ប្អូនស្រីបង្កើត រ៉េត សារីតា ចេះនិយាយរហូតទៅដល់ ៤ ភាសា ខណៈនាងត្រៀមខ្លួនចូលរួមប្រកួត MUC 2022

កញ្ញា រ៉េត ស្រីនាត ត្រូវបានគ្រប់គ្នាស្គាល់ថា ជាប្អូនស្រីបង្កើត MISS UNIVERSE CAMBODIA 2021 កញ្ញា រ៉េត សារីតា បានកំពុងនិងត្រៀមខ្លួនចូលរួមប្រកួត MISS UNIVERSE 2022 នៅពេលខាងមុខនេះ ខណៈសមត្ថភាពរបស់នាងពិតជាមិនធម្មតា។

នេះបើតាមការឲ្យដឹង កញ្ញា រ៉េត ស្រីនាត កំពុងត្រៀមខ្លួនចូលរួមប្រកួតកម្មវិធីបវរកញ្ញាចក្រវាលកម្ពុជា ឆ្នាំ ២០២២ នៅពេលខាងមុននេះ ខណៈមានបងស្រីជាម្ចាស់ជយលាភីគ្រងមកុដ MUC ឆ្នាំមុន។ លើសពីនេះទៅទៀត ប្អូនស្រីបង្កើត កញ្ញា រ៉េត សារីតា រូបនេះ គឺជាអតីត MISS GRAND CAMBODIA ឆ្នាំ ២០១៧ TOP ៦ ។ ចំណែកអ្វីដែលគួរឲ្យចាប់អារម្មណ៍ទៀតនោះ រ៉េត ស្រីនាត អាចនិយាយបានដល់ទៅ ៤ ភាសា មានដូចជា អង់គ្លេស បារាំង ចិន បាគីស្ថាន បូករួមជាមួយភាសាដើមកំណើតខ្មែរ។ ទន្ទឹមនឹងនេះ អតីត MISS GRAND CAMBODIA អាយុ ២៥ ឆ្នាំនេះ ក៏ជាបុគ្គលិក Ambassador Secretary នៅស្ថានទូតបាគីស្ថានផងដែរ។

គួររំលឹកថា កញ្ញា រ៉េត សារីតា គឺជាម្ចាស់មកុដបវរកញ្ញាចក្រវាលកម្ពុជា ឆ្នាំ ២០២១ តំណាងឲ្យប្រទេសកម្ពុជាចូលរួមប្រកួត MISS UNIVERSE INTERNATIONAL 2021កាលពីខែធ្នូ ឆ្នាំ ២០២១ នៅសហរដ្ឋអាមេរិក៕

អត្ថបទ៖ ផានិត