ជីវិតកម្សាន្ដ
តុលាការយោធា សម្រេចផ្ដន្ទាទោស Seungri អតីតសមាជិកក្រុម Big Bang ជាប់ពន្ធនាគារ ៣ ឆ្នាំ ក្នុងបទល្មើស ៩ ករណី
ការិយាល័យសារព័ត៌មានអន្តរជាតិបានរាយការណ៍កាលពីម្សិលមិញថា តុលាការយោធា Yong-in របស់កូរ៉េខាងត្បូង បានសម្រេចផ្ដន្ទាទោសដល់តារាចម្រៀងប្រុស Seungri ឬ Lee Seung Hyun អតីតសមាជិកក្រុម Big Bang ដ៏ល្បីល្បាញ ឲ្យជាប់ពន្ធនាគារ ៣ ឆ្នាំ ពីបទល្មើសចំនួន ៩ រួមទាំងពេស្យាចារនិងល្បែងស៊ីសងនៅឯបរទេស។
តុលាការក៏បានបង្គាប់ឲ្យឃុំខ្លួនភ្លាមៗលើសិល្បករវ័យ ៣០ ឆ្នាំរូបនេះ និងពិន័យជាប្រាក់ ១,៥ ពាន់លានវ៉ុនឬប្រហែល ១ លាន ២ សែន ដុល្លារអាមេរិច។ បច្ចុប្បន្ន Seungri កំពុងបម្រើការជាយោធា ២ ឆ្នាំហើយនឹងចូលនិវត្តនៅខែបន្ទាប់នេះ។
គួរបញ្ជាក់ថា Seungri ត្រូវបានតុលាការយោធាជំនុំជម្រះចាប់តាំងពីលោកបានចូលបម្រើកងទ័ព កាលពីខែមីនា ឆ្នាំ ២០២០ ពោលគឺត្រឹមតែពីរខែប៉ុណ្ណោះ បន្ទាប់ពីត្រូវបានចោទប្រកាន់ពីបទចោទប្រកាន់ជាច្រើនដោយ Seungri ត្រូវបានកំណត់គោលដៅក្នុងការស៊ើបអង្កេត ចាប់តាំងពីការបើកកន្លែងពេស្យាចារ និងថ្នាំញៀននៅក្លឹបរាត្រី Burning Sun ដែលលោកគឺជាអ្នកស្តុកភាគហ៊ុនធំជាងគេ។
Seungri ក៏បានចោទប្រកាន់ពីបទផ្តល់សេវាកម្មរកស៊ីផ្លូវភេទ ដល់វិនិយោគិនមកពី តៃវ៉ាន់ ជប៉ុន ហុងកុង និងប្រទេសដទៃទៀត ចាប់ពីខែធ្នូឆ្នាំ ២០១៥ ដល់ខែ មករា ឆ្នាំ ២០១៦ ដើម្បីទទួលបានការវិនិយោគសម្រាប់ក្លឹបរាត្រីនិងអាជីវកម្មផ្សេងទៀត។ លោកក៏រងការចោទប្រកាន់ពីបទឆបោកលុយ មានចំនួនប្រហែល ៥២៨ លានវ៉ុន ពីក្លឹបរាត្រីនិងល្បែងរបស់លោកនៅឡាសវេហ្គាស។ នៅចន្លោះខែ ធ្នូ ឆ្នាំ ២០១៣ និងខែ សីហា ឆ្នាំ ២០១៧ លោកបានចំណាយប្រាក់ជាង ២,២ ពាន់លានវ៉ុន លើការលេងល្បែងស៊ីសងនិងរំលោភលើច្បាប់ប្តូរប្រាក់បរទេស។
នៅខែ មករា ឈ្មោះ Seungri ក៏បានចោទប្រកាន់ពីបទបញ្ជូនសមាជិកក្រុមក្មេងទំនើង ទៅគំរាមកំហែងមនុស្សដែលលោកបានឈ្លោះប្រកែកគ្នានៅក្នុងបារមួយកាលពីឆ្នាំ ២០១៥ ។
ទោះយ៉ាងណា បន្ទាប់ពី Seungri ត្រូវបានផ្ដន្ទាទោសឲ្យជាប់គុក ៣ ឆ្នាំ អ្នកលេងអ៊ីនធឺណេតកូរ៉េខាងត្បូងជាច្រើន បានប្រតិកម្មភ្លាមៗ ដោយមើលឃើញថា ការដាក់ទណ្ឌកម្មដែលលោកទទួលបានគឺស្រាលពេក មិនសមនឹងកំហុសដែលខ្លួនប្រព្រឹត្តឡើយ៕
ប្រែសម្រួល ៖សាង ស្រីល័ក្ខ
ចុចអាន៖កូរ៉េខាងជើង ចាប់ខ្លួនសិស្សសាលាម្នាក់ បន្ទាប់ពីឃើញលួចស្តាប់បទចម្រៀងរបស់ BTS
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច២ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៧ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ១៤ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី