ព័ត៌មានអន្ដរជាតិ
ខេត្តតាលីបង់ Helmand ហាមបុរសកោរពុកមាត់-ចង្ការ និងចាក់បទចម្រៀង
ជាងកាត់សក់នៅខេត្ត Helmand របស់ប្រទេសអាហ្វហ្គានីស្ថានត្រូវបានហាមឃាតកោរពុកមាត់-ចង្ការដល់បុរសៗដែលទៅកាត់សក់ និងហាមចាក់បទចម្រៀងស្តាប់នៅក្នុងហាងរបស់ពួកគេ។ នេះបើយោងតាមសេចក្តីប្រកាសមួយចេញដោយមន្ទីរគុណធម៌ និងបាបកម្មរបស់ខេត្តដែលគ្រប់គ្រងដោយតាលីបង់។
បទប្បញ្ញត្តិថ្មីនេះជាវិធានការរឹតបន្តឹងថ្មីមួយទៀតដែលត្រូវបានដាក់ទៅលើប្រជាជនអាហ្វហ្គានីស្ថានដោយផ្អែកលើការប្រតិបត្តិតាមច្បាប់ឥស្លាម Sharia ដ៏តឹងតែងរបស់តាលីបង់។
កាលពីថ្ងៃអាទិត្យម្សិលមិញ អាជ្ញាធរមូលដ្ឋានបាននិយាយក្នុងសេចក្តីប្រកាសថា ៖«សូមជម្រាប់ដល់លោកអ្នកជាបន្ទាន់ចាប់ពីថ្ងៃនេះទៅ ការកោរពុកមាត់-ចង្ការ និងចាក់តន្ត្រីនៅក្នុងហាងកាត់សក់ និងការងូតទឹកជាសាធារណៈត្រូវបានហាមឃាតយ៉ាងតឹងរឹង»។
សេចក្តីប្រកាសថា ៖«ប្រសិនបើហាងកាត់សក់ ឬការងូតទឹកជាសាធារណៈណាមួយត្រូវបានរកឃើញកោរសក់ឲ្យនរណាម្នាក់ ឬចាក់បទចម្រៀង ពួកគេនឹងត្រូវប្រឈមនឹងគោលការណ៍ច្បាប់ Sharia ហើយពួកគេនឹងមិនមានសិទ្ធិបកស្រាយឡើយ»។
នៅពេលតាលីបង់អះអាងថា ការគ្រប់គ្រងរបស់ពួកគេលើកនេះនឹងធូរស្រាលជាងពេលដែលពួកគេបានកាន់អំណាចកាលពីមុន ក៏មានសេចក្តីរាយការណ៍ជាច្រើនអំពីការបង្ក្រាប និងរឹតបន្តឹងដល់ប្រជាជន ចាប់តាំងពីពួកគេបានកាន់កាប់អំណាចកាលពីខែសីហា។
ការបង្ក្រាប ក៏ដូចជារឹតបន្តឹងទាំងនោះមានដូចជា ការឃុំខ្លួន និងធ្វើទុក្ខបុកម្នេញលើអ្នកសារព័ត៌មាន ការប្រើដំបងវាយទៅលើស្ត្រីដែលធ្វើការតវ៉ា និងព្យួរជាសាធារណៈនៃឧក្រិដ្ឋជនដែលត្រូវបានកាត់ទោស។
តាលីបង់ក៏មិនអនុញ្ញាតឲ្យក្មេងស្រី និងស្ត្រីភេទបន្តការសិក្សាទៅកម្រិតអនុវិទ្យាល័យឡើយ បើទោះជាមានការសន្យាថា សិស្សស្រីអាចអនុញ្ញាតឲ្យសិក្សាបាន។ ក្មេងប្រុសបានវិលត្រឡប់ទៅរៀនវិញហើយ។
តាលីបង់បានកាន់អំណាចលើកមុនចន្លោះឆ្នាំ១៩៩៦ និង២០០១ នៅពេលនោះពួកគេបានហាមស្ត្រី និងក្មេងស្រីទៅរៀន និងធ្វើការ ព្រមទាំងរឹតបន្តឹងលើសិទ្ធិសេរីភាពរបស់ពួកគេយ៉ាងខ្លាំង។ សព្វថ្ងៃនេះ ស្ត្រីត្រូវបានដកចេញទាំងស្រុងពីការងារក្នុងជួររដ្ឋាភិបាល ប៉ុន្តែទុកឲ្យធ្វើការងារទាំងឡាយណាដែលបុរសមិនធ្វើដូចជាលាងសម្អាតបន្ទប់ទឹក និងបង្គន់ជាដើម៕
ប្រែសម្រួល៖ វីរបុត្រ
ប្រភព៖ CNN
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៤ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត