ព័ត៌មានជាតិ
ក្រោយភ្ជុំរួច តេស្តឃើញគ្រូនិងសិស្សជាច្រើននាក់ឆ្លងកូវីដនៅខេត្តព្រះសីហនុ
ប្រធានមន្ទីរអប់រំយុវជននិងកីឡាខេត្តព្រះសីហនុបានឱ្យដឹងនៅរសៀលថ្ងៃទី១១តុលានេះថា នៅថ្ងៃចូលរៀនដំបូងនេះក្រុមការងារបានរកឃើញសិស្សនិងគ្រូចំនួន២៦នាក់បានឆ្លងជំងឺកូវីដ១៩ ក្រោយពីឈប់សម្រាករយៈពេល៣ថ្ងៃនៃពិធីបុណ្យភ្ជុំបិណ្ឌ។
លោក ស្រី អ៊ុច សោភា ប្រធានមន្ទីរអប់រំយុវជននិងកីឡាខេត្តព្រះសីហនុបានឲ្យដឹងថា មន្ទីរអប់រំបានធ្វើតេស្តរកកូវីដ១៩ ដល់លោកគ្រូអ្នកគ្រូនិងសិស្សចំនួន៣៦៧១នាក់ស្រី១៤៩២នាក់ នៅតាមសាលាចំនួន២៥សាលាកម្រិតថ្នាក់ទី៩ និងថ្នាក់ទី១២ រយៈពេល៣ថ្ងៃ ចាប់ពីថ្ងៃទី១១ដល់ថ្ងៃទី១៣តុលា មុនអនុញ្ញាតឱ្យចូលបង្រៀននិងរៀនវិញ។
ជាលទ្ធផលការធ្វើតេស្តនៅព្រឹកមិញនេះ រកឃើញគ្រូចំនួន៤នាក់និងសិស្ស២២នាក់នៅតាមសាលាចំនួន៥ បានឆ្លងជំងឺកូវីដ១៩ ហើយបានបញ្ជួនទៅព្យាបាលរួចរាល់ហើយ។
បើតាមមន្រ្តីអប់រំរូបនេះ មន្ទីរអនុវត្តការធ្វើតេស្ត៣ថ្ងៃហ្នឹង គឺធ្វើតេស្តបណ្តើរឱ្យគ្រូនិងសិស្សចូលបង្រៀននិងរៀនបណ្តើរ បើរកឃើញគ្រូឬសិស្សណាម្នាក់មានឆ្លង នឹងបញ្ជួនទៅព្យាបាលភ្លាមៗតែម្តង។ ចំណែកគ្រូនិងសិស្សណាមិនមានឆ្លងអនុញ្ញាតឱ្យបង្រៀននិងរៀនជាធម្មតា។
លោកស្រីបានបន្ថែមថា ក្រុមការងារសាលានីមួយៗនឹងបន្តធ្វើតេស្តដល់លោកគ្រូអ្នកគ្រូនិងសិស្សរហូតដល់៣ថ្ងៃហើយលទ្ធផលនឹងដឹងជាបន្តបន្ទាប់ទៀត។
គួរបញ្ជាក់ថាខេត្តព្រះសីហនុ បានបើកដំណើរការសាកល្បងសិស្សថ្នាក់ទី៩និងថ្នាក់ទី១២ចំនួន៥សាលា នៅថ្ងៃទី១៣ខែកញ្ញាឆ្នា២០២១។ បន្ទាប់មកទៀតរដ្ឋបាលខេត្ត បានបន្តបើកថ្នាក់ទី៩និងថ្នាក់ទី១២ចំនួន២០សាលាបន្ថែមទៀត ដែលមានសិស្សចំនួន ២១២៥នាក់ស្រី១១៥០នាក់ ស្មើនឹង១០៥ថ្នាក់ ខណៈបច្ចុប្បន្នខេត្តព្រះសីហនុមានសាលាចំនួន ១០០កន្លែងក្នុងនោះមានកម្រិតមធ្យមសិក្សាចំនួន២៧កន្លែង កម្រិតមឋមសិក្សាចំនួន៧២កន្លែង និងកម្រិតមតេយ្យសិក្សាចំនួន១កន្លែង៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង