ព័ត៌មានជាតិ
៧ខែឆ្នាំនេះ CMAC បានរំដោះ ផ្ទៃដីចម្ការមីន និងចម្ការគ្រាប់ ជាង៦០លាន ម៉ែត្រការ៉េ
គិតត្រឹម រយៈពេល៧ខែ ឆ្នាំ២០២១នេះ CMAC បានធ្វើការរំដោះផ្ទៃដី ចម្ការមីននិ ងចម្ការគ្រាប់ ជាង៦០ លានម៉ែត្រការ៉េ និងរុករកឃើញ និងកម្ទេចចោល គ្រាប់មីន និងយុទ្ធភណ្ឌ មិនទាន់ផ្ទុះគ្រប់ប្រភេទ ជាង៣ម៉ឺនគ្រាប់។
ថ្លែងក្នុងកិច្ចប្រជុំ ក្រុមការងារCMAC ស្តីពី វឌ្ឍនភាពប្រតិបត្តិការ និងការគ្រប់គ្រងប្រចាំឆមាសទី១ ឆ្នាំ២០ ២១ លោក ហេង រតនា ប្រតិភូរាជរដ្ឋាភិបាល ទទួលបន្ទុក ជាអគ្គនាយកCMAC បានឲ្យដឹងថា លទ្ធផល កិច្ចប្រតិបត្តិការ បោសសម្អាតមីន និងសំណល់ជាតិផ្ទុះ ពីសង្គ្រាមរបស់អង្គភាពCMAC បានប្រព្រឹត្តទៅ ដោយរលូន និងទទួលបានលទ្ធផល គួរជាទីមោទនៈ។
ក្នុងនោះ យើងបានធ្វើការ រំដោះផ្ទៃដីចម្ការមីន /និងចម្ការគ្រាប់ សរុបចំនួន៦៤.៥៦២.៥៣៩ ម៉ែត្រក្រឡា ស្មើនឹង៩៨,៦០% នៃផែនការ៧ខែ ក្នុងឆ្នាំ២០២១ និងរុករកឃើញ និងកម្ទេចចោលគ្រាប់មីន និងយុទ្ធភណ្ឌ មិនទាន់ផ្ទុះ គ្រប់ប្រភេទ សរុបចំនួន៣១.៦៦៥គ្រាប់។
លោកអគ្គនាយកCMAC បានបន្តថា ទន្ទឹមនឹងនេះ យើងក៏បានធ្វើការអប់រំ យល់ដឹងពីគ្រោះថ្នាក់ដោយសារគ្រាប់មីន និងសំណល់ជាតិផ្ទុះ ពីសង្គ្រាមដល់ក្រុមគោលដៅ បានចំនួន៨.៩៩៧លើក ស្មើនឹង៣០០.៤៣០ ខ្នងផ្ទះ និងមានប្រជាពលរដ្ឋ ចូលរួមសរុប ចំនួន៦០ម៉ឺននាក់។ ជាមួយគ្នានេះ ក្នុងន័យពង្រឹងភាពជាម្ចាស់ និងសមត្ថភាពរបស់អង្គភាពផងនោះ នៅដើមឆ្នាំ២០២១នេះ អង្គភាពបានខិតខំ កសាងហេដ្ឋារចនាសម្ព័ន្ធ រូបវន្ដផងដែរ។
បើតាម អគ្គនាយកCMAC ទោះបីជាស្ថិត ក្នុងស្ថានភាពដ៏លំបាក ដោយសារជំងឺកូវីដ-១៩ ក៏ដោយ ក៏ក្នុងរយៈពេល៧ខែ ឆ្នាំ២០២១នេះ អង្គភាពមានលទ្ធភាពបន្ដកៀគរជំនួយ និងអនុវត្តគម្រោងកម្មវិធីនានា សរុបចំនួន ៤៣គម្រោង។ ក្នុងនោះ គម្រោងកំពុងដំណើរការ មានចំនួន២៣គម្រោង គម្រោងកំពុងចរចា មានចំនួន១០គម្រោង គម្រោងដែលរំពឹងទុក មានចំនួន៤គម្រោង។
លោកអគ្គនាយកCMAC បានបញ្ជាក់ថា ជារួមស្ថានភាពហិរញ្ញវត្ថុ របស់អង្គភាពទាំងមូល ក្នុងរយៈពេល៧ខែ ដើមឆ្នាំ២០២១នេះ អាចដំណើការបាន និងមិនប៉ះពាល់ដល់ កម្លាំងប្រតិបត្តិការឡើយ ទោះបីគម្រោងមួយចំនួន មានការយឺតយ៉ាវខ្លះក៏ដោយ៕
អត្ថបទ៖ សំអឿន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%