កីឡា

Stamp ថាមានផែនការដើម្បីយកឈ្នះ Phogat នាវគ្គផ្ដាច់ព្រ័ត្រ

បានផុស

៣ years មុន

នៅ

ថ្ងៃសុក្រ ៥ វិច្ឆិកា ២០២១

ដោយ

Stamp Fairtex មានក្ដីសុបិនចង់ក្លាយជាកីឡាការិនីគ្រងខ្សែក្រវាត់ ៣ ប្រភេទកីឡានៅសង្វៀន ONE Championship បន្ទាប់ពីរូបគេឈ្នះជើងឯក ONE Women’s Atomweight World Grand Prix នៅវគ្គផ្ដាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលវគ្គពាក់កណ្ដាលផ្ដាច់ព្រ័ត្រ កីឡាការិនីថៃ បានយកឈ្នះកីឡាការិនីប្រេស៊ីល Julie Mezabarba នៅព្រឹត្តិការណ៍ ONE: NEXTGEN កាលថ្ងៃសុក្រសប្ដាហ៍មុនដើម្បីឡើងជួបខ្លាញីឥណ្ឌា Ritu “The Indian Tigress” Phogat នៅវគ្គផ្ដាច់ព្រ័ត្រ។

មុនការប្រកួតវគ្គផ្ដាច់ព្រ័ត្រ អតីតម្ចាស់ខ្សែក្រវាត់មួយថៃ និងឃីកបុកសីង បានបង្ហាញថាគេមានជំនាញប្រកួតឈរកម្រិតកំពូល និងក្បាច់ដេកទៀតផងកម្រិតខ្ពស់ ក្នុងការប្រកួតគុនចម្រុះ។

Stamp បានថ្លែងថា ៖«ការប្រកួត MMA មិនមែនមួយថៃ។ ប៉ុន្តែជំនាញរបស់ខ្ញុំ គឺ មួយថៃ ហើយ Julie ជំនាញឃីកបុកសីង។ គេបានព្យាយាមប្រើឃីកបុកសីងជាមួយខ្ញុំ។ ដូច្នេះទើបខ្ញុំប្រើមួយថៃ ជាមួយគេ។ ខ្ញុំដឹងថា ខ្ញុំប្រសើរជាងរូបគេ ហើយគេនឹងចាញ់ខ្ញុំ។ មួយទៀត ខ្ញុំការពារការចូលចាប់របស់ Julie បានល្អផង»។

កីឡាការិនីថៃនៅតែចិញ្ចឹមចិត្តឡើងទៅដណ្ដើមខ្សែក្រវាត់ ONE Women’s Atomweight World Title ពីកីឡាការិនីអាមេរិក-សិង្ហបុរី “Unstoppable” Angela Lee នាពេលខាងមុខ។ ដូច្នេះ រឿងនេះអាចកើតឡើង បើសិនរូបគេទទួលជ័យជម្នះនៅវគ្គផ្ដាច់ព្រ័ត្រ Grand Prix។ សិស្សគុនក្លិប Fairtex បង្ហើបអំពី Ritu ថា៖«គេពិតជាគូប្រជែងខ្លាំង។ ខ្ញុំត្រូវធ្វើឲ្យល្អបំផុត ព្រោះគេពូកែប្រកួតដេក និង ចំបាប់ផង។ ខ្ញុំហ្វឹកហាត់ឲ្យល្អ ជាពិសេសផែនការលើជំនាញចាប់ផ្ដួល។ ខ្ញុំត្រូវរៀបចំឲ្យឆ្លាតជាងរូបគេ»។

កីឡាការិនីវ័យ ២៣ ឆ្នាំសង្កត់ធ្ងន់ថា ៖ «បើសិនខ្ញុំរក្សាការប្រកួតឲ្យឆ្ងាយ ជាមួយ Ritu ខ្ញុំនឹងអាចចេញកណ្ដាប់ដៃ,ចាប់អុក, ប្រើជង្គង់, ទាត់ ហើយខ្ញុំនឹងឈ្នះការប្រកួតនេះ»។

គួរដឹងថា វគ្គ ONE Women’s Atomweight World Grand Prix គ្រោងនឹងធ្វើឡើងនាដើមខែ ធ្នូ ខាងមុខ ដែលជាការប្រកួតជក់ចិត្តដណ្ដើមកៅអីឡើងជួប Angela Lee៕

Related Topics:កីឡាប្រដាល់