ព័ត៌មានអន្ដរជាតិ
ស្ងាត់ៗ លោក ស៊ី ជីនពីង ធ្វើទស្សនកិច្ចនៅតំបន់ទីបេ ជាលើកដំបូងក្នុងរយៈពេល ១០ ឆ្នាំ
យោងតាមទីភ្នាក់ងារសារព័ត៌មានចិនស៊ីនហួ បាននិយាយថា ប្រធានាធិបតីចិនលោក ស៊ី ជីនពីង បានធ្វើទស្សនកិច្ចនៅតំបន់ស្វយ័តទីបេកាលពីថ្ងៃទី ២១ ដល់ទី ២២ ខែកក្កដា នៅក្នុងដំណើរទស្សនកិច្ចលើកដំបូងរបស់លោក ក្នុងនាមជាមេដឹកនាំប្រទេស ។
លោក ស៊ី បានហោះហើរទៅកាន់ទីក្រុង Nyingchi កាលពីថ្ងៃពុធ ហើយបានជិះរថភ្លើងទៅកាន់រដ្ឋធានី Lhasa របស់តំបន់ទីបេនៅថ្ងៃបន្ទាប់ តាមបណ្តោយផ្លូវដែកមួយដែលកំពុងត្រូវបានសាងសង់ ដើម្បីភ្ជាប់តំបន់ព្រំដែនភ្នំជាមួយខេត្ត Sichuan ។
នៅក្នុងរដ្ឋធានី Lhasa លោក ស៊ី បានទៅទស្សនាវត្តអារាមមួយ និងទីលាន Potala Palace ហើយបានត្រួតពិនិត្យសាសនាជនជាតិភាគតិច ក៏ដូចជាទីតាំងការពារបេតិកភណ្ឌវប្បធម៌ទីបេ ។ វិមាននេះគឺជាផ្ទះប្រពៃណីរបស់មេដឹកនាំសាសនាព្រះពុទ្ធទីបេ Dalai Lama ដែលកំពុងនិរទេសខ្លួន ។
ចំណែកនៅទីក្រុង Nyingchi លោក ស៊ី ក៏បានពិនិត្យមើលការស្តារឡើងវិញនៅតំបន់ជនបទ និងការការពារបរិស្ថានផងដែរ ។
ទន្ទឹមនោះ រូបថតដែលបានចេញផ្សាយដោយសារព័ត៌មានស៊ីនហួ បង្ហាញថា លោក ស៊ី ក៏ត្រូវបានអមដំណើរដោយលោក Zhang Youxia អនុប្រធានគណៈកម្មាធិការយោធាមជ្ឈិមរបស់ប្រទេសចិន និងជាឧត្តមសេនីយ៍ជាន់ខ្ពស់ម្នាក់នៅក្នុងកងទ័ពរំដោះប្រជាជនចិន ។
គួរបញ្ជាក់ថា លោក ស៊ី ជីនពីង បានទៅទស្សនកិច្ចតំបន់ទីបេលើកចុងក្រោយ ក្នុងឆ្នាំ ២០១១ នៅពេលដែលលោកធ្វើជាអនុប្រធានាធិបតី ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ