ព័ត៌មានជាតិ
មកដល់ម៉ោងនេះ ខេត្តណាខ្លះប្រកាសផ្តល់រង្វាន់ដល់សិស្សនិទ្ទេស A?
លទ្ធផលប្រឡងសញ្ញាបត្រទុតិយភូមិនាសម័យប្រឡងឆ្នាំសិក្សា ២០២០-២០២១ ឃើញថាមានបេក្ខជនជាង ៦៥ ភាគរយបានជាប់។ ក្នុងនោះមានបេក្ខជនដែលជាប់និទ្ទេស A ទូទាំងប្រទេសមានចំនួន ១ ៧៥៣ នាក់។
ថ្នាក់ដឹកនាំតាមបណ្តាខេត្តមួយចំនួនក៏បានប្រកាសផ្តល់រង្វាន់លើកទឹកចិត្តដល់បេក្ខជនដែលជាប់និទ្ទេស A តាមមូលដ្ឋានរបស់ខ្លួន ដើម្បីលើកទឹកចិត្តដែលបានប្រឹងប្រែងរៀនសូត្រសម្រេចបានលទ្ធផលល្អ។

ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូន ក៏បានប្រកាសនឹងផ្តល់រង្វាន់លើកទឹកចិត្តម៉ូតូ SCOOPY ដល់សិស្សនៅទូទាំងស្រុកកោះធំ ដែលប្រឡងសញ្ញាបត្រមធ្យមសិក្សាទុតិយភូមិជាប់បាននិទ្ទេស A។
ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ ក្នុងពេលចូលរួមពិធីបើកកញ្ចប់វិញ្ញាសាប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំសិក្សា២០២០-២០២១ នៅមណ្ឌលប្រឡងវិទ្យាល័យកំពង់ស្ពឺបានសន្យានឹងផ្តល់រង្វាន់ម៉ូតូ ZOOMER X ដល់សិស្សានុសិស្សដែលទទួលបាននិទ្ទេស A។
ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ ក៏បានធ្វើការណែនាំឱ្យមន្ទីរអប់រំ យុវជន និងកីឡាខេត្ត ត្រៀមរៀបចំពិធីសំណេះសំណាលជាមួយលោកគ្រូ អ្នកគ្រូដែលបានយកចិត្តទុកដាក់ខិតខំបង្ហាត់បង្រៀនសិស្សតាមសាលានីមួយៗទទួលបាននិទ្ទេស A ច្រើនជាងគេតាមការសន្យាកន្លងមក។
តាមបណ្តាខេត្តផ្សេងទៀត មិនទាន់ទទួលព័ត៌មាននឹងមានរៀបចំឬការផ្តល់រង្វាន់លើកទឹកចិត្តដល់សិស្សដែលជាប់និទ្ទេស A ក្នុងមូលដ្ឋានរបស់ខ្លួននៅឡើយទេ។

ដោយឡែកជារៀងរាល់ឆ្នាំ ប្រមុខរដ្ឋាភិបាលសម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក៏តែងតែរៀបចំកម្មវិធីជួបសំណេះសំណាល និងផ្ដល់រង្វាន់លើកទឹកចិត្តដល់ក្មួយៗ ចៅៗ សិស្សានុសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ(បាក់ឌុប) ដែលទទួលបាននិទ្ទេស (A)៕

-
ព័ត៌មានអន្ដរជាតិ២ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១៧ ម៉ោង ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៣ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៧ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១ ថ្ងៃ ago
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៧ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន