ព័ត៌មានជាតិ

នគរបាលខណ្ឌដូនពេញឃាត់ម៉ូតូបំពាក់ស៊ីម៉ាំងខុសបច្ចេកទេស១១គ្រឿងយកមករក្សាទុក

បានផុស

៥ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

ម៉ូតូបំពាក់បំពង់ស៊ីម៉ាំងបំពងសម្លេងខុសបច្ចេកទេសចំនួន១១គ្រឿងត្រូវបានកម្លាំងនៃអធិការដ្ឋាននគរបាល ខណ្ឌដូនពេញចាប់ឃាត់ទាំងមនុស្ស និងម៉ូតូមកធ្វើកិច្ចសន្យារក្សាទុកបណ្តោះអាសន្នសិន។

ប្រតិបត្តិការចាប់ម៉ូតូបំពង់ស៊ីមាំងបំពងសម្លេងនាំរំខានគេឯងនោះធ្វើឡើងនៅវេលាម៉ោង១៩យប់ថ្ងៃទី២៩ខែកញ្ញា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអនុវត្តតាមគោលការណ៍របស់នគរបាលខណ្ឌដូនពេញបានឲ្យដឹងថា ដោយអនុវត្តតាមការដឹកនាំរបស់ លោក ឃួង ស្រេង អភិបាលនៃគណៈអភិបាលរាជធានីភ្នំពេញ និងលោកឧត្ដមសេនីយ៍ឯក ស ថេត អគ្គ ស្នងការរង និងជាស្នងការនគរបាលរាជធានីភ្នំពេញ និងលោក សុខ ពេញវុធ អភិបាលខណ្ឌដូនពេញ និងលោក ទៀង ច័ន្ទសារ អធិការខណ្ឌដូនពេញ បានបញ្ជាឲ្យកម្លាំងខណ្ឌ-ប៉ុស្តិ៍ សហការជាមួយកម្លាំងការិយាល័យអន្តរាគមន៍ពិសេស នៃស្នងការដ្ឋាននគរបាលរាជធានីភ្នំពេញ បានធ្វើការឃាត់ម៉ូតូបំពងសម្លេងស៊ីម៉ាំងប្រែនបានចំនួន១១គ្រឿង(ក្នុងនោះម៉ូតូធំចំនួន០៨គ្រឿង និងម៉ូតូតូចចំនួន០៣គ្រឿង) នៅចំណុចភូមិទី១ ក្នុងតំបន់បឹងកក់ ក្បែរកន្លែងវាយកូនហ្គោល សង្កាត់ស្រះចក ខណ្ឌដូនពេញ រាជធានីភ្នំពេញដោយឃាត់ទាំងអ្នកបើកបរមកធ្វើកំណត់ហេតុជាឯកសារដើម្បីរក្សាទុកម៉ូតូទាំងនោះបណ្តោះអាសន្នរង់ចាំបញ្ជាដោយស្រាយបន្តទៀត។

ចំពោះមុខកម្លាំងអធិការដ្ឋាន-ប៉ុស្តិ៍ បន្តសហការជាមួយកម្លាំងការិយាល័យអន្តរាគមន៍ដើម្បីបន្តអនុវត្តក្នុងការបង្ក្រាបម៉ូតូដែលបំពាក់បំពង់ស៊ីមាំងខុសបច្ចេកទេសបន្តទៀត៕

អត្ថបទ៖ រស្មី