KPT+
តិចនិកជួយរក្សាក្លិនខ្លួន ឲ្យក្រអូបប្រហើរបានពេញមួយថ្ងៃ
ក្លិនខ្លួនក្រអូប ជាផ្នែកសំខាន់មួយជួយយើងលើកទំនុកចិត្តលើខ្លួនឯងកាន់តែខ្ពស់ ។ ស្រីៗគ្នាយើងត្រូវដឹងថា ការដែលមានក្លិនខ្លួនក្រអូប ដើរដល់ណាប្រហើរក្លិនឈ្ងុយដល់ហ្នឹង សំខាន់ដូចការតុបតែងសម្រស់ខាងក្រៅឲ្យស្អាតអ៊ីចឹងដែរ។ ហេតុនេះហើយ តិចនិកប៉ុន្មានខាងក្រោមនេះ ជួយឲ្យរាងកាយយើងជាប់ក្លិនក្រអូបបានយូរ ប្រហើរក្លិនជាប់ច្រមុះមនុស្សនៅក្បែរខ្លួន។
១. ផ្ដល់សំណើមស្បែកភ្លាមក្រោយងូតទឹក
បន្ទាប់ពីងូតទឹករួច ជូតសម្អាតស្បែកឲ្យនៅសល់សំណើមតិចៗ រួចលាបឡេ ឬគ្រីមផ្ដល់សំណើមមានក្លិនដែលយើងចូលចិត្តសព្វរាងកាយ។ ប្រសិនបើយើងឲ្យក្លិនក្រអូបជាប់ខ្លួនពេញមួយថ្ងៃ យកល្អយើងគួរប្រើសាប៊ូ ឡេ ឬទឹកអប់ក្លិនតែមួយដូចគ្នា (ឧ. ប្រើសាប៊ូក្លិនផ្អែមបែបស្ករគ្រាប់ ឡេ ឬទឹកអប់ក៏ត្រូវមានក្លិនដូចគ្នា) ព្រោះវានឹងជួយឲ្យខ្លួនយើងជាប់ក្លិនប្រហើរកាន់តែខ្លាំង និងបានយូរ។
២. មានរបបអាហារត្រឹមត្រូវ
អាហារមួយចំនួនដូចជា ប្រភេទខ្ទឹម (ខ្ទឹមស ខ្ទឹមបារាំង។ល។) អាចបណ្ដាលឲ្យមានក្លិនមាត់ ឬរាងកាយធុំក្លិនពេលបែកញើស។ ដូចនេះហើយ យើងគួរចេះលៃលកអាហារឲ្យបានត្រឹមត្រូវ បន្ថែមបន្លែ ផ្លែឈើ សាច់ ឬកាត់បន្ថយអាហារដែលផ្ដល់ក្លិនអាក្រក់ដល់រាងកាយ។ លើសពីនេះ យើងក៏ត្រូវញ៉ាំទឹកឲ្យបានគ្រប់គ្រាន់ជាប្រចាំផងដែរ។
៣. ធ្វើឲ្យទឹកអប់ជាប់បានយូរ
ចំណុចសំខាន់ជួយឲ្យខ្លួនយើងក្រអូបបានយូរនោះគឺ ការចេះតិចនិកធ្វើម៉េចឲ្យទឹកអប់យើងជាប់លើខ្លួនបានយូរ មិនមែនគ្រាន់តែបាញ់លើខ្លួនរួចហើយនោះទេ។ មុនបាញ់ទឹកអប់ យើងអាចលាបជែល ឬគ្រីមថ្លាស្អិតៗ (ដូចជាក្រែមរលោងព្យាបាលបបូរជាដើម) លើកដៃខាងក្នុង ផ្នត់ដៃ និងពីក្រោយត្រជាក់ ដើម្បីឲ្យក្លិនទឹកអប់ជាប់បានយូរ។
៤. ដាក់ទឹកអប់ដបតូចតាមខ្លួន
ពេលយើងចេញក្រៅច្រើនម៉ោង ក្លិនទឹកអប់ច្បាស់ជាសាយភាយអស់ក្លិនក្រអូបពីខ្លួនខ្លះហើយ ហេតុនេះយើងត្រូវមានទឹកអប់ក្លិនដែលយើងស្រលាញ់ដបតូចដាក់តាមខ្លួន ស្រួលបាញ់បន្ថែមពេលយើងនៅក្រៅយូរ និងនៅកន្លែងមនុស្សច្រើន៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ប្រភេទក្លិនទឹកអប់ដែលបុរសគួរប្រើ ដើម្បីទាក់ទាញការចាប់អារម្មណ៍ពីមនុស្សស្រី
ចុចអាន៖ ក្លិនមាត់មិនល្អ! សាកល្បងប្រើវិធីនេះ ធានាលែងមានបញ្ហាដែលនាំឲ្យបាត់បង់ទំនុកចិត្ត
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ