វីរុសបំប្លែងខ្លួន Delta ទម្រង់ថ្មីឆ្លងលឿនមែន តែអ្នកវិទ្យាសាស្ត្រថា កុំបារម្ភ បើធ្វើរឿងនេះ

បច្ចុប្បន្នពិភពលោកកំពុងប្រឈមមុខវីរុសកូវីដបំប្លែងខ្លួនប្រភេទថ្មីមួយទៀត ដែលគេស្គាល់ថា AY.4.2 ឬ “Delta Plus” ហើយយើងបានដឹងអ្វីខ្លះអំពីវីរុសដែលឆ្លងលឿន និងរហ័សមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុសកូវីដបំប្លែងខ្លួនប្រភេទ AY.4.2 គឺជាការវិវត្តិមកពីវីរុសបំប្លែងខ្លួនឥណ្ឌា Delta ។ បច្ចុប្បន្នវាកំពុងរីករាលដាលទាំងនៅសហរដ្ឋអាមេរិក រុស្ស៊ី និងចក្រភពអង់គ្លេស ។

ទន្ទឹមនោះ ទិន្នន័យដំបូងពីចក្រភពអង់គ្លេសបង្ហាញថា វីរុសបំប្លែងខ្លួនប្រភេទ AY.4.2 អាចឆ្លងលឿនជាងវីរុសបំប្លែងខ្លួន Delta ដល់ទៅ ១០ ដងឯណោះ ប៉ុន្តែការស្រាវជ្រាវបន្ថែមទៀតគឺត្រូវការដើម្បីបញ្ជាក់បន្ថែម ។

ប៉ុន្តែអ្នកវិទ្យាសាស្ត្របានឲ្យដឹងថា ការវិវត្តនេះហាក់ដូចជាមានភាពជិតស្និទ្ធនឹងវីរុសកូវីដ ១៩ ទម្រង់ដើម ហើយវ៉ាក់សាំងបច្ចុប្បន្នមានប្រសិទ្ធភាពអាចការពារបាន ។

អ្នកវិទ្យាសាស្ត្រនិយាយថា វីរុសដែលមានសមត្ថភាពឆ្លងលឿន និងរហ័សនេះមិនប្រាកដថា វាមានគ្រោះថ្នាក់ខ្លាំងនោះទេ ហើយថា ការចាក់វ៉ាក់សាំងនៅតែជាខែលការពារដ៏ល្អបំផុតប្រឆាំងនឹងការវិវត្តិគ្រប់វីរុសកូវីដបំប្លែងខ្លួនទាំងអស់ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ រុស្ស៊ី រកឃើញវីរុសបំប្លែងខ្លួន Delta ទម្រង់ថ្មី ឆ្លងខ្លាំងជាងប្រភេទដើមដល់ទៅ ១០ ដង