ព័ត៌មានជាតិ
នគរបាលក្រុងសៀមរាប ឃាត់ខ្លួនស្ត្រីម្នាក់ លួចថង់ប្រាក់អស់ប្រមាណជិត២លានរៀល
សៀមរាប ៖ ស្ត្រីម្នាក់លួចថង់ប្រាក់របស់អ្នកលក់ចាប់ហួយអស់ប្រមាណជិត២លានរៀល រួចគេចខ្លួន តែត្រូវម្ចាស់តូបដេញតាមឃាត់ខ្លួនប្រគល់ឲ្យនគរបាលប៉ុស្តិ៍សង្កាត់ទឹកវិល។
ហេតុការណ៍ឃាត់ខ្លួននេះ ធ្វើឡើងនៅវេលាម៉ោង ០៨និង៣០នាទី ថ្ងៃទី២៥ ខែវិច្ឆិកា ឆ្នាំ២០២០ស្ថិតក្នុងផ្សារទឹកវិល ក្នុងភូមិ ប្រីយ៍ថ្មី សង្កាត់ ទឹកវិល ក្រង/ខេត្តសៀមរាប។
លោកវរសេនីយ៍ទោ នួន ស័ក្កចំរើនរិទ្ធ អធិការរងនគរបាលក្រុងសៀមរាប បានឲ្យដឹងថា ដោយទទួលបានការអនុញ្ញាតពីលោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលការព្រហ្មទណ្ឌ និងលោកនាយការិយាល័យព្រហ្មទណ្ឌកម្រិតស្រាល ទើបកម្លាំងនគរបាលមូលដ្ឋាននៃក្រុងសៀមរាប ឃាត់ខ្លួនស្ត្រីជាជនសង្ស័យម្នាក់ឈ្មោះ ញឹក ធី ភេទស្រី អាយុ៣៥ឆ្នាំ ជនជាតិខ្មែរ មុខរបរនៅផ្ទះ រស់នៅភូមិ ដូនស្វា ឃុំសំរោងយា ស្រុកពួក ខេត្តសៀមរាប។
លោកបន្តថា ដំណើររឿង នៅថ្ងៃទី២៥ ខែ វិច្ឆិកា ឆ្នាំ២០២០ វេលាម៉ោង ០៨និង៣០នាទី ត្រង់ចំណុចតូបលក់ដូរឈ្មោះសេកក្នុងផ្សារទឹកវិល ក្នុងភូមិប្រីយ៍ថ្មី សង្កាត់ទឹកវិល ក្រុង/ខេត្តសៀមរាប ខណៈពេលដែលជនរងគ្រោះឈ្មោះ ឡាន ប៉ាច ភេទ ស្រី អាយុ៣៧ឆ្នាំ ជនជាតិខ្មែរ មុខរបរលក់ដូរ រស់នៅភូមិជ្រៃ សង្កាត់ ទឹកវិល ក្រុង/ខេត្តសៀមរាប ដាក់ថង់ប្រាក់លើតុក្នុងតូបលក់ដូរខាងលើហើយរវល់តែតថ្លៃឥវ៉ាន់ជាមួយនឹងអ្នកលក់ ស្រាប់តែជនសង្ស័យឈ្មោះ ញឹក ធី ភេទស្រី បានធ្វើសកម្មភាពលួចយកថង់ប្រាក់ ដែលមានប្រាក់សរុបចំនួន ១៨៦៨៦០០៛(មួយលានប៉ែតសិបប្រាំមួយម៉ឺនប្រាំបីពាន់ប្រាំមួយរយរៀល)។ ប្រាក់ក្នុងថង់ទាំងអស់ខាងលើដែលជនរងគ្រោះដាក់នៅលើតុក្នុងតូបលក់អីវ៉ាន់ហើយរវល់តែតថ្លៃឥវ៉ាន់ ពេលនោះជនសង្ស័យក៏ចូលមកទិញឥវ៉ាន់ដែរហើយធ្វើសកម្មភាពលួយយកថង់ដាក់ប្រាក់ដែលនៅលើតុ រួចគេចខ្លួនបាត់។ បន្ទាប់មកជនរងគ្រោះបានតាមរកជនសង្ស័យក៏ជួបនិងឃាត់ខ្លួនជនសង្ស័យបាននៅចំនុចមណ្ឌលកែប្រែក្នុងភូមិជ្រៃ សង្កាត់ទឹកវិល ក្រុង/ខេត្តសៀមរាប បានប្រគល់ឲ្យសមត្ថកិច្ច យកមកប៉ុស្តិ៍រដ្ឋបាល ដើម្បីសួរនាំ។
ក្រោយពីការសួរនាំ ជនសង្ស័យឈ្មោះ ញឹក ធី ភេទស្រី បានឆ្លើយសារភាពថា រូបគេ ពិតជាបានធ្វើសកម្មភាពលួចទ្រព្យសម្បត្តិ(ថង់ប្រាក់)របស់ជនរងគ្រោះខាងលើពិតប្រាកដមែន ហើយសមត្ថកិច្ចបានធ្វើការដកហូត ទ្រព្យសម្បត្តិដែលជនសង្ស័យធ្វើសកម្មភាពលួចខាងលើបានមកវិញ និងធ្វើការប្រគល់ឲ្យជនរងគ្រោះយកទៅគ្រប់គ្រង និងប្រើប្រាស់ផ្ទាល់ខ្លួនរបស់គាត់វិញ។
បច្ចុប្បន្នកម្លាំងនគរបាលព្រហ្មទណ្ឌក្រុងសៀមរាប កំពុងកសាងសំណុំរឿងខាងលើនេះបញ្ជូនទៅតុលាការ ដើម្បីចាត់ការតាមផ្លូវច្បាប់៕
ដោយ ៖ កុសល
-
ព័ត៌មានជាតិ១ សប្តាហ៍ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៦ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៦ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា១ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៦ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
កីឡា៥ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានជាតិ៣ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ