អាហារ ៨ ប្រភេទ បង្កក្លិនខ្លួនមិនល្អបំផ្លាញភាពជឿជាក់

ក្លិនខ្លួនក្រអូបជាចំណុចសំខាន់ចំពោះភាពជឿជាក់របស់មនុស្សម្នាក់ៗ ចំណែកក្លិនខ្លួនមិនល្អអាចបណ្ដាលមកពីកង្វះអនាម័យនិងសុខភាពខាងក្នុងផ្ទាល់តែម្ដង ។ ដើម្បីការពារក្លិនអាក្រក់ចេញពីក្នុងរាងកាយអ្នកគប្បីជៀសវាងអាហារ ៨ ប្រភេទដូចជា ៖

១. ប្រូខូលី, ស្ពៃក្ដោប, ផ្កា ខាត់ណា

យោងតាមគ្រូពេទ្យសើស្បែក Lily Talakoub បានឲ្យដឹងថា ចំណីអាហារដែលផ្ទុកស្ពាន់ធ័រអាចបង្កក្លិនខ្លួនពីក្នុងរាងកាយមនុស្សមួយចំនួនទោះបីជាម្ហូបឆ្អិនក៏ដោយ ព្រោះដំណើរការរំលាយអាហារប្រភេទនេះមានបញ្ចេញក្លិនដូចស៊ុតរលួយនៅក្នុងពោះ ដែលជាហេតុផលនៃក្លិនមិនល្អពីខាងក្នុងរបស់អ្នក ដូច្នេះអ្នកគួរប្ដូរមកបរិភោគបន្លែផ្លែឈើផ្សេងវិញរួមមាន ដំឡូង ក្រូច និងផ្លែប៉េស ។

២. ខ្ទឹមស និងខ្ទឹមបារាំង

អាហារដែលធ្វើឲ្យធុំក្លិនមាត់ក៏អាចបង្កក្លិនខ្លួនដូចគ្នា ណាមួយខ្ទឹមល្បីយូរមកហើយរឿងក្លិនខ្លាំងរបស់វាសូម្បីកាហ្វេនិងត្រីកំប៉ុងក៏អាចបង្កក្លិនមាត់មិនចាញ់គ្នាប៉ុន្មានដែរ ។ រីឯវិធីទប់ទល់តម្រូវឲ្យអ្នកផឹកទឹកច្រើន និងដុសធ្មេញឲ្យបានទៀងទាត់ជាការស្រេច ។

៣. ត្រី

ជំងឺមេតាបូលីសហៅថា trimethylaminuria (TMAU) អាចធ្វើឱ្យអ្នកមានក្លិនដូចត្រីរលួយព្រោះអ្នកជំងឺមិនអាចបំបែកទ្រីមេទីលមីនដែលជាសមាសធាតុក្លិនឆ្អាបដូចត្រីបានទេ ជាទូទៅសមាសធាតុនេះត្រូវបញ្ចេញតាមទឹកនោម ដង្ហើម ញើស និងទឹកកាម ។ លើសពីក្លិនដ៏អាក្រក់ជំងឺTMAU មិនមានវិធីព្យាបាលទេ មានតែវិធីកាត់បន្ថយក្លិនប៉ុណ្ណោះ ។

៤. សាច់គោ

អ្នកស្រាវជ្រាវផ្ដល់ទ្រឹស្ដីថាខ្លាញ់នៅក្នុងសាច់ក្រហមអាចពាក់ព័ន្ធជាមួយនឹងសារធាតុគីមីដែលក្លៀករបស់អ្នកផលិតនៅក្នុងក្រពេញញើស ខណៈបាក់តេរីនៅលើស្បែករបស់អ្នកចូលចិត្តអាស៊ីដខ្លាញ់ទាំងនោះទើបពួកវាបង្កើតក្លិនមិនល្អជាពិសេសដូច្នោះ ។

៥. គ្រឿងស្រវឹង

សុរាធ្វើឲ្យមាត់ស្ងួតមិនសូវផលិតទឹកមាត់ដែលមាននាទីជម្រុះកោសិកាងាប់ៗនៅក្នុងមាត់ចេញដើម្បីការពារក្លិនអាក្រក់ ណាមួយជាតិអាល់កុលក្នុងថ្លើមធ្វើប្រតិកម្មជាមួយនឹងសារធាតុគីមីផ្សេងទៀតដើម្បីបង្កើតផលរំខានដូចជាអាសេតាល់ដេអ៊ីតដែលជាវត្ថុរាវមានក្លិនអាក្រក់ខ្លាំង សរុបមកសុរាសុទ្ធតែបង្កផលប៉ះពាល់សឹងគ្រប់កន្លែងទៅហើយ ។

ក្នុងករណីក្លិនខ្លួនពិបាកទប់ទល់ខ្លាំងអ្នកអាចជ្រើសរើសគ្លីនិកគួរឲ្យទុកចិត្តសម្រាប់បម្រើសេវាកម្មព្យាបាលក្លិនក្លៀក ៕

ប្រែសម្រួល ៖​ វារី

ចុចអាន ៖ អត្ថប្រយោជន៍ ៥ យ៉ាងពីកាហ្វេខ្មៅ ល្អចំពោះសុខភាពយ៉ាងខ្លាំង