ព័ត៌មានជាតិ

លោក ឌី វិជ្ជា រៀបចំទស្សនកិច្ចស្វែងយល់សម្រាប់យុវជន ស.ស.យ.ក ខេត្តស្វាយរៀង៩២នាក់

បានផុស

៦ years មុន

នៅ

ថ្ងៃសៅរ៍ ២៤ តុលា ២០២០

ដោយ

លោក ឌី វិជ្ជា ប្រធានសហភាពសហព័ន្ធយុវជនកម្ពុជាខេត្តស្វាយរៀង បានរៀបចំដំណើរទស្សនកិច្ចស្វែងយល់ និងសិក្សា ដល់យុវជន ស.ស.យ.ក. ខេត្តស្វាយរៀងចំនួន៩២នាក់ ដែលមកពីក្រុងបាវិត និងស្រុករមាសហែក នៅវិមានឈ្នះឈ្នះ។

បន្ថែមពីនោះ ព្រមទាំងចូលរួមកម្មវិធីស្វែងយល់ការពិត ក្រោមប្រធានបទ “២៣ តុលា ១៩៩១ សន្ធិសញ្ញាសន្តិភាពទីក្រុងប៉ារីស” ជាមួយអ្នកចូលរួមផ្សេងៗទៀតដូចជា សិស្ស និស្សិត សាធារណជន ក៏ដូចជាព្រះសង្ឃ នៅស្ថានីយវិទ្យុ និងទូរទស្សន៍បាយ័ន រាជធានីភ្នំពេញ ដែលកម្មវិធីនេះ ធ្វើឡើងចំខួប២៩ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស។

ក្នុងដំណើរទស្សនកិច្ច ស្វែងយល់ និងសិក្សានេះផងដែរ យុវជន បានទទួលនូវឱកាសផ្ទាល់លើកជាសំនួរទៅកាន់វាគ្មិនកិត្តិយសដូចជា លោកបណ្ឌិត ជេត ជាលី លោកបណ្ឌិត សំបូរ ម៉ាណ្ណារ៉ា និងលោកបណ្ឌិត ជៀប សុផល ដើម្បីទទួលបាននូវចំណេះដឹងបន្ថែម និងសុក្រឹត ទាក់ទងនឹងប្រវត្តិសាស្ត្ររបស់ប្រទេសកម្ពុជា និងដំណើរប្រព្រឹត្តរបស់សន្ធិសញ្ញាសន្តិភាពទីក្រុងប៉ារីស។ ជាពិសេសនោះ ទទួលបាននូវឱវាទល្អៗសម្រាប់យុវជនជំនាន់ក្រោយ ជាអ្នកទទួលផលពីថ្នាក់ដឹកនាំប្រទេសបច្ចុប្បន្ន ដែលគាត់បានខិតខំ លះបង់កម្លាំងកាយចិត្ត ឈាមស្រស់ សាច់ស្រស់ និងបុព្វការីជនដែលបានពលីជីវិត ដើម្បីផ្តល់សុខសន្តិភាព រហូតមកដល់ដូចសព្វថ្ងៃនេះ ដល់ប្រជាពលរដ្ឋ និងប្រទេសជាតិ៕