ចរាចរណ៍
បុកម៉ូតូអូសជាប់ក្រោមរថយន្ដបង្កជាអណ្ដាតភ្លើងឆេះខ្ទេចទាំងស្រុងនិងស្លាប់មនុស្សម្នាក់
មនុស្សម្នាក់បានស្លាប់នៅនឹងកន្លែងកើតហេតុ ខណ:ដែលមានរថយន្តធុនធ្ងន់មួយគ្រឿងបុកម៉ូតូអូសតាមផ្លូវជាតិ រហូតបង្កជាផ្កាភ្លើង ឆេះទាំងរថយន្ត និងម៉ូតូគ្មានសល់។
ហេតុការណ៍ដែលបង្កអោយមានការភ្ញាក់ផ្អើលនេះបានកើតឡើងនៅថ្ងៃទី២៥ ខែធ្នូ ឆ្នាំ២០២១ វេលាម៉ោង៧និង៤០នាទីយប់ នៅចំណុចក្រុមទី៣០ ភូមិកកោះ ឃុំកកោះ ស្រុកមោងឫស្សី ខេត្តបាត់ដំបង លើកំណាត់ផ្លូវជាតិលេខ៥ ចន្លោះគីឡូម៉ែត្រលេខ ២៥២-២៥៣ ។
ករណីគ្រោះថ្នាក់ចរាចរណ៍មួយនេះ គឺកើតឡើងរវាងរថយន្តមួយគ្រឿង ម៉ាកហ៊ីយ៉ាន់ដាយ ប្រភេទក្បាលសណ្ដោងពាក់ស្លាកលេខ កំពង់ចាម 3A-7927 អ្នកបើកបរមិនស្គាល់អត្តសញ្ញាណ(រត់គេចខ្លួន) បើកបរ ក្នុងទិសដៅពីលិច ទៅកើត លុះមកដល់ចំណុចកើតហេតុខាងលើ បានបុកម៉ូតូមួយគ្រឿង ម៉ាកស៊ុយសូគី វីវ៉ា ធុនសេ១២៥ ពាក់ស្លាកលេខបាត់ដំបង 1D-9636 អ្នកបើកបរឈ្មោះ ម៉ាក់ ម៉ៅ ភេទប្រុសអាយុ៤០ឆ្នាំ រស់នៅភូមិសំរោងអូរទ្រា ឃុំសំរោងក្នុងស្រុកឯកភ្នំ ខេត្តបាត់ដំបង ក្នុងទិស ដៅបញ្ច្រាសគ្នា។
សមត្ថកិច្ចមូលដ្ឋានបានបញ្ជាក់ថា នៅក្នុងហេតុការណ៍នេះដែរ ទំនងជារថយន្តមានបំណងបើករត់ ប៉ុន្តែដោយសារតែម៉ូតូនៅជាប់ពីក្រោមរថយន្ត ទើបបង្កអោយបែកផ្កាភ្លើង និងបណ្ដាលអោយឆេះម៉ូតូនិងរថយន្តតែម្តង។
នៅកន្លែងកើតហេតុ គឺមានមនុស្សស្លាប់១នាក់ (អ្នកបើកបរម៉ូតូ) ដោយរថយន្តពន្លត់អគ្គីភ័យចំនួន៣ គ្រឿងបានចេញអន្តរាគមន៍គឺ រថយន្តរបស់ អធិការដ្ឋាននគរបាលស្រុកមោងឫស្សី រថយន្តពន្លត់អគ្គីភ័យស្រុកគាស់ក្រឡ និងរថយន្តពន្លត់អគ្គីភ័យស្រុកសង្កែ ៕
អត្ថបទ៖ សោ និយមរ័ត្ន
-
ព័ត៌មានអន្ដរជាតិ៧ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ១៧ ម៉ោង agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៧ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ