ព័ត៌មានជាតិ

រដ្ឋបាលរាជធានី បាញ់លាងសម្អាតរបាំងថ្មពុះចែកទ្រូងផ្លូវ កើបកំណកដីនៅផ្លូវជាតិលេខ៤ និងមហាវិថី សហព័ន្ធរុស្ស៊ី

បានផុស

៥ years មុន

នៅ

ថ្ងៃពុធ ១៣ តុលា ២០២១

ដោយ

អនុវត្តតាមការណែនាំរបស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ នៅព្រឹកថ្ងៃទី១៣ ខែតុលានេះ មន្ទីរសាធារណការនិងដឹកជញ្ជូនរាជធានីភ្នំពេញ បានធ្វើសកម្មភាពបាញ់លាងសម្អាតរបាំថ្មពុះចែកទ្រូងផ្លូវ កើបកំណកដីនៅលើទ្រូងផ្លូវនៃផ្លូវជាតិលេខ៤ និងមហាវិថី សហព័ន្ធរុស្ស៊ី ដើម្បីលើកសោភ័ណភាពរាជធានីភ្នំពេញ ឲ្យកាន់តែស្រស់ស្អាត បើទោះបីជាប់ដៃក្នុងការទប់ស្កាត់ការរីករាលដាលជំងឺកូវីដ-១៩ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃួង ស្រេង ក្នុងកិច្ចប្រជុំតាមរយៈការបញ្ជូនរូបភាព និងសម្លេង( Video Conference ) កាលពីថ្ងៃទី១១ ខែតុលា នាដើមសប្តាហ៍នេះ គឺលោកបានធ្វើការណែនាំអោយអាជ្ញាធរខណ្ឌទាំង១៤ ក៏ដូចជាមន្ទីរពាក់ព័ន្ធទាំងអស់ ក្រៅពីការងារទប់ស្កាត់ជំងឺកូវីដ-១៩ហើយកិច្ចការផ្សេងទៀត គឺមិនត្រូវទុកចោលនោះទេ ដូចជាការងារ ផ្ដល់សេវាសាធារណៈជូនប្រជាពលរដ្ឋ ការងារកសាងនូវហេដ្ឋារចនាសម្ព័ន្ធនានា នៅក្នុងមូលដ្ឋានជាដើម ។

បន្ថែមពីនេះទៀតលោក ឃួង ស្រេង បានជំរុញឲ្យមន្ទីរសាធារណការនិងដឹកជញ្ជូនរាជធានីភ្នំពេញសហការជាមួយអាជ្ញាធរខណ្ឌទាំង១៤ ពិសេសការិយាល័យសាធារណៈការខណ្ឌ ត្រូវចុះមើលរបាំងថ្មពុះចែក ទ្រូងផ្លូវនៅតាមមហាវិថីធំៗមួយចំនួននៅក្នុងមូលដ្ឋានរបស់ខ្លួន បើពិនិត្យឃើញថា មានប្រលាក់ភក់ ត្រូវទំនាក់ទំនងមកមន្ទីរសាធារណការនិងដឹកជញ្ជូនរាជធានីភ្នំពេញ ចុះលាងសំអាតនិងលាបថ្នាំឡើងវិញភ្លាម ដោយមិនទុកចោល ធ្វើអោយបាត់បង់សោភណ្ឌភាពរាជធានីភ្នំពេញនោះទេ ។

ជាក់ស្តែង នៅព្រឹកថ្ងៃទី១៣ តុលានេះ មន្ទីរសាធារណការនិងដឹកជញ្ជូនរាជធានីភ្នំពេញបាននិងកំពុងធ្វើសកម្មភាពបាញ់លាងសម្អាតរបាំថ្មពុះចែកទ្រូងផ្លូវ កើបដីកំណកនៅលើទ្រូងផ្លូវនៃផ្លូវជាតិលេខ ៤ និងមហាវិថី សហព័ន្ធរុស្ស៊ី ដើម្បីលើកសោភ័ណភាពរាជធានីភ្នំពេញឲ្យកាន់តែស្រស់ស្អាត ទៅតាមការណែនាំរបស់លោកឃួង ស្រេង ជាអភិបាល៕

អត្ថបទ៖ ស្រីរ័ត្ន