងពេលនៃការឆ្លងរាលដាលនៃវីរុសកូវីដ-១៩បម្លែងថ្មី ដ៏កាចសាហាវនេះ កុំឲ្យឆ្លងរីករាលដាលក្នុងសហគមន៍យើង៕

អត្ថបទ៖ ហុង ម៉េងហៀ

Related Topics:អំណោយ ខេត្តកំពង់ចាម

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា