កីឡា

Ham ដកខ្លួនពីវគ្គ១/២ខ្សែក្រវាត់ GP ជំនួសដោយនារីប្រេស៊ីលប៉ះនារីថៃ Stamp

បានផុស

៥ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

អ្នកលេងគុនចម្រុះកូរ៉េខាងត្បូងកីឡាការិនី Ham Seo Hee បានដកខ្លួនចេញពីការប្រកួតវគ្គពាក់កណ្តាលផ្តាច់ព្រ័ត្រខ្សែក្រវាត់ពិភពលោក ONE Women’s Atomweight World Grand Prix ដោយសាររបួស។

តាមគម្រោង Ham Seo Hee ត្រូវប្រកួតជាមួយកីឡាការិនីថៃ ដែលជាអតីតរាជនីសង្វៀនពីរប្រភេទទម្ងន់ Stamp9 Fairtex នៅព្រឹត្តិការណ៍ ONE: NEXTGEN នាថ្ងៃទី២៩ ខែតុលា បន្ទាប់ពីកីឡាការិនីទាំងពីរទទួលបានជ័យជម្នះវគ្គ១/៤ ឬ៨នាក់ដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា កីឡាការិនៅក្រុង Busan កូរ៉េខាងត្បូងមិនអាចឡើងប្រកួតបានទេសម្រាប់វគ្គពាក់កណ្តាលផ្តាច់ព្រ័ត្រដោយសារតែមានបញ្ហារបួស ហើយបង្ខំចិត្តដកខ្លួនចេញទាំងសោកស្តាយបំផុត ពីព្រោះខ្សែក្រវាត់ ONE Women’s Atomweight World Grand Prix នេះគឺជាក្តីស្រមៃរបស់កីឡាការិនីម្នាក់។

ដើម្បីព្រឹត្តិការណ៍ប្រកួតដំណើរការ កីឡាការិនីប្រេស៊ីល Julie Mezabarba ត្រូវបានដាក់ជំនួស Ham បន្ទាប់ពីកីឡាការិនីប្រេស៊ីលនេះ បានប្រកួតឈ្នះអតីតអ្នកប្រជែងខ្សែក្រវាត់ពិភពលោកពីរលើករបស់ជប៉ុន Mei Yamaguchi ដែលអ្នកទាំងពីរប្រកួតបម្រុងសម្រាបខ្សែក្រវាត់ ONE Women’s Atomweight World Grand Prix នៅព្រឹត្តិការណ៍ ONE: EMPOWER កាលពីថ្ងៃទី៣ ខែកញ្ញាកន្លងទៅនេះ។

កីឡាការិនីប្រេស៊ីលនៅទីក្រុង Rio de Janeiro ត្រូវបានគេមើលឃើញថា ពូកែជំនាញក្រោម និងបង្ហាញយ៉ាងច្បាស់នៅពេលយកឈ្នះកីឡាការិនីជប៉ុន។ មិនត្រឹមតែប៉ុណ្ណោះនាងក៏ល្អជំនាញឈរដូចជាកណ្តាប់ដៃ កែង និងជង្គង់ថែមទៀត។

ប្រវត្តិប្រកួតឈ្នះ៦លើកជាប់គ្នា Mezabarba នឹងក្លាយជាបេក្ខនារីដ៏គ្រោះថ្នាក់ម្នាក់ក្នុងព្រឹត្តិការណ៍ខ្សែក្រវាត់នារីនេះ ហើយក៏នឹងក្លាយជាដៃគូដ៏តឹងតែងសម្រាប់កីឡាការិនីថៃ Stamp។

ចំណែកមួយគូទៀតនៅវគ្គពាក់កណ្តាលផ្តាច់រវាងកីឡាការិនីជប៉ុន Itsuki Harata និងខ្លាញីឥណ្ឌា Ritu Phogat នៅដដែល។

សូមតាមដានទាំងអស់គ្នា ថាតើនរណាឡើងវគ្គផ្តាច់ព្រ័ត្រនាថ្ងៃទី២៩ ខែកញ្ញាខាងមុខនេះ?