កីឡា
មិនស្មានដល់ អ្នកពូកែកណ្តាប់ដៃ Martin Nguyen សន្លប់ធំក្រោមកណ្តាប់ដៃ Jae Woong
អ្នកគាំទ្រទូទាំងពិភពលោកបានភ្ញាក់ផ្អើលយ៉ាងខ្លាំងពេលឃើញជើងខ្លាំងឈរលំដាប់លេខ១ក្នុងទម្ងន់ Featherweight កីឡាករវៀតណាម-អូស្ត្រាលី Martin Nguyen បានសន្លប់ធំក្រោមកណ្តាប់ដៃរបស់កីឡាករកូរ៉េខាងត្បូង Kim Jae Woong។
មុនការប្រកួតកាលពីថ្ងៃសុក្រ ទី២៤ ខែកញ្ញាកន្លងទៅនេះ អ្នកគាំទ្របានដាក់ក្តីសង្ឃឹមលើជើងខ្លាំង Martin Nguyen ជាអតីតជើងឯកពិភពលោកពីរប្រភេទទម្ងន់ ពីព្រោះរូបគេធ្លាប់ធ្វើឲ្យសង្វៀនកក្រើកតាមរយៈកណ្តាប់ដៃពិឃាតរបស់គេ។ ជាមួយគ្នានេះតាមរយៈការបោះឆ្នោតលើ ONE Fantsy បង្ហាញថា អ្នកគាំទ្របានជ្រើសរើសយក Martin ដល់ទៅ៧៤% ខណៈ Kim Jae Woong ទទួលបានការគាំទ្រត្រឹមតែ២៦%ប៉ុណ្ណោះ។
សម្រាប់ការប្រកួតគូនេះ កីឡាករទាំងពីរសុទ្ធតែស្វែងរកឱកាសឆ្ពោះទៅរកការប្រកួតដណ្តើមខ្សែក្រវាត់ពិភពលោក ONE Featherweight នាពេលអនាគតដូចគ្នា។ ជាពិសេស Martin Nguyen បានដាក់ចិត្តស្វែងរកខ្សែក្រវាត់របស់ខ្លួនមកគ្រប់គ្រងវិញ។
ទោះជាយ៉ាងណា ការពិតនៅលើសង្វៀនបានប្រព្រឹត្តទៅត្រឹមពាក់កណ្តាលទឹកទី១ប៉ុណ្ណោះ បន្ទាប់ពីអ្នកលេងគុនចម្រុះកូរ៉េខាងត្បូង Kim Jae Woong បានប្រើកណ្តាប់ដៃស្តាំម៉ាត់ចំថ្គាមរបស់ Martin ឲ្យដួលដាច់ផ្ងាររួចថែមពីរដៃពីលើទៀតដែលបណ្តាលឲ្យអាជ្ញាកណ្តាលបញ្ឈប់ការប្រកួតត្រឹមនាទី៣និង១៥ក្នុងទឹកទី១តែម្តង។
នេះជាបរាជ័យដោយសន្លប់ពីរលើកជាប់គ្នា បន្ទាប់ពីការសន្លប់លើកទី១ដោយកណ្តាប់ដៃរបស់ជើងខ្លាំងអាមេរិក Thanh Le ក្នុងទឹកទី៣កាលពីខែតុលា ឆ្នាំ២០២០ ហើយរបូតខ្សែក្រវាត់ពិភពលោកតាំងពីពេលនោះមក។ ដូច្នេះមហិច្ឆតាស្វែងរកខ្សែក្រវាត់របស់ Martin កាន់តែស្តួចស្តើងថែមទៀត។
ផ្ទុយទៅវិញ អ្នកលេងគុនចម្រុះកូរ៉េខាងត្បូង Kim Jae Woong ដែលរំភើបរីករាយខ្លាំងបំផុតសម្រាប់ជ័យជម្នះលើ Martin ទទួលបានឱកាសប្រកួតដណ្តើមខ្សែក្រវាត់ភ្លាមតែម្តង បន្ទាប់ពីទទួលបានជ័យជម្នះដ៏អស្ចារ្យនេះ។
អគ្គនាយក និងស្ថាបនិក ONE លោក Chatri Sityodtong បានសម្រេចផ្តល់ឲ្យ Kim Jae Woong ដែលមានប្រវត្តិប្រកួតឈ្នះ១០ដង និងចាញ់៣ដងប្រកួតដណ្តើមខ្សែក្រវាត់ពិភពលោកជាមួយនឹងនរណាម្នាក់រវាម្ចាស់ខ្សែក្រវាត់ Thanh Le និង Garry Tanon។
សូមបញ្ជាក់ថា Thanh Le ត្រូវឡើងប្រកួតការពារខ្សែក្រវាត់ពិភពលោក ONE Featherweight របស់ខ្លួនជាលើកដំបូងទល់នឹងជើងខ្លាំង Garry Tanon នៅថ្ងៃទី៥ ខែធ្នូ ក្នុងខួប១០ឆ្នាំរបស់ ONE បន្ទាប់ពីកីឡាករអាមេរិករូបនេះដណ្តើមខ្សែក្រវាត់បានពី Martin។ អ្នកឈ្នះរវាងគូនេះត្រូវស្ពាយខ្សែក្រវាត់ឡើងការពារទល់នឹង Kim Jae Woong៕
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ