ព័ត៌មានជាតិ

រដ្ឋបាលរាជធានីគ្រោងសាងសង់ប្រឡាយបឹងសាឡាងជាបេតុងទទឹង២២ម៉ែត្រ ជម្រៅ៤ម៉ែត្រ

បានផុស

៥ years មុន

នៅ

ថ្ងៃពុធ ១៣ តុលា ២០២១

ដោយ

អនុវត្តតាមការណែនាំរបស់លោក ឃួង ស្រេង អភិបាលរាជធានីភ្នំពេញ នៅថ្ងៃទី១៣ ខែកញ្ញា ឆ្នាំ២០២១ រដ្ឋបាលខណ្ឌទួលគោក ដឹកនាំផ្ទាល់ដោយលោក ជា ពិសី ជាអភិបាលខណ្ឌទួលគោក និងក្រុមការងារជំនាញសហការជាមួយរដ្ឋបាលរាជធានីភ្នំពេញ មន្ទីរសាធារណការនិងដឹកជញ្ជូនរាជធានីភ្នំពេញ និងក្រុមហ៊ុនចាងវ៉ាង អ៊ីនវេសមិន រៀលអេស្ទេត ចុះកំណត់បោះបង្គោលទីតាំងព្រំមាត់ប្រឡាយគម្រោងកែលម្អប្រឡាយបឹងសាឡាងដើម្បីបើកការដ្ឋានអនុវត្តគម្រោងតាមកិច្ចសន្យារវាងក្រុមហ៊ុនចាងវ៉ាងអ៊ីនវេសមិន រៀលអេស្ទេត ជាមួយរដ្ឋបាលរាជធានីភ្នំពេញ ។ ប្រឡាយបឹងសាឡាងនេះ មានទីតាំងនៅសង្កាត់បឹងសាឡាង ខណ្ឌទួលគោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរដ្ឋបាលខណ្ឌទួលគោក បានអោយដឹងថា តាមការចុះពិនិត្យជាក់ស្តែងប្រឡាយប្រវែង៧១០ម៉ែត្រពីផ្លូវ៣៣៦ដល់ស្ពានស្ទឹងមានជ័យ ដែលក្រុមហ៊ុនខាងលើត្រូវអនុវត្តគម្រោង។ ដោយបច្ចុប្បន្នស្ថានភាពប្រឡាយមានទំហំចន្លោះពី ១១,៥០ម៉ែត្រ ទៅ ១៤,៥០ម៉ែត្រ និងមានរាងបត់បែនច្រើន តាមរបាយការណ៍បច្ចេកទេសរបស់មន្ទីរសាធារណការនិងដឹកជញ្ជូនរាជធានីភ្នំពេញ បានសិក្សាអោយក្រុមហ៊ុនធ្វើការសាងសង់ប្រឡាយបេតុងទទឹងសរុបទំហំ ២២ម៉ែត្រ ជម្រៅ៤ម៉ែត្រដើម្បីបើកលម្ហផ្លូវទឹកឱ្យធំងាយស្រួលក្នុងការរំដោះទឹកលូ និងជាពិសេសជំនន់ទឹកភ្លៀងនារដូវវស្សាផ្នែកខាងលើឱ្យហូរឱ្យបានលឿន ៕

អត្ថបទ៖ ស្រីរ័ត្ន