ព័ត៌មានជាតិ
ដើរកាត់ព្រៃជាង ១ គីឡូម៉ែត្រនឹងឃើញឆ្នេរមានទឹករលកធំៗលើកោះរ៉ុងសន្លឹម
ឆ្នេរ Lazy Beach ស្ថិតនៅជ្រុងម្ខាងនៃកោះរ៉ុងសន្លឹម ជាទីសម្រាកកាយដ៏ស្ងប់ស្ងាត់ដែលអ្នកទេសចរមិនគួរមើលរំលង។
អាចនិយាយបានថាឆ្នេរនេះនៅដាច់សង្វែងបន្តិច ហើយការធ្វើដំណើរអាចត្រូវជួលទូក តែមធ្យោបាយដ៏ល្អបំផុតគឺអ្នកចូលចិត្តផ្សងព្រេងអាចធ្វើដំណើរដោយដើរថ្មើរជើងកាត់ព្រៃជាង ១ គីឡូម៉ែត្រនឹងទៅដល់ឆ្នេរឋានសួគ៌ដ៏ស្ងប់ស្ងាត់នេះ។
តាមបទពិសោធន៍របស់ក្រុមការងារកម្ពុជាថ្មីដែលបានធ្វើដំណើរទៅកោះរ៉ុងសន្លឹមកាលពីចុងសប្តាហ៍មុន ក៏បានទៅលេងឆ្នេរ Lazy Beach ដោយសារមានការណែនាំពីបងប្អូនដែលរស់នៅលើកោះ។
ពេលដែលក្រុមការងារធ្វើដំណើរពីកន្លែងស្នាក់នៅ La Passion Resort ដោយដើរកាត់ព្រៃជាង ១ គីឡូម៉ែត្រដោយចំណាយពេលមិនដល់ ៣០ នាទីបានទៅដល់ឆ្នេរឋានសួគ៌នេះ។
ទៅដល់ទីនោះភ្លាម យើងមិនសូវជាឃើញមានភ្ញៀវទេសចរទៅលេងច្រើនទេ ភាគច្រើនជាបរទេសទៅជាលក្ខណៈគ្រួសារ និងជាក្រុម ហើយភ្ញៀវខ្មែរមានតិចតួចប៉ុណ្ណោះ។ នៅទីនោះមានរីសតមួយរបស់ខ្មែរ ដែលផ្តល់សេវាមានកន្លែងហូបចុក រួមទាំងផ្ទះស្នាក់នៅដែលធ្វើពីឈើប្រក់ស្បូវតាមមាត់ឆ្នេរ។
អ្វីចាប់អារម្មណ៍ប្លែកពីឆ្នេរដទៃទៀត ធ្នេរ Lazy Beach មានទឹករលកធំៗអមដោយបរិយាកាសដ៏ស្ងប់ស្ងាត់។ យើងពេញចិត្តពេលទៅលេងឆ្នេរនោះ ដោយសារបរិយាកាសធម្មជាតិជុំវិញ ជាពិសេសនោះគឺមិនសូវមានមនុស្សអ៊ូអររំខានអារម្មណ៍។
លោក មុយ ខេន ម្ចាស់រីសតមួយកន្លែងនៅឆ្នេរ Lazy Beach បានប្រាប់អ្នកយកព័ត៌មានកម្ពុជាថ្មី ឆ្នេរនេះស្ថិតនៅឆ្ងាយបន្តិច បើចង់ធ្វើដំណើរអាចជួលទូក តែលោកណែនាំឲ្យភ្ញៀវគួរចំណាយពេលធ្វើដំណើរថ្មើរជើងកាត់ព្រៃប្រហែលមិនដល់ ៣០ នាទីពិតជាជម្រើសល្អបំផុត។
លោកថា នៅឆ្នេរ Lazy Beach មិនទាន់រៀបចំអ៊ូអរដូចនៅឆ្នេរសារាសេន ឬសាន់សេដ។ យ៉ាងណា លោកផ្តល់យោបល់ដល់ភ្ញៀវទេសចរដែលចង់បានបរិយាកាសថ្មីប្លែក អាចមកកម្សាន្តស្នាក់នៅនៅឆ្នេរ Lazy Beach ដើម្បីទទួលបទពិសោធន៍កាន់តែរីករាយសម្រាប់ដំណើរកម្សាន្តមកកោះរ៉ុងសន្លឹម។
កោះរ៉ុងសន្លឹមស្ថិតនៅខាងត្បូងចម្ងាយជាង ៤ គីឡូម៉ែត្រពីកោះរ៉ុង។ កោះរ៉ុងសន្លឹមមានឆ្នេរកម្សាន្តចំនួន ៦ កន្លែង គឺទី១. ឆ្នេរភូមិ២៣ ឬកោះរ៉ុងសន្លឹម , ២. ឆ្នេរសេនឌីប៊ីច, ៣. ឆ្នេរក្រឡក់ត្រីកេះ ឬឆ្នេររមនី, ៤. ឆ្នេរ Lazy Beach, ៥ ឆ្នេរសារាសេន និងទី៦. ឆ្នេរសាន់សេដ៕
អត្ថបទ៖ ប៊ុណ្ណារ៉ា
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ៧ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន